Kadaj-Bujupi ankohet në sjelljet e prokurores, e quan të pakuptimtë arrestimin e saj

Deputetja e Vetëvendosjes Donika Kadaj Bujupi pas marrjes në pyetje në Gjykatën Themelore në Prishtinë është liruar.

Periskopi.com Lajme

Kadaj – Bujupi, tha të jetë marrë në pyetje nga prokuroria lidhur me rastin e 1 shtatorit të vitit të kaluar, kur ishin ndaluar nga policia në hollin e kuvendit pasi që dyshohej se u ishte gjetur sprej.

Ajo është ankuar në sjelljet e prokurores, e cila sipas deputetes, nuk ia ka lexuar të drejtat e saj dhe nuk i ka dhënë të drejtën për t’u mbrojtur me avokat.

Gjithashtu ajo e ka quajtur të pakuptimtë arrestimin e saj, pasi që kur ishte arrestuar më 1 shtator kishte qëndruar në paraburgim për 48 orë dhe as nuk ishte marrë në pyetje. Deputetja e Vetëvendosjes, u arrestua gjatë ditës në kufi me Maqedoninë.

Reklamë
Reklamë

Schwendiman nuk tregon nëse rasti Haradinaj mund t’i përcillet Speciales

Kryeprokurori special për krime lufte në Kosovë, David Schwendiman, nuk ka qenë i prerë në përgjigje se si do të vepronte nëse do t’i kërkohej ta merrte në dorë rastin e Ramush Haradinajt, të cilin po kërkon ta ekstradojë Serbia.

Periskopi.com Lajme

Haradinaj, që u ndalua nga autoritetet franceze në fillim të janarit po vazhdon të mbrohet në liri në Francë, deri në shqyrtimin e kërkesës së Serbisë për ekstradim, shkruan sot Koha Ditore.

Teksa ka treguar se nuk ka pasur ndonjë urdhër nga ai për arrestimin e Haradinajt, Schwendiman në përgjigjen dërguar gazetës përmes zyrës së tij ka thënë se nuk komentojnë se kush mund të jetë subjekt i ndjekjes penale.

“Prokurori special nuk komenton mbi hetimet që janë duke vazhduar. As atë se kush mund të jetë subjekt i mundshëm i ndjekjes penale, ose kush nuk mund të jetë, as se kur mund të ketë aktakuzë apo kur do të ngrihen këto aktakuza”, ka thënë Schwendiman teksa është pyetur se si do të vepronte nëse i kërkohet ta marrë në shqyrtim rastin e Ramush Haradinajt.

Reklamë
Reklamë

Serbia ende në shok pas lirimit të Haradinajt: Pacolli feston, shqiptarët “shkelin” me pare!

Mediat serbe dhe politika në Serbi janë bërë bashkë në “kukatjen” për lirimin e Ramush Haradinajt nga Gjykata e Apelit në Colmar të Francës.

Periskopi.com Lajme

Qe nga momenti i lirimit të Haradinajt (lirim me kusht), si pushteti ashtu edhe mediat kinse liberale serbe janë hedhur në sulm për të akuzuar së pari Francën, pastaj SHBA-të, Shqipërinë e tërë lobin shqiptar për lirimin e Haradinajt, shkruan lajmi.net.

Megjithatë, është një politikan tjetër kosovar të cilin mediat serbe qe nga arrestimi Haradinajt e mbajnë nëpër ballina. Bëhet fjalë për ish presidentin, Behgjet Pacollin, për të cilin në disa raste kanë thënë se ai po paguan dhe ka paguar për lirimin e Haradinajt.

“Pacolli feston. Shqiptarët paguajnë që Interpoli t’ia heqë fletarrestin Haradinajt”, kështu është titulli në numrin e sotëm të ballinës së gazetës më të madhe serbe, “Blic”.

Në këtë artikull përplot mllef dhe konspiracione ndaj shqiptarëve, Haradinajt dhe Pacollit, shkruan nder tjerash se “lobi shqiptarë e ka fituar betejën e parë për lirinë e Haradinajt, lideri i UÇK-së është liruar nga burgu, por mbetet në Francë deri te vendimi për ekstradim. Caku i ardhshëm i atyre (shqiptarëve) është anulimi i fletarrestit nga Interpoli”.

Në këtë tekst po ashtu janë përfshirë edhe deklarata e Edi Ramës, kryeministrit të Shqipërisë, pastaj ka folur Obrad Kesiq, politikan serb që jeton në Serbi, etj.

“Ekzistojnë dy nivele të lobimit: njëri nga bashkësia shqiptare dhe tjetri nga diplomatët amerikanë. Në të dytin janë figura të rëndësishme si ish kongresisti, Xhozef Diogardi dhe kolegu i tij, Elit Engel”, thotë Kesiq.

“Lobimi shqiptar nuk është risi, kështu që nuk ka shqiptar i cili të paktën nuk i ka dhënë pesë euro për Ramushin në Hagë”, thotë analisti i njohur serb, Dushan Janjiq.

mediat-serbe

Reklamë
Reklamë

Në Kosovë mund të ketë incidente, thotë Beogradi

Pas parashikimit të sulmeve të shqiptarëve nëpër përfaqësitë diplomatike të Serbisë në Perëndim, Beogradi tash parasheh edhe incidente në Kosovë.

Periskopi.com Lajme

Kështu, kryetari i Këshillit për Kosovën në Kuvendin e Serbisë Milovan Drecun thotë se në periudhën e ardhshme nuk mund të përjashtohen incidente për shkak të situatës në Kosovë, transmeton Koha.net

“Ka paralajmërime se shqiptarë ekstremë dhe sidomos ish –pjesëtarë të UÇK-së dhe të UÇPMB -së mund të ndërmarrin ndonjë aksion eventual të dhunës” ka thënë Drecun pas takimit në këtë Këshill mbajtur larg medieve e që ka zgjatur tri orë.

“Nuk mund të përjashtohen incidentet në periudhën e ardhshme, sidomos marrë para sysh situatën pas arrestimit ë Ramush Haradinajt”, ka thënë Drecun.

Në këtë takim kanë marrë pjesë përfaqësuesit e të gjitha shërbimeve informative të Serbisë të cilët kanë folur për situatën e sigurisë ë Kosovë.

Reklamë
Reklamë

Hoxhaj thotë se Serbia me këto veprime po rrezikon dialogun

Ministri i Punëve të Jashtme Enver Hoxhaj duke folur në seancën e jashtëzakonshme për arrestimin e Ramush Haradinajt ka treguar të gjitha angazhimet e MPJ-së në lidhje me rastin Haradinaj.

Periskopi.com Lajme

Ai tha se janë në kontakt të vazhdueshëm me Qeverinë franceze për mundësuar që Haradinaj të lirohet sa më shpejt.

Hoxhaj tha më tej se Serbia ka rikthyer logjikën e politikës së Millosheviqit.

E për këtë arsye Hoxhaj tha se për këtë kanë marrë veprime reciproke në raport me Serbinë. Ai ka përmendur vendimin për ndalimin e presidentit serb Tomisllav Nikoliq që të hyjë në Kosovë.

Reklamë
Reklamë

Mustafa: Fletë arrestet me tendencë për të nxitur tensione e konflikte

Kryeministri i Kosovës, Isa Mustafa, tha se shpreh shqetësimin dhe papajtueshmërinë e Qeverisë së Kosovës me ndalimin e Ramush Haradinajt në Francë.

Periskopi.com Lajme

Ai tha se Qeveria konsideron se fletë arrestet serbe për qytetarët e Kosovës janë të paligjshme, të motivuara politikisht dhe me tendenca të qarta për të nxitur tensione e konflikte dhe për të dëmtuar proceset në rajon e më gjerë.

“Me të kuptuar lajmin për ndalimin e Haradinajt, të gjitha dikasteret e institucioneve të Republikës së Kosovës janë vënë në veprim në mënyrë që ai të lirohet sa më shpejt, si lider i AAK-së dhe si politikan i rëndësishëm i Kosovës”, ka thënë Mustafa.

Qeveria, sipas tij, po punon intensivisht që këto akuza tendencioze e të pabaza të Serbisë të refuzohet nga institucionet ndërkombëtare të sigurisë.

“Ne kemi bërë përpjekje maksimale që Kosova të anëtarësohet në Interpol dhe të rrisim bashkëpunimin me Europol. Ne shpresojmë se me anëtarësimin tonë në këto institucione, këto fletë arreste të motivuara politikisht do të hiqen”, u shpreh kryeministri.

“Unë shpreh bindjen e plotë se institucionet e Francës do të marrin vendim të shpejtë që Haradinaj të kthehet shpejtë në Kosovës dhe që veprime të tilla të mos ndodhin ndaj qytetarëve të Kosovës”, theksoi më tej ai.

“Haradinaj ka qenë Kryeministër, është kryetar i AAK-së, i një force të rëndësishme politike në vend, është shquar për orientimin e tij pro-evropian prandaj nuk shohim asnjë arsye që ai të mbahet edhe më tutje i arrestuar”, ka përfunduar Mustafa.

Reklamë
Reklamë
Ramush Haradianj / ARKIV

Gazetari kroat reagon për Haradinajn: Hero, jo kriminel

Gazetari kroat, Velimir Bujanec, ka reaguar pas arrestimit të ish-kryeministrit të Kosovës, Ramush Haradinaj të mërkurën në Francë, në bazë të një urdhër-arresti ndërkombëtar të lëshuar nga Serbia.

Periskopi.com Lajme

 

Bujanec, i cili është moderator televiziv në Kroaci, përmes një postimi në rrjetin social Facebook ka thënë se kroatët e dinë mirë se cilët popuj i kanë miq – duke folur për Kosovën.

Ai ka thënë se lideri i Aleancës për Ardhmërinë e Kosovës nuk është kriminel, por hero.

Beogradi akuzon Haradinajn për dhjetëra civilë serbë, trupat e të cilëve ishin gjetur në afërsi të liqenit të Radoniqit në Deçan.

“Ramush Haradinaj – Hero, jo kriminel!

Kroatët e dinë mirë se kush janë miqtë tanë, me të cilët ne duhet të rrijmë bashkë dhe t’i respektojmë… humbësit nervozë nga provinca e Beogradit kanë ngritur “akuza” të rreme, për shkak se shqiptarët janë kokëlartë”, ka shkruar Bujanec, i cili është redaktor i mediumit Bujica.

Image

Haradinaj është duke u mbajtur në një qendër të paraburgimit në qytetin Colmar të Francës.

Kryeministri serb, Aleksandar Vuçiq ka thënë se shteti i tij do të kërkojë ekstradimin e Haradinajt në Serbi. Siç ka njoftuar dje Ministria serbe e Drejtësisë, shteti serb nuk ka bërë ende kërkesë për ekstradim, mirëpo një gjë të tillë pritet ta bëjë gjatë fillimit të javës së ardhshme.

Gazetari kroat reagon për Haradinajn: Hero, jo kriminel

Reklamë
Reklamë

NZZ: Ekstradimi i Haradinajt në Serbi, praktikisht i pamundur

"Janë të pakta shanset që të ketë sukses kërkesa e Serbisë për ekstradim, edhe për faktin se Haradinaj udhëtonte me pasaportë diplomatike"

Periskopi.com Lajme

Duke analizuar rrethanat e arrestimit të Ramush Haradinajt dhe reagimet që ka ngjallur arrestimi i tij në opnion, analisti i “Neue Zürcher Zeitung” pasi bën një përshkrim të figurës së ish-kryeministrit të Kosovës dhe kryetarit të AAK-së, ndalet edhe në zhvillimet në Kosovë në fillim të viteve 2000, kur u themelua kjo parti nga Ramush Haradinaj.

“Në vitin 2000 ai themeloi Aleancën për Ardhmërinë e Kosovës duke u bërë kështu një konkurrent i Hashim Thaçit. Diplomatët perëndimorë politikanin e sapo formësuar e morën në mbrojtje. Ata e lëvdonin atë si të aftë për të mësuar dhe bashkëpunues dhe vlerësonin respektin, që ai tregonte ndaj tyre. Por që ky raport paternalist nuk i përgjigjej aspak raporteve reale të pushtetit, ata e kuptuan në vitin 2004, përcjell deutschewelle.de Shumë kosovarë asokohe ishin të zhgënjyer që pavarësia nuk po avanconte dhe indinjoheshin që ‘ndërkombëtarët’ donin të diskutonin për statusin e vendit pasi të përmbusheshin ‘standardet’ e kërkuara prej tyre.

Kësisoj shpërtheu një pogromë gjysmë spontane dhe gjysmë e orkestruar. Kryesisht kjo revoltë drejtohej kundër minoriteteve por edhe kundër pranisë ndërkombëtare. Në këtë çast u bë e qartë, se pushteti në Kosovë nuk ishte në duart e ‘bashkësisë ndërkombëtare’, por në duart e ish-warlords, (zotërve të luftës) që në çdo kohë mund të nxisnin një gjendje të jashtëzakonshme. Ramush Haradinaj ishte përfaqësuesi më prominent i këtij grupi. Shefi i Misionit të OKB-së, UNMIK, Sören Jessen-Petersen, për këtë arsye u afrua me të. Kësisoj u zhvillua një aleancë nga halli në formën e një miqësie burrash. ‘Ndërkombëtarët’ gjithnjë e më shumë u angazhuan për agjendën e pavarësisë të elitës vendase, ndaj vullnetit të së cilës ato ishin të varura, për ta mbajtur në stabilitet protektoratin. Kur Haradinaj në mars 2005 u akuzua nga Tribunali për Krimet e Luftës, Jessen-Petersen e cilësoi atë si mik dhe e mbështeti. Kryeprokurorja e Tribunalit, Carla Del Ponte, më vonë akuzonte, se atë nuk e kishin mbështetur as UNMIK-u dhe as NATO-ja. …

Duke komentuar procesin ndaj Haradinatj në Hagë, më tej në artikullin e ‘Neue Zürcher Zeitung’ shkruhet: “Sado të dyshimta të jenë rrethanat që e shoqëruan këtë proces, po aq i qartë është juridikisht lirimi nga akuza i Haradinajt. Ndaj janë të pakta shanset që të ketë sukses kërkesa e Serbisë për ekstradim, edhe për faktin se Haradinaj udhëtonte me pasaportë diplomatike. Gjatë arrestimit të tij të fundit në Slloveni më 2015 autoritetet e liruan atë pas pak ditësh për shkak të imunitetit që gëzonte. Një vendim ndryshe i francezëve do të ishte një sensacion”, shkruan ‘Neue Zürcher Zeitung’.

 

NZZ: Ekstradimi i Haradinajt në Serbi, praktikisht i pamundur

 

Reklamë
Reklamë

Deputetët s’i prishin pushimet për seancën e jashtëzakonshme për Haradinajn

Deputetët e Kuvendit të Kosovës, nuk i kanë prishur pushimet e tyre që të marrin pjesë në seancën e jashtëzakonshme për arrestimin e liderit të AAK-së, Ramush Haradinaj.

Periskopi.com Lajme

Ani pse 43 deputetë kanë nënshkruar kërkesën për këtë seancë të jashtëzakonshme, ata nuk ishin të gatshëm të ishin pjesë e seancës të menduar për të shtunën, raporton KTV.

Pas diskutimeve në mbledhjen e Kryesisë, shefat e Grupeve Parlamentare të disa prej partive, u pajtuan që seanca e jashtëzakonshme të mbahet të martën në ora 11.

Iniciuesi i kërkesës për këtë seancë, Pal Lekaj, ka kritikuar deputetët për mosgatishmërinë e tyre, pasi, siç ka thënë ai, ata duhet të jenë të gatshëm sa herë që kërkohet të jenë në seanca të jashtëzakonshme.

Ndërsa dhjetëra qytetarë kanë protestuar në Colmar kundër mbajtjes në arrest të liderit të AAK-së.

Reklamë
Reklamë

Haradinaj flet nga Franca, çon porosi për miqtë e Serbisë brenda e jashtë Kosovës

Periskopi.com Video
Reklamë
Reklamë

Pavarësisht se protestojnë, Gjini i sigurt se nuk do të ndodh ekstradimi i Haradinajt në Serbi

Është vështirë me ditë ditën e orën kur do të lirohet Ramush Haradinaj, por ai shpejtë do të lirohet, ka thënë Ardian Gjini, nënkryetar i AAK’së.

Periskopi.com Lajme

“Kosovës po i bëhen shumë dëme, por ekstradimi i mundshëm i Haradinajt është pothuajse i pamundshëm”, ka thënë Gjini, në emisionin Rrokum Rroll, në TV Rrokum.

Ai ka shtuar se Kosova nuk duhet të lejojë të poshtërohet nga Serbia dhe se Haradinaj dhe familja e tij janë themel i lirisë dhe pavarësisë së Kosovë.

Reklamë
Reklamë

Çfarë shkruan në letrën e Prokurorisë së përgjithshme të Francës për Haradinajn

Ish-kryeministri Ramush Haradinaj do të mbesë në paraburgim në Francë, deri në një kërkesë zyrtare të Serbisë për ekstradim të tij, ka njoftuar Gjykata e Apelit në Francë, raportoi Reuters.

Periskopi.com Lajme

Në letrën e Prokurorisë së përgjithshme thuhet se: “Në përputhje me Konventën Evropiane të ekstradimit nga 1957, z. Ramush Haradinaj iu paraqit Prokurorit të Përgjithshëm të Apelit në Colmar me 5 janar, që ia tregoi atij kërkesën për mbajtje të përkohshme dhe ia tregoi masat e kryegjyqtarit të Apelit që të merren masat në mënyrë që të garantohet përfaqësimi i tij para Drejtësisë franceze me rastin e procedurës se ekstradimit”.

“Me vendim e marrë sot përmbarohet udhëzimi i Apelit për ta përcaktuar vlefshmërinë juridike e kërkesës për ekstradim në Serbi”, thuhet më tej në dokumentin, raporton Koha.net.

Ramush Haradinaj u ndalua nga autoritet franceze gjatë ditës së djeshme, në pjesën franceze të Bazelit, bazuar në një urdhërarrest të Serbisë të lëshuar në vitin 2004, kinse për krime lufte.

Haradinaj dy herë është shpallur i pafajshëm nga Tribunali i Hagës ku po gjykohej si i dyshuar për krime lufte.

20170105204752899

Reklamë
Reklamë

Ambasadori francez: Nëse Haradinaj do të na informonte për udhëtimin, s’do arrestohej (Video)

Ambasadori i Francës në Prishtinë, Didier Chabert, ka thënë qe janë duke bere maksimumin, që ndalimi i Ramush Haradinajt, nga autoritetet franceze më 5 Janar, të marrë një epilog.

Periskopi.com Lajme

Në intervistë për Klan Kosova, Chabert, ka thënë se ndalimi i Haradinajt është një procedurë e rregullt, pasi që ai është në listën e të kërkuarve të Interpolit, ku Franca është anëtare e saj.

Megjithatë, sipas Chabert krejt kjo histori mund të mos ndodhte fare nëse kryetari i AAK-së do informonte Ambasadën Franceze se do udhëtojë në Republikën e tyre.

Reklamë
Reklamë

Konfirmohet arrestimi i Haradinajt, ja ku ishte dhe pse u arrestua

Periskopi.com Video
Reklamë
Reklamë

MPJ pret lirimin e Haradinajt, i dërgon notë verbale Francës

Ministria e Punëve të Jashtme e ka konfirmuar ndalimin e Ramush Haradinajt.

Periskopi.com Lajme

MPJ ka bërë me dije se janë duke punuar që Haradinaj të lirohet sa më shpejt.

“Ministria e Punëve të Jashtme është duke u marrë intensivisht që nga ora 15h të ditës së sotme me rastin e ndalimit të z. Ramush Haradinaj, Kryetar i AAK-së. Ndalimi i tij nga autoritetet franceze është bazuar në një fletarrestë të Serbisë të vitit 2004 që për ne është i papranueshëm. MPJ ka nisur notat verbale nëpërmjet Ambasadës tonë në Paris dhe vetë ministri Hoxhaj është marrë personalisht për të shfrytëzuar të gjitha rrugët diplomatike që Haradinaj të lirohet sa më parë”, ka thënë Bashmir Xhemaj, Shef i Kabinetit te Ministrit Hoxhaj./Zeri

Reklamë
Reklamë

AAK kërkon ndërprerjen e bisedimeve me Serbinë, pas arrestimit të Haradinajt

Kryetari i AAK-së, Ramush Haradinaj, sot është ndaluar në aeroportin e Bazelit, sipas një urdhërarresti të lëshuar nga Serbia në vitin 2004.

Periskopi.com Lajme

Kështu ka konfirmuar edhe zyrtarisht AAK përmes një komunikate për media.

“Një veprim i tillë është krejtësisht i padrejt dhe i papranueshëm. U bëjmë thirrje autoriteteve franceze qe t’i mundësojnë zotit Haradinaj që të vazhdojë udhëtimin e tij i papenguar dhe kërkojmë nga autoritet e Bashkimit Evropian dhe të shteteve evropiane veç e veç që të mos pengojnë lëvizjen e lirë të autoriteteve të Kosovës, sipas urdhërarresteve të paligjshme të Serbisë.

Njëkohësisht kërkojmë nga Qeveria e Kosovës që të ndërpres çdo komunikim me Serbinë deri sa ajo të mos i tërheqë fletarrestet ndërkombëtare kundër personalitete të Kosovës”.

Reklamë
Reklamë

Konfirmohet arrestimi i Haradinajt, ja ku ishte dhe pse u arrestua

Familja e kreut të Aleancës për Ardhmërinë e Kosovës, Ramush Haradinaj, ka konfirmuar lajmin në media për arrestimin e tij.

Periskopi.com Lajme

Familja e Haradinajt ka thënë se kreu i AAK-së është arrestuar në Francë, në bazë të një fletarresti ndërkombëtar, të lëshuar nga Serbia.

Nuk kanë dashur të japin detaje të tjera.

Ndërsa, mësohet se ai është ndaluar në Bazel, në pjesën franceze.

“Krejt çka dimë për momentin është se është ndalur në Bazel (ana franceze) për një akuzë të Serbisë nga viti 2004. Është në verifikim, pra në ndalje”, ka thënë Avni Arifi nga AAK.

Arrestohet Ramush Haradinaj

 

Reklamë
Reklamë

Policia gjermane pranon se arrestoi personin e gabuar për sulmin e djeshëm

Policia gjermane mendon se personi nga Pakistani që u arrestua si i dyshuar për sulmin në tregun e Krishtlindjeve në Berlin që vrau 12 persona të hënën nuk është kryesi i veprës”, raporton gazeta “Die Welt” duke cituar burime të larta të sigurisë.

Periskopi.com Lajme

“Kemi kapur personin e gabuar”, ka thënë një shef i lartë policie.

“Dhe si rrjedhojë kemi një situatë të re. Kryesi i vërtetë i sulmit është ende i armatosur, në arrati dhe mund të shkaktojë dëme të reja”, ka cituar gazeta burimin të ketë thënë, transmeton Koha.net.

Reklamë
Reklamë

Hoxhaj thotë se Nehat Thaqi pati qëndrim dinjitoz në burg

Ministri i Punëve të Jashtme të Kosovës, Enver Hoxhaj ka thënë se në bazë të informatave që ka pasur këto ditë për zyrtarin policor Nehat Thaqi, gjendja e tij psikike është mirë. Ai tha se Thaqi ka qëndruar dinjitoz gjatë kohës që ishte në arrest.

Periskopi.com Lajme

“Që nga dita e arrestimit të nënkolonelit, Nehat Thaçi më 29 shtator e deri në ditën e sotme kemi përcjell në baza ditore çdo zhvillim e sot kemi marrë një konfirmim që është liruar”, ka thënë Ministri i Punëve të Jashtme, Enver Hoxhaj.

“Kemi përcjell shumë nota të protestës, që të ushtrojnë presion mbi Serbinë që Thaçi t’i kthehet familjes së tij. Si rezultat i partnerëve tanë ndërkombëtar dhe përpjekjeve tona si diplomaci e Kosovës që të mbrojmë interesin e çdo qytetari, ai ka arritur të lirohet”.

Hoxhaj ka thënë se Thaçi është në gjendje të mirë shëndetësore.

“Ne kemi pasur pothuajse komunikim ditor, veçse ambasadori jonë nga Zyra Ndërlidhëse e Kosovës në Beograd, Valdet Sadiku, e ka vizituar shpesh e gjendja e tij shëndetësore ka qenë e mirë. Për të tjerat ai mund të flas pasi të kthehet në Prishtinë. Pasi ajo që është e rëndësishme është që t’i kthehet familjes”.

Sipas tij, politika e Serbisë nuk ka ndryshuar shumë.

“Kjo fushatë e Serbisë, që të krijojë një frikë, për neve është e papranueshme dhe do të bëjmë përpjekje që të ushtrojmë presion. Kjo është një politikë e përndejkjeve që e ushtron shteti serb, që nuk ka ndryshuar shumë. Ne jemi shtet sovran dhe i pavarur dhe do ta mbrojmë secilin individ dhe do ta mbrojmë që të kenë kujdes kur udhëtojnë në Serbi”.

“Ne nuk duam që prej rasteve të veçanta të marrim vendime të përgjithshme. Jo vetëm dialogut, por mund të dëmtojnë dhe kredibilitetin e një shtetit të ri, që krahas mbrojtjes së qytetarëve ne bëjmë përpjekje që të ruajmë edhe prestigjin”.

Reklamë
Reklamë

Nesër vazhdon seanca për Nehat Thaqin

Seanca e Kuvendit ku u diskutua për arrestimin e Nehat Thaqit do të vazhdojë edhe nesër.

Periskopi.com Lajme

Nesër pritet që deputetët ta votojnë një rezolutë në lidhje me arrestimin e Nehat Thaqit, drejtorit të Policisë Rajonale në Mitrovicë nga policia serbe, pasi sot nuk mundën ta bënin këtë gjë.

Pak para se vazhdimi i seancës të shtyhej për nesër, në Kuvend ishin të pranishëm vetëm 44 deputetë.

I përballur si edhe hera tjera me mungesë kuorumi, kryeparlamentari Kadri Veseli kërkoi mendimin e propozuesit të seancës së sotme Gëzim Kelmendi.

“Edhe nëse dojmë të procedojmë, nuk mund të procedojmë se nuk kemi kuorum të mjaftueshëm. Fjalën e ka propozuesi,” tha Veseli.

Deputeti i pavarur Gëzim Kelmendi kërkoi që teksti i propozim-rezolutës të harmonizohet dhe votohet sonte.

“Sonte me përfaqësues të grupeve parlamentare të mblidhemi, ta harmonizojmë atë tekst e sonte ta votojmë. Se Nehati e meriton me nejt ktu jo deri vonë, po deri në mëngjes,” tha Gëzim Kelmendi.

Por më pas Kadri Veseli bëri të ditur se puna e mbetur do të kryhet nesër.

“Nesër do të mbajmë seancë (vazhdim) në ora 10 në mëngjes, bëj thirrje publike që deputetët me marrë pjesë ne senacë. Nuk ka mëditje për ata që nuk vijnë me votu. Po ashtu nesër në ora 9 grupet parlamentare ta dërgojnë nga një përfaqësues tek propozuesi i seancës (Gëzim Kelmendi) për harmonizimjn e tekstit të draft-rezolutës që do t’i paraqitet më pas Kuvendit,” tha Veseli.

Nehat Thaqi u arrestua nga Policia e Serbisë më 29 shtator në njërën nga pikat kufitare të Kosovës me këtë shtet. Atij i është caktuar paraburgimi prej 30 ditësh, ndërsa po hetohet për terrorizëm.

Reklamë
Reklamë