Hilmi Kelmendi

Mbërrin në Kosovë Hilmi Kelmendi, pa përcjellje të institucioneve

Ka mbërritur në Kosovë i arrestuari në Serbi, Hilmi Kelmendi.

Periskopi.com Lajme

Ai ka ardhur nën përcjellje të Policisë së Serbisë, së bashku me babanë e tij, Binak Kelmendi.

Ai qe arrestuar javën e kaluar nga autoritet serbe, me dyshimin për krime të kryera gjatë luftës në Kosovë. Me të s’ka qenë as Enver Hoxhaj, ministër i Punëve të Jashtme e as Valdet Sadiku, shef i Zyrës Ndërlidhëse në Beograd.

Kelmendi ka deklaruar se arsyet e arrestimit të tij ishin banale.

“Më kanë akuzuar për rrahje e për zhdukje por pa pasur fare dëshmi”, ka thënë Kelmendi, raporton KTV.

Lirimi i tij vjen pak ditë pas lirimit të drejtorit të Policisë së Kosovës në Mitrovicë, Nehat Thaçi, i cili është mbajtur në paraburgim për më shumë se një muaj.

Hilmi Kelmendi është personi i katërt ndaj të cilit Gjykata e Lartë e Kolegjit për Krime Lufte në Serbi kishte caktuar 30 ditë paraburgim më 11 prill të 2011-ës, raoprton Koha.net. Arif Shala nga Cermjani, Jahë Bushati nga Gërgoci, që të dy tashmë të ndjerë, dhe A.K. nga Rakovina e Gjakovës, së bashku me Hilmi Kelmendin, sipas aktakuzës, dyshoheshin për krime lufte.

Prokuroria për Krime të Luftës e Serbisë, më 11 prill të 2006-ës, nisi procedurat hetimore për vazhdim të hetimeve për këtë rast, me dyshimin se të akuzuarit morën nga shtëpia e tyre një rom në vitin 1998, për fatin e të cilit ende nuk dihet.

Hilmi Kelmendi u arrestua natën mes së premtes dhe së shtunës, teksa po vinte për pushime në Kosovë nga Gjermania.

Vuçiq: Serbët në Mal të Zi u arrestuan në bazë të deklaratave të komandantit shqiptar

Kryeministri serb, Aleksandar Vuçiq u deklarua sot gjatë ditës mbi akuzat për terrorizëm ndaj të arrestuarve serbë në Malin e Zi, përfshirë edhe ish-shefin e Xhandarmërisë, Bratisllav Dikiç, duke hedhur dyshime se grupi i serbëve të arrestuar, është bërë bazuar në të dhënat e “komandantit shqiptar Selimaj”.

Periskopi.com Lajme

“Do të doja që burgosja e njerëzve nga Zubin Potoku nuk është e bazuar në dëshmitë e Komandantit shqiptar të Policisë, Selimaj, por frikohem se kemi të dhëna që është ashtu. Prandaj, mendoj që kjo nuk ka qenë arsye serioze. Presim të shohim mos ka diçka tjetër. Por, nëse çdo gjë është e bazuar në deklaratat e Selimajt, e për këtë kemi të dhëna, sepse ai i ka paraqitur policisë malazeze përfaqësuesit të lëvizjes “Ravna Gora” (organizatë çetnike v.j) të cilët në fakt janë armiqtë e mi politik”, ka thënë sot Vuçiq.

Gazeta Insajderi ka pyetur së paku tre zyrtarë të Policisë së Kosovës në lidhje me këtë deklaratë, por asnjëri prej tyre nuk ka treguar se kush është komandanti që i referohet Vuçiq.

Flora Ahmeti, zëdhënëse në rajonin e Prishtinës ka thënë të mos ketë ndonjë informacion lidhur me atë se cilit komandant i referohet kryeministri serb.

Insajderi ka kontaktuar edhe zyrtarin tjetër për informim në Policinë e Kosovës, Daut Hoxha. As ky nuk ka dhënë ndonjë koment mbi këtë deklaratë apo jo.

Ka sugjeruar të kontaktohet zyrtari tjetër për informim në Policinë e Kosovës, për rajonin e Mitrovicës, Besim Hoti.

As ky nuk ka dhënë ndonjë informacion.

“Jo, nuk kam njohuri për një çështje të tillë”, ka shkruar Hoti nëpërmjet një mesazhi telefonik.

Edhe ky ka sugjeruar të drejtohen pyetjet tek zyra për informim.

E në anën tjetër, kryeministri serb, ka vazhduar të flas edhe më tutje për komandantin e Policisë që ai i referohet si “komandant i policisë shqiptare”.

Në ndërkohë, agjencia “KosovaPress” raportoi në burime të veta se në mesin e 20 personave të arrestuar gjatë ditës së diel në Podgoricë, të dyshuar për sulme terroriste në ditën e zgjedhjeve parlamentare të Malit të Zi, gjenden edhe 6 persona nga veriu i Mitrovicës.

“Nëse kjo ka qenë arsyeja, atëherë unë nuk mendoj se ka qenë arsye e fuqishme për fjalë të tilla, ose hajde ta presim ndonjë gjë më tepër se deklaratat e Selimaj”, ka thënë kryeministri serb.

E teksa Vuçiqi pret që të dalë diçka më shumë sesa “dëshmitë e komandant Selimaj”, Policia e Kosovës, vazhdon të heshtë rreth këtyre deklarimeve.