Arrestohet i kërkuari për vrasjen e Ibush Kllokoqit

Periskopi.com Lajme

Policia e Kosovës ka arrestuar Bekim Sylën, i cili po kërkohej për vrasjen e Ibush Kllokoqit.

“Arrestimi ka ndodhur sot në orët e hershme të mëngjesit ne Kishna Rekë të Drenasit”.

Lajmin për arrestimin e Bekim Sylës e ka konfirmuar edhe zëdhënësi i Policisë së Kosovës, Baki Kelani.

“Mund të konfirmojmë se, sot në orët e hershme të mëngjesit Policia e Kosovës bazuar në Aktvendim të lëshuar nga Gjykata e Qarkut në Prishtinë, ka arrestuar personin e dyshuar B. S. i lindur në vitin 1976. Personi i dyshuar tanimë i arrestuar është dërguar në mbajtje”, tha Kelani.

Bekim Syla ishte në arrati, dhe është i dënuar me 12 vjet burgim në ratsin Bllaca.

Bekim Syla ishte pjesë e Rastit “Bllaca II”, që ishte vazhdimësi e “Bllaca I”, në të cilin, Fahredin Gashi qe dënuar me 18 vjet burg për vrasjen e Salih Gashit, vrasja e të cilit u klasifikua si krim i luftës .

“Bllaca II” filloi në shtator të vitit 2011 për të përfunduar në dhjetor të vitit 2012. U mbajtën mbi 40 seanca, nën akuzë ishin vënë 6 persona: Shpresim Uka, Shaban e Bekim Syla, Driton Hajdari Sadik Abazi, si dhe biznesmeni i dënuari  nga “Blllaca I”, Faherdin Gashi, i njohur edhe si “Faruku”.

Ditën kur u shpallë vendimi, ai ishte arratisur, për faktin se ai dhe disa të akuzuar të tjerë nuk ishin përcjellë me polici për në gjykatë.

 

Reklamë
Reklamë

Arrestohen pesë persona të organizatës “Syri i Popullit”, ja emrat

Periskopi.com Lajme

Policia e Kosovës ka arrestuar pesë persona në lidhje me hetimet që po kryen pas plagosjes së avokatit Azem Vllasi. Indeksonline nga burimet brenda policisë ka mësuar se në pranga kanë përfunduar: Ragip Sallova, Halim Halimi, Bajrush Konjusha, Sabit Berisha dhe një person N.N.

Sallova dhe Berisha me urdhër të prokurori janë dërguar në mbajtje për 48 orë ndërsa të tjerët janë liruar në procedurë të rregullt.

Që të gjithë të arrestuarit dyshohen për përgatitje të veprave terroriste ose veprave penale kundër rendit kushtetues dhe sigurisë së Republikës së Kosovës, më konkretisht dyshohet se janë pesë e organizatës “Syri i popullit”.

Aksioni i policisë është zhvilluar sot nga Drejtoria për Hetimin e Krimeve të Rënda në mbështetje të Njësisë Speciale, e cila ka ekzekutuar urdhëresën e lëshuar nga Gjykata Themelore e Prishtinës për urdhër kontroll në pesë lokacione të dyshuarve të lartcekur, gjegjësisht në regjionin e Prishtinës, Gjilanit dhe Ferizajt.

“Gjatë kontrollit të shtëpive janë gjetur dhe konfiskuar këto dëshmi: 1 revole me karikator dhe 2 fishekë, 1 pushkë ajrore, 1 shtëpizë e kompjuterit, 6 telefona celularë, disa fletore, USB, 7 fishekë të gjuetisë, të cilat prova do të dërgohen për ekzaminim të mëtutjeshëm”, kanë deklaruar në polici.

Të dyshuarit janë shoqëruar në stacion policie dhe pas përfundimit të procedurave hetimore me të dyshuarit, prokurori ka nxjerr aktvendim për ndalim 48 orë të dyshuarit Ragip Sallova dhe Sabit Berisha ndërsa Halim Halimi, Bajrush Konjusha dhe N.N., pas intervistimit janë liruar në procedurë të rregullt.

Hetimet përkitazi me këtë rast ende janë duke vazhduar. Menjëherë pas plagosjes së Vllasit, Policia kishte arrestuar të dyshuarin kryesor, Murat Jasharin dhe dy të tjerë.

Reklamë
Reklamë

Arrestohet edhe një person për ngjarjet në Kuvendin e Maqedonisë

Periskopi.com Lajme

Ministria e Punëve të Brendshme njofton se njësiti “Alfa” në stacionin policorë në Kisella Voda, mbrëmë ka arrestuar A.P (65) nga Shkupi për shkak të ekzistimit të dyshimeve për veprën penale “pjesëmarrje në turmë” më 27 prill në Kuvend, përcjell Telegrafi Maqedoni.

MPB gjithashtu njofton se në kuadër të masave që SPB Shkup po ndërmerr për identifikimin e pjesëmarrësve në ngjarjet më 27 prill në Kuvend, më 5 maj në bisedë informative janë thirrur edhe tre persona, dy nga Shkupi një nga Velesi.

Në njoftim thuhet se SPB Shkup në konsultim me bashkëpunim me Prokurorinë Publike në Shkup edhe më tej po ndërmerr masa në lidhje me ngjarjet e 27 prillit në Kuvendin e Maqedonisë.

Reklamë
Reklamë

Arrestohet njëri nga katër të dyshuarit që goditi rëndë Ziadin Selën

Periskopi.com Lajme
Pak çaste më parë, pjesëtarë të policisë kanë arrestuar një person nga Kumanova, për të cilin policia dyshon se është njëri nga katër personat që kanë rrahur dhe tërhequr zvarrë kryetarin e LR-PDSH-së, Ziadin Sela. 

Gazeta KOHA nga burime zyrtare policore merr vesh se, i arrestuari po mbahet në stacionin e policisë në Kumanovë, ndërsa pritet të verifikohet nëse i njëjti është pjesë e grupit që tërheqin zvarrë Selën e që identifikimi i kompletuar pritet të bëhet nga video-filmimet që tashmë janë publikuar në opinion.

KOHA merr vesh se personi i arrestuar është nga Kumanova, ndërsa burime policore sigurojnë se po punohet intensivisht në identifikimin edhe të personave tjerë.

Reklamë
Reklamë

Policia nis me arrestimet e para pas incidentit të dhunshëm në Kuvend (Video)

Periskopi.com Lajme

Pas evakuimit, në ora 22:35 është dhënë urdhër për oficerët e policisë në terren për të inspektuar të gjitha hapësirat në Parlament për evantualisht ndonjë person që ka nevojë për kujdes mjekësor, thanë nga Ministria e Brendshme.

“Gjithashtu është dhënë urdhër ndaj policëve të Sektorit të Punëve të Brendshme për të kontrolluar spitalet në qytet për të konfirmuar për numrin e njerëzve të lënduar dhe shëndetin e tyre,” thuhet në deklaratë.

Policia ka nisur edhe me arrestimet e para nga turma e madhe e mbështetësve të iniciativës “Për Maqedoni përbashkët” të cilët dhunshëm u futen në Parlament, dhe plagosen shumë deputetë dhe gazetarë./Tetova

Reklamë
Reklamë

Arrestohen 8 këngëtare shqiptare dhe 2 “shefat” e tyre në një klub nate

Periskopi.com Lajme

Tetë femra të arrestuara me këtë rast janë këngëtare, kameriere dhe “dama animuese”, të moshave 19 deri 28 vjeçare, njofton policia.

Policia Kantonale e Cyrihut me rastin e një kontrollimi të bërë në një klub nate në Embrach ka arrestuar 10 persona, përfshirë këtu edhe menaxherin e klubit. Siç bën të ditur srf.ch, bëhet fjalë për 9 shtetas të Shqipërisë, pa dokumente të rregullta qëndrimi në Zvicër dhe për menaxherin e klubit, shtetas të Serbisë.

Lokali njihet si klub shqiptar i muzikës ndërsa personi që e menaxhon atë është shqiptar por me shtetësi serbe, shkruan albinfo.ch.

Tetë femra të arrestuara me këtë rast janë këngëtare, kameriere dhe “dama animuese”, të moshave 19 deri 28 vjeçare, njofton policia. Veç tyre është arrestuar edhe një shtetas tjetër i Shqipërisë, 28 vjeçar, i cili po ashtu po qëndronte ilegalisht në Zvicër.

Të gjithë të arrestuarit dyshohen për shkelje të Ligjit për të huajt dhe duhet të merren në pyetje nga prokuroria përgjegjëse.

Reklamë
Reklamë

Nuk ka të arrestuar për vjedhjen në zyrat e VV-së

Periskopi.com Lajme

Policia në Mitrovicë tregoi se ende nuk ka të arrestuar për vjedhjen në zyrat e “Vetëvendosjes” në Vushtrri.

Për vjedhjen në zyrat e Lëvizjes “Vetëvendosje” në Vushtrri ende nuk ka të arrestuar.

Këtë e konfirmoi për KALLXO.com Fexhrie Pllana nga policia në Mitrovicë.

“Deri më tani nuk ka të arrestuar, ndërsa policia është duke e hetuar rastin”, tha Pllana.

Lëvizja “Vetëvendosje” njoftoi sot se mbrëmë janë thyer zyrat e saj në Vushtrri.

“Zyret e Lëvizjes VETËVENDOSJE! në Vushtrri janë thyer mbrëmë gjatë natës. Aty janë vjedhur kompjuterët, televiziori, por çka e bën me të dyshimtë këtë akt është fakti se janë vjedhur dokumente të zyrës dhe janë lënë mbishkrime”, thuhet në komunikatën e “Vetëvendosjes”.

“Vetëvendosja” në reagimin e saj këtë thyerje të zyrave e konsideroi sulm politik.

“Thyrja e zyreve të një subjekti politik është sulm politik. Pushteti që po dështon përditë me qeverisje, u është kthyer atyre që di më së miri: veprimeve të dhunshme të natës”, vijon komunikata e “Vetëvendosjes”.

Edhe policia tregoi për KALLXO.com se në zyrat e “Vetëvendosjes” në Vushtrri janë vjedhur tri shtëpiza kompjuterësh, dy printerë dhe një televizor plazma.

Reklamë
Reklamë

Flet babai i njërit prej kosovarëve të arrestuar në Itali

Bedri Babaj, nga Llausha e Skenderaj, babai i Arian Babaj, njërit nga katër personat e arrestuar në Itali nën dyshimet se kanë planifikuar sulme terroriste, ka thënë se djali i tij është i pafajshëm dhe se akuzat kundër tij e shokëve të tij janë krejtësisht të pabaza.

Periskopi.com Lajme

Bedri Babaj ka dhënë një intervistë në Info Magazine të Klan Kosovës ku ka treguar se si e mori vesh që i është arrestuar djali.

“Unë kam biseduar me Arianin dje vonë pas darke, madje nusja e tij tha se ka shkruar me të deri vonë, pasi është kthyer nga puna, sepse ai punon në një lokal në Venecia. Kështu që ai ka qenë në rutinën e punës. Ai ka 10 vjet që është në Itali”, ka thënë ai në Info Magazine.

“Sa i përket këtyre gjërave që përfliten në ndonjë sulm a diçka e tillë as mendja nuk më ka shkuar. Sa i përket besimit ai e ka praktiku besimin islam. Me këta shokë që ka qenë i ka bashkuar xhamia, pasi ata kanë shkuar të falen bashkë. Ndoshta janë përcjellur për faktin që shkojnë në xhami bashkë e falen bashkë”.

“Unë kam marrë vesh nga një zyrtar i policisë për djalin. Kam kontaktuar tre katër herë, por nuk mund të komunikoja pasi italisht nuk di. Me djalin tim ende nuk kam folur, policia nuk më ka dhënë sqarime tjera”.

“Sa i përket asaj që paskan planifikuar një sulm, ajo punë nuk do të dalë kurrë. Djali im është që 10 vjet atje, ka kontribuar atje, dhe nuk ka pasur dosje në polici e as që i ka bërë keq dikujt. Kjo është veç tentim që arrestimi i tyre të bëhet më i bujshëm. S’kanë pasur kurrfarë plani për sulme. Si mund të shpallësh terroristë disa djem punëtorë?”.

“Ai që shtatë ose tetë muaj ka marrë banesë të shtrenjtë që ta marrë gruan e tij në Itali dhe i është dashur të plotësojë kushtet”, ka shpjeguar Bedri Babaj.

 

“Jam i indinjuar dhe i mllefosur nga lajmet që kanë dalur dhe etiketimet”, shtoi ai.

Reklamë
Reklamë

Lirohet aktivistët e Vetëvendosjes, Arianit Beqirin e Gerolld Nikoliqin

Janë liruar dy aktivistët e Lëvizjes Vetëvendosje, Arianit Beqiri dhe Gerolld Nikoliqi, raporton Periskopi

Periskopi.com Lajme

Ata u arrestuan sot për shkak se po merrnin pamje nga seanca gjyqësore ndaj aktivistëve të VV-së të dyshuar për sulmin në Kuvend.

Vetëvendosje gjatë ditës e ka quajtur arrestimin e tyre veprim të qëllimshëm për të larguar vëmendjen nga padrejtësia, që sipas VV-së, po i bëhet Adea Batushës, Atdhe Arifit, Egzon Halitit dhe Frashër Krasniqit.

Zëdhënësja e Policisë, Flora Ahmeti ka thënë gjatë ditës se të dy janë arrestuar pasi nuk kanë përfillur urdhrat e zyrtarëve policorë në gjykatë.

Ndërsa në njoftimin e VV-së, kjo lëvizje ka thënë se policia ia arrestoi të dy aktivistët sepse po xhironin brenda seancës gjyqësore ndaj aktivistëve të lëvizjes të dyshuar për sulmin në Kuvend.

“Policia ka kërkuar që t’i identifikojë, por ata nuk kanë dhënë asnjë dokument dhe janë shoqëruar në polici për mospërfillje të urdhrave të personit zyrtar. Gjithashtu, nuk janë sjellë mirë edhe me poicët”, ka thënë zëdhënësja e Policisë së Kosovës, Flora Ahmeti./ Periskopi

Reklamë
Reklamë

Pesë të lënduar në sulmin në Dusseldorf, policia arreston dy e kërkon të tjerë

Së paku pesë persona kanë mbetur të lënduar pas një sulmi me sëpatë në stacionin qendror të trenave në Dusseldorf të Gjermanisë, ka konfirmuar policia.

Periskopi.com Lajme

Sulmi ndodhi në mbrëmjen e së enjtes rreth orës 21:00.

Dy arrestime ishin bërë menjëherë, ndërsa policia nuk ka përjashtuar mundësinë e përfshirjes edhe të më shumë sulmuesve. Nuk ka raportime për fatalitete.

Policia menjëherë ka rrethuar vendin e ngjarjes.

Dëshmitarët raportohet se kanë deklaruar se kanë parë shumë persona të lënduar në tokë.

Stacioni qendror i Dusseldorfit shfrytëzohet nga së paku një çerek milioni pasagjerë në ditë.

Reklamë
Reklamë

18 të arrestuar, mijëra euro të sekuestruara dhe parandalim trafikimi nga Policia e Kosovës

Policia e Kosovës, konkretisht Drejtoria për Hetimin e Trafikimit me Qenie Njerëzore (DHTQNJ), në kuadër të veprimeve operativo-hetimore, me qëllim të parandalimit të krimit dhe luftimit të të gjitha formave të trafikimit me njerëz, në koordinim edhe me Prokuroritë Themelore ka ndërmarrë një operacion të gjerë të shtrirë në disa rajone të Republikës së Kosovës.

Periskopi.com Lajme

Si rezultat i realizimit të operacioneve policore janë arrestuar tetëmbëdhjete (18) persona të dyshuar si dhe në cilësi të provave materiale janë sekuestruar dymbëdhjetë (12) telefona celular dhe njëmijë e nëntëqind e pesëdhjetë e pesë (1955) euro, para të gatshme.

Operacionet policore janë realizuar si në vijim:

Më 27.02.2017, pas një hetimi të zhvilluar nga NJHTQNJ Mitrovicë, në një lokal në magjistralen Prishtinë-Mitrovicë është arrestuar i dyshuari, B. K, i lindur më 1995, mashkull kosovar shqiptar, nën dyshimin e kryerjes së veprës penale ,,Mundësimi ose Detyrimi në Prostitucion ”. Me vendim të prokurorit të shtetit të Prokurorisë Themelore Mitrovicë, i njëjti është dërguar në mbajtje.

Më 28.02.2017, në rajonin e Prizrenit është arrestuar një e dyshuar për  kryerjen e  veprës penale  ,,Mundësimi ose detyrimi në prostitucion”, ndërsa dy të dyshuar tjerë (një femër dhe një mashkull) janë arrestuar nën dyshimin për kryerjen e veprës: ,,Marrje me Prostitucion’’. Lidhur me rastin, është njoftuar Prokurori i Shtetit pran Prokurorisë Themelore në Prizren,  me vendim të të cilit pas intervistimit të personave të dyshuar, të njëjtit janë liruar në procedurë të rregullt.

Më 01.03.2017, NJHTQNJ-Prishtinë, ka arrestuar të dyshuarin L.A, i lindur më 1978, mashkull kosovar shqiptar, nën dyshimin për  kryerjen e  veprës penale ,,Mundësimi ose detyrimi në Prostitucion” dhe të dyshuarën K.R, e lindur më 1988, femër kosovare serbe, nën dyshimin për kryerjen e Veprës Penale ,,Bashkë-kryerje”. Me vendim të Prokurori të Shtetit pran Prokurorisë Themelore në Prishtinë,  të dy të dyshuarit janë dërguar në Qendrën e Mbajtjes.

Më 01.03.2017, DHTQNJ, e asistuar nga Prokuroria Themelore Pejë, ka realizuar një plan taktik për arrestimin e disa personave të dyshuar për përfshirje në veprën penale: ,,Trafikim me njerëz  me qellim të shfrytëzimit seksual dhe pune të detyruar të viktimës”, duke i strehuar dhe detyruar të punojnë me klient të ndryshëm me qëllim të përfitimit pasuror. Gjatë aksionit janë arrestuar dy persona të dyshuar një femër dhe një mashkull.

Më 02.03.2017, pas një hetimi të bërë  nga NJHTQNJ-Mitrovicë-Veri, është bërë arrestimi i dy personave S.V, lindur më 1971, mashkull kosovar serb dhe M.J, e lindur më 1984, femër kosovare serbe, për shkak dyshimit të bazuar se të njëjtit kanë kryer veprën kundërvajtje  ,,Marrje  me Prostitucion”. Të dyshuarit janë dërguar me procedurë të shpejtë në Gjykatën Themelore në Mitrovicë.

Më 04.03.2017, hetuesit policorë të DHTQNJ-së,  të asistuar nga Njësia Speciale Operative, Njësia e Reagimit të Shpejtë dhe Prokuroria Themelore Prizren, ka ushtruar një kontroll në një lokacion në fshatin Reqan të Prizrenit. Gjatë operacionit policor, janë arrestuar shtatë persona të dyshuar lidhur me veprat penale “Marrje me Prostitucion” dhe ,,Bashke-kryerja”. Të njëjtit janë intervistuar dhe me vendim të Prokurorit kompetent i dyshuari E.K i lindur më 1959, mashkull kosovar shqiptar, dërgohet në ndalim policor, ndërsa të gjashtë tjerët janë liruar në procedurë të rregullt.

Më 06.03.2017, NJHTQNJ Gjilan, ka arrestuar të dyshuarën R.A e lindur më 1981, femër shqiptare shtetase e Serbisë, nën dyshimin e kryerjes së veprës penale ,,Trafikimi me njerëz”. Me vendim të Prokurorit të shtetit, e dyshuara është  dërguar në mbajtje për 48 orë.

Policia e Kosovës, mbetet e përkushtuar në parandalimin dhe luftimin e të gjitha dukurive negative në vend dhe realizimin e detyrave dhe autorizimeve në funksion të zbatimit të ligjit.

Reklamë
Reklamë

Rexhep Selimi tregon pse nuk e arrestuan në Francë

Deputeti i Lëvizjes Vetëvendosje, Rexhep Selimi, e ka quajtur ndërmarrje të përbashkët kriminale PDK-LDK-në dhe Listën Serbe, ngase konsideron se vota e deputetëve të Listës Serbe pro Demarkacionit mund të jetë një bashkëveprim me dy partnerët e tjerë PDK-LDK, për ta bërë Asociacionin e Komunave me Shumicë Serbe.

Periskopi.com Lajme

Ai thotë se këto veprime nuk janë të rastësishme por të koordinuara kundër sovranitetit të vendit.

Ndërmarrje e përbashkët e 3 partnerëve të koalicionit PDK-LDK-Lista Srpska.

Selimi në emisionin “Fakt Plus”, ka folur edhe për vizitën e tij në Francë, ai ka shpjeguar pse nuk është arrestuar nga autoritetet franceze, derisa gjendet në listën e njëjtë me liderin, Ramush Haradinaj.

”Nuk e di sa i kanë  të konfirumuara apo jo ata se kush është në listën e INTERPOLI’t e kush jo, kush po kërkohet nga Serbia e kush jo, duket se në mënyrë abuzive po përdoren këto për efekte mediaktike, por përtej efekteve mediatike edhe për efekte politike”, tha Selimi.

Reklamë
Reklamë

Urdhër-arrestet për 57 serbët nuk i ka kërkuar EULEX-i

EULEX-i nuk ka qenë përfshirë në rastin e lëshimit të 57 urdhër-arresteve ndërkombëtare për serbët, shkruan të hënën portali serb Tanjug, transmeton Klan Kosova.

Periskopi.com Lajme

Burime të këtij mediumi, kanë thënë se gjyqtarët e procedurës paraprake në Kosovë, kanë lëshuar 57 urdhërarreste lokale dhe ndërkombëtare.

Reklamë
Reklamë

Qindra emigrantë arrestohen në një kontroll “rutinë” në SHBA

Agjentët federal për emigracion në SHBA, kanë arrestuar qindra emigrantë pa dokumente në katër shtete të ndryshme gjatë kësaj jave, në një aksion siç e quajnë “rutinë”.

Periskopi.com Lajme

Raportimet për bastisjeve nga agjentët e emigracionit gjatë kësaj jave, kanë ngjallur shqetësim nga ana e avokatëve të emigracionit dhe familjeve, e cila i shkon për shtati urdhrit ekzekutiv të Presidentit Donad Trump për ndalim të emigrantëve nga shtatë vende me shumicë myslimane, raporton reuters.

“Frika nga gjahu nëpër shtëpitë e emigrantëve dhe atyre Amerikanëve që kanë emigrantët miq apo në familje është i dukshëm”, ka thënë drejtori ekzekutiv i Forumit Nacional për Emigracion, Ali Noorani.

“Raportimet e bastisjeve në komunitetet e emigrantëve janë një shqetësim i madh”, ka shtuar ai.

Reklamë
Reklamë

Arrestohen pesë menaxherë të hoteleve në Francë për kontrabandë të shqiptarëve

Ky rrjet kishte ofruar kalim të garantuar vetëm për shqiptarët, me çmim prej 5 mijë e deri në 10 mijë euro

Periskopi.com Lajme

Pesë menaxherë të hoteleve të dyshuar se ishin pjesë e rrjetit të trafikantëve, që i dërgonte emigrantët shqiptarë në Britani, janë arrestuar gjatë një operacioni policor në qytetin-port, Kale në Francë, kanë thënë autoritetet lokale, shkruan “AFP”.

Prokurori Pascal Marconville ka thënë se hetime ishte duke vazhduar që disa javë. “Është një hetim që po vazhdon tash e disa javë, lidhur me rrjetin e trafikantëve të shqiptarëve, që i kishin përdorë katër hotele në Kale”, ka thënë ai, përcjell albinfo.ch.

Hotelet nuk ishin të shqiptarëve. “Këto hotele nuk ishin pronë e shqiptarëve, por të njerëzve që qartazi dhe sipas hetimeve fillestare, i kishin pranuar shqiptarët për këtë rrjet të kontrabandistëve, me qëllim që t’i trafikojnë ata në Britani”, ka shtuar Marconville.

Ky rrjet kishte ofruar kalim të garantuar vetëm për shqiptarët, me çmim prej 5 mijë e deri në 10 mijë euro. “Derisa ne mendonim se po merreshim me një rrjet të shqiptarëve, duket se aty ishin të involvuar edhe sirianët dhe eritreasit”, theksoi Marconville.

Qyteti-port Kale në Francë, për vite të tëra ishte pikë e arritjes së emigrantëve në përpjekjet e tyre për të kaluar në Britani.

Arrestohen pesë menaxherë të hoteleve për kontrabandë të shqiptarëve

.

.

 

 

Reklamë
Reklamë

11 të arrestuar për sulme terroriste në Belgjikë

Policia Belge të mërkurën ka arrestuar 11 persona si të dyshuar për terrorizëm.

Periskopi.com Lajme

Të dyshuarit janë arrestuar në rajonin e Brukselit, si pjesë e një hetimi për terrorizmit, i cili nuk ka të bëjë me vrasjet e 13 nëntorit në Paris dhe as të 22 marsit në Bruksel, njoftoi prokurori federal belg.

Belgjika është njëri nga vendet evropiane që është përballur mjaft me sulme terroriste.

Reklamë
Reklamë

Arrestohen tre të dyshuar për fajde në Kosovë

Policia e Kosovës, sot, më 8 shkurt 2017 ka zbatuar urdhëresën e Gjykatësit të Procedurës Paraprake te Gjykatës Themelore-Gjilan për kontrollimin e tri lokacioneve- dy (2) shtëpi banimi në Gjilan , dhe një (1) në fshatin Malishevë të Gjilanit, njofton kumtesa policore.

Periskopi.com Lajme

Këto lokacione kanë qenë pronë e të dyshuarve A.H. 1978, A.Xh. 1978 dhe A.R. 1981, të cilët janë arrestuar për dyshimin e përfshirjes në veprën penale ,,Fajde”.

Me këtë rast janë konfiskuar 3000 Franga Zvicerane dhe 1000 EURO, 3 telefona mobil, si dhe fletore për shënime dhe dokumente të ndryshme (kontrata për shitblerjen e veturave).

Pas zbatimit të kontrollit janë intervistuar tre të dyshuarit të cilëve me urdhër të prokurorit të rastit të PTH-Gjilan ju ka caktuar masa e ndalimit prej 48 orëve.

Reklamë
Reklamë

58 të arrestuar nga një operacion ndërkombëtar në Ballkan

Operacioni ndërkombëtar i policive të 19 shteteve i koduar “Ditët e Përbashkëta të Veprimit”, i shtrirë në Ballkanin Perëndimor, ka vënë në pranga 58 persona, ndërsa janë sekuestruar armë zjarri e municione.

Periskopi.com Lajme

 

Mësohet se në sajë të këtij operacioni janë kapur 48 armë zjarri, 883 municione dhe 505 gram eksploziv, njofton Top-channel.

Bëhet e ditur se në pranga janë vënë në 58 persona, në shtetet e Ballkanit Perëndimor. /Insajderi.com

 

Reklamë
Reklamë

Tre zyrtarë të Ministrisë së Bujqësisë arrestohen për keqpërdorim

Pas hetimeve disa mujore me urdhër të Prokurorisë Themelore të Gjilanit, Policia e Kosovës ka arrestuar katër persona, tre prej tyre, persona zyrtarë të Ministrisë së Bujqësisë, me inicialet, B.N., K.M. dhe N.V., për shkak të dyshimit të arsyeshëm se kanë kryer veprën penale keqpërdorimi i pozitës apo autoritetit zyrtar.

Periskopi.com Lajme

Po ashtu, Policia e Kosovës ka arrestuar edhe personin me inicialet, Xh. S., pronar i Kompanisë “Calabrija” në Gjilan, për shkak të dyshimit të arsyeshëm se ka kryer veprën penale mashtrimi me subvencione.

Shuma e keqpërdorimit është mbi 200 mijë euro.

Vlen të ceket se katër të pandehurit gjenden ne masën e arrestit shtëpiak.

Reklamë
Reklamë

Quni lëshohet në deklarata pa fakte, flet se kush mund t’i ketë porositur sulmuesit e Kuvendit

Deputeti i LDK-së, Anton Quni ka thënë se gjeneratat e reja, në rrugë për të realizuar dëshirat dhe ëndrrat e tyre, kanë nevojë për motivim, sepse ai i udhëheq drejt qëllimit.

Periskopi.com Lajme

“Në shumë raste të rinjtë e kanë një model të personit të cilin e adhurojnë, e duan dhe e respektojnë. Ata mundohen t’ i ngjajnë sa me shume ne shprehje, lëvizje, qëndrime etj. Ndonjëherë mundohen edhe t’ia kalojnë modelit për tu dukur se janë lojal, te vlefshëm dhe meritor. Modeli mund te jete këngëtar, sportist, shkrimtar,por edhe politikan”, ka thënë Quni në seancën e Kuvendit kushtuar arrestimit të aktivistëve të VV-së.

Ai ka thënë se vitin e kaluar, përjetuan momente te renda qe nga fyerjet, shtyrjet, fishkëllimat, gazrat, britmat, etj,dhe nuk u dëgjua zëri i arsyes. Nuk pati ballafaqim te ideve, mendimeve, qëndrimeve dhe zgjidhjeve.

“Kur te zgjedhurit e popullit, deputetët hudhin veze, ujë e gaz ne Kryeministrin e tyre dhe nuk e lejojnë atë të flas, atëherë edhe një i ri do te ndjek shembullin e modelit te tij; Kryeministrit i vejnë pritë, i kërcënojnë familjen duke kërcënuar edhe me djegie te shtëpisë e akte te tjera si këto. Ne rastin kur deputeti shtyn, ofendon e kacafytet me policin, i riu ne rruge sipas shembullit te deputetit do ta godet policin me kubëza betoni, do ta lyej me benzine, do ta djege e kaloi sipër tij”, ka thënë ai.

Sipas tij, kur deputeti hedhe gaz lotsjellës kundra kolegeve te vet, pa e patur fare ne konsiderate te moshuarin, gratë shtatzëna, njerëzit me probleme te frymëmarrjes (astme), alergjike ne kemikalje etj, atëherë është shume normale qe dikush sipas shembullit te deputetit, apo i porositur do ta godasë ndërtesën e Parlamentit me armë antitank.

“Arma antitank, ne efektin e saj te plote e shkrinë çelikun, djeg hapësirën dhe i karbonizon njerezit. ( Një gjë e tille nuk ndodhi as gjate luftës kur këto objekte ruheshin nga forcat serbe). E kur nje gjë e tille ndodh është e natyrshme qe duhet te shqetësohemi, jo vetëm ne, por te gjithë; pozite dhe opozite, te gjitha institucionet, organet e ndjekjes dhe drejtësisë, shërbimi inteligjent, por edhe prindërit dhe familjaret e te rinjve”, ka thënë Quni.

Ai më pas ka thënë se paraqitja e dhunshme ne Parlament ka qenë model për dhjetëfishimin e dhunës nga ana e të rinjve jashtë parlamentit.

“Kur dhuna bëhet standard dhe normë si në institucione ashtu dhe në rrugë, atëherë e ardhmja e kombit dhe e shtetit është e zymtë. Të ardhmen e zymtë na e dëshirojnë vetëm armiqtë tanë, ata nuk zgjedhin mjete dhe forma për të na parë të tillë. Mos të ju krijojmë atë kënaqësi”, tha ai./ Lajmi.net

Reklamë
Reklamë