Plagoset me armë zjarri një person në Tiranë

Periskopi.com Lajme

Një person është plagosur me armë zjarri, mbrëmjen e djeshme në kryeqytet. Burime nga policia bëjnë me dije se rreth orës 23:50, në nr e emergjencave 112, ka ardhur një njoftim për të shtëna me armë zjarri në zonën e njohur si Babrru.

Mësohet se shtetasi U. M., është plagosur në këmbë, me armë zjarri pistoletë dhe ndodhet në S.Q.U., jashtë rrezikut për jetën.

Pas verifikimeve është bërë i mundur identifikimi i autorit të dyshuar i kësaj ngjarje dhe kapja e tij, L. K., 25 vjeç.

Dyshohet se shkak i kësaj ngjarje të jetë bërë një konflikt për motive të dobëta mes dy personave.

Policia dhe grupi hetimor po punojnë për zbardhjen e plotë të rrethanave të ngjarjes, si dhe gjetjen e armës së zjarrit.

Sërish dhunë familjare në Suharekë, konfiskohen armë

Periskopi.com Lajme

Rreth orës 11:15 minuta, policia e Suharekës e ka pranuar një informatë e cila bënte me dije se në fshatin Gjinoc në një shtëpi është duke u ushtruar dhunë familjare.

Për shkak të lëndimeve, viktimës i është ofruar ndihmë mjekësore në Urgjencën e Suharekës e më pas në Spitalin Rajonal në Prizren.

Ndërkaq, me të arritur në vendin e ngjarjes, policia ka nisur me hetimin e rastit.

Gjatë intervistave është arritur deri tek informacioni se i dyshuari është në posedim të armëve.

Pasi që disa nga armët klasifikohen si luftarake është informuar ekipi i de minimit të FSK-së dhe KFOR-it amerikan të cilët i kanë marrë me vete 6 granata dore; një minë tromblonike; 120 fishekë 7.9mm.

Po ashtu për shkaqe sigurie janë sekuestruar edhe dy pushkë gjahu të cilat kishin leje.

Pas intervistës, është informuar prokurori i shtetit i cili ka urdhëruar që i dyshuari të ndalët nën masën e arrestit policor.

Princesha e Belgjikës qëllon me armë dhe ‘shurdhon’ kryeministrin (Video)

Periskopi.com Lajme

Kryeministri belg Charles Michel ka humbur një pjesë të dëgjimit pasi Princesha e vendit qëlloi me pistoletë shumë pranë veshit të tij.

Princesha Astrid, motra më e vogël e mbretit Filippe të Belgjikës qëlloi me armë  të dielën për të shënuar fillimin e një maratone vrapi nëpër Bruksel.

Në një nga videot e incidentit , Michel fillimisht shfaqet i befasuar dhe fillon të qeshë, por nga të hënën ai ka njoftuar se po trajtohet nga mjekët për shkak të problemeve më dëgjimin.

Të martën,  41-vjeçari është detyruar atë të anulojë të gjitha angazhimet e punës, duke përfshirë një paraqitje para Komisionit Parlamentar të Belgjikës për Punët e Brendshme të Shtëpisë.

Pamje nga vendi ku plagos një person në Prishtinë (Foto/Video)

Periskopi.com Lajme

Në orët e mbrëmjes së sotme ka ndodhur një incident me armë zjarri në Prishtinë ku është plagosur një person.

Zëdhënësja e Policisë së Kosovës, Flora Ahmeti ka bërë të ditur se personi i plagosur në këtë incident është dërguar për trajtim mjekësor në QKUK.

“Në ora 17:44 kemi pranuar një informatë për të shtëna me armë zjarri në rr. Eqrem Çabej në Prishtinë ku është plagosur një person i cili është dërguar me QKUK për tretman mjekësor, bëhet fjalë për një mashkull T.J(1992)”,  ka thënë Ahmeti

Gazetari i Blicit ka shkuar në vendin ku ka ndodhur ky incident dhe raporton se policia kanë bllokuar një pjesë të rrugës derisa po i zhvillojnë hetimet rreth rastit.

Ekipet policore janë duke punuar në drejtim të identifikimit dhe arrestimin e personave të dyshuar.

 

Plagoset me armë në Prishtinë një i mitur

Periskopi.com Lajme

Para pak minutash ka ndodhur një plagosje në qendër të Prishtinës.

Kështu i kanë thënë Gazetës Blic burime brenda policisë së Kosovës.

Sipas këtyre burimeve, është plagosur një i mitur i moshës 16-17 vjeçare.

“Ngjarja ka ndodhur para pak minutash. Është plagosur një i mitur në Lagjen Pejton”, tha ky burim.

Labinot Tahiri rrëfen ngjarjen e mbrëmshme ku u vra 23-vjeçari në Mitrovicë

Periskopi.com Uncategorized

Këngëtari Labinot Tahiri mbrëmë po shkonte për të bërë muzikë në lokalin “Check -in” në Mitrovicë. Aty ku ndodhi vrasja e një 23 – vjeçari.

Labi ka folur për Periskopi.com, rrëfen si ndodhi dhe bënë thirrje te institucionet për kontrolle të njerëzve nëpër lokale.

Ai thotë se mbrëmë është anuluar organizimi, ngase ngjarja ndodhi pak qaste para se ai të hynte në lokal.

“Kam qenë në parking kur ka ndodh, nuk kanë qenë 10 plumba por dy janë dëgjuar. Nuk e njoh atë djalë aspak, por ka qenë shumë shqetësuese dhe do shkoj te ajo familje”, tha ai.

Tahiri shpjegon se ngjarja ka ndodhur diku rreth orës 21 e 40 dhe dënon këtë akt dhune.

“Te organet e rendit propozojë që të merren me çështjet e lokaleve. Shumë njerëz hyjnë me armë, kjo nuk ndodh nëpër shtete tjera. Kjo është e rrezikshme për gjeneratat e reja. Duhet kontroll”, ka thënë Tahiri.

23-vjeçari, Ermal Kamberi u vra për shkak të një vendi në lokal, por ende nuk ka të arrestuar.

Varrimi i tij bëhet sot pasdite, ai ishte në orar pune dhe policia raporton se mbi të u shkrepën tre plumba./ Periskopi

 

 

Ky është i riu që u vra sonte në Mitrovicë (Foto)

 

 

 

Ky është i riu që u vra sonte në Mitrovicë (Foto)

Periskopi.com Lajme

I riu me inicialet E.K. që u plagos sonte në mbrëmje në Mitrovicë, ka ndërruar jetë.

Lajmi është konfirmuar nga burime në klinikën e Emergjencës në QKUK.

“Ai ka ardhur pa shenja jete në Emergjencë. Kemi bërë të pamundurën por ai kishte ndërruar jetë nga plagët e marra”, ka deklaruar ky burim.

Viktima është Ermal Kamberi, menaxher i lokalit “Checkin” në Mitrovicë.

Të shtëna armësh në Mitrovicë, plagoset një person

Periskopi.com Lajme
Të shtëna me armë zjarri kanë ndodhur sonte në një lokal të Mitrovicës. Kështu bëri të ditur në një prononcim për Telegrafin zëdhënësi i Policisë së Kosovës për rajonin e Mitrovicës, Avni Zahiti.
 Ngjarja ka ndodhur rreth orës 21:30. Sipas tij, nga të shtënat me armë zjarri ka mbetur i plagosur një person.

“Një person ka mbetur i plagosur nga të shtënat, ndërkaq policia ka gjetur dhe një armë”, ka thënë Zahiti. Policia ende ndodhet në vendin e ngjarjes.

Dy të vdekur nga të shtënat me armë në një kolegj në SHBA

Periskopi.com Lajme

Dy persona kanë mbetur të vdekur nga sulmi me armë pasditen e sotme në një kampus universitar në Irving, Teksas të SHBA.

Sipas mediave amerikane, autori i dyshuar qëlloi për vdekje një person ende të paidentifikuar dhe më pas vrau edhe veten.

Policia thotë se kemi të bëjmë me vrasje dhe vetëvrasje, megjithatë vazhdojnë kontrollet në kampusin universitar për t’u siguruar që nuk ka asnjë rrezik tjetër. Tre të shtëna me armë u dëgjuan, konfirmon policia.

Kampusi u mbyll ndërsa studentët u udhëzuan të qëndronin në dhoma deri në një njoftim të dytë.

Sulm me armë në një kampus universitar në SHBA

Periskopi.com Lajme

Mediat amerikane raportojnë për të shtëna me armë zjarri në një kampua universitar në Irving, Teksas, në Shtetet e Bashkuara të Amerikës.

Ngjarja po ndodh në Universitetin ‘North Lake College’, ndërkohë që në vendngjarje ndodhen forca të shumta policie.

Sipas raportimeve, besohet se një person ka qëlluar me armë zjarri, kurse studentët janë këshilluar të mbyllen në dhoma dhe të mos lëvizin deri në një njoftim të dytë.

Dasmorët e çmendur: Të gjithë të armatosur si në luftë (Video)

Periskopi.com Lajme

Të shtënat nëpër ahengje familjare nganjëherë arrijnë pikën që ne as nuk mund të paramendonim.

Disa thonë se të shtënat në dasma janë zakon i vjetër i shqiptarëve. Por, para se këtë fenomen ta cilësoni si shqiptarë, shikoni videon e kësaj dasme në një provincë të Turqisë, transmeton Periskopi

Në provincën e Gaziantepit në Turqi, të gjithë dasmorët janë të armatosur. Ata ecin e shtënë me armë gjatë gjithë kohës. /Periskopi

 

Të shtëna me armë në Prishtinë në mes të ditës, një i plagosur (Foto)

Periskopi.com Uncategorized

Një person është plagosur si pasojë e të shtënave me armë gjatë një përleshje në mes disa personave në lagjen ‘Dardania’ të kryeqytetit.

Dëshmitarët thonë se  incidenti kishte filluar me përleshje verbale, dhe më pas është përdorur edhe armë dhe thika.

“Si pasojë e përleshjes një person, F. B, mashkull, 19 vjeç, shtetas i Kosovës, ka marrë plagë nga arma e ftohët (thikë) dhe i njëjti menjëherë është dërguar në QKUK për trajtim mjekësor”, bën me dije Policia e Kosovës.

“Gjithashtu janë shkaktuar edhe dëme materiale, ku nga predhat e armës, janë dëmtuar dy automjete që kanë qenë të parkuara në afërsi të vendit ku ka ndodhë incidenti”, thekson më tej PK.

Policia ka arritur të identifikoj dhe të shoqëroj në stacion policor dy persona të dyshuar./ Periskopi

 

Assad ka mijëra tonë rezerva të armëve kimike

Periskopi.com Lajme

Presidenti i Sirisë, Bashar al-Assad ka mashtruar inspektorët e Kombeve të Bashkuara dhe se ende ka “mijëra tonë”rezerva të armëve kimike.

Kështu ka thënë ish-shefi hulumtues i armëve në këtë vend, shkruan The Independent, transmeton Klan Kosova.

Në vitin 2014, Siria ka thënë se ka dorëzuar të gjitha armët kimike në Organizatën e Kombeve të Bashkuara. Edhe ish-presidenti amerikan, Barack Obama kishte deklaruar se të gjitha rezervat e armëve kimike në këtë vend ishin ‘eliminuar 100 për qind”.

Por ish-gjenerali, Zaher al-Sakat ka thënë se Assad nuk i ka deklaruar të gjitha sasitë e sarinit dhe armëve të tjera toksike.

Ai ka pohuar se bëhet fjalor për dy mijë tonë të armëve kimike që tash Siria i ka në dispozicion.

Dy persona të vrarë dhe një i plagosur në SHBA

Periskopi.com Lajme

Nga të shtëbnat me armë zjarri në një restoran dy persona janë vrarë dhe një grua është plagosur në qendër të qytetit Tucson në Arizona të SHBA-ve.

Incidenti ka ka ndodhur rreth orës 19:30, sipas orës lokale, pas një përleshje, rrethanat e së cilës ende nuk dihen.

Viktimat thuhet se kishin lidhje familjare, mirëpo sipas zëdhënësit të Departamentit, hetimi tashmë ka nisur.

Policia thotë se është shtënë nga një armë dhe se gruaja është qëlluar në këmbë dhe nuk ka marrë plagë të rënda.

Njeriu që plagosi Vllasin përmend edhe Isa Mustafën

Murat Jashari e ka pranuar se ka dashur ta vrasë Azem Vllasin, pasi atë e konsideron tradhtar, mirëpo në dëshminë e tij ai ka përmendur edhe kryeministrin e Kosovës, Isa Mustafa.

Periskopi.com Lajme

Jashari, që zyrtarisht është i dyshuari kryesor për plagosjen e Vllasit, ka thënë po ashtu se pos tij është edhe një grup i madh i njerëzve me të cilët ai bashkëpunon.

Ai ka thënë se grupi shtrihet edhe në dy vende të tjera, pos Kosovës.

Jashari ka deklaruar edhe se ky grup ka për qëllim vrasjen e atyre që i konsiderojnë tradhtarë.

Në mesin e tyre ai ka deklaruar se ka edhe zyrtarë të lartë në shtetin e Kosovës.

FSK demonstron arsenalin e armëve (Video)

Në 9 vjetorin e pavarësisë së Kosovës Drejtësia në Kosovë sjell FSK-në më afër nëpërmjet filmimeve të ushtrimeve të saj.

Periskopi.com Lajme

Emisioni i realizuar në bazën “Ushtarët e NATO-s” në Istog ka publikuar video nga  trajnimet e FSK-së ku janë përdorur autoblindat dhe armët e zjarrit.

Në filmimet ekskluzive mund të shihet një rast i shkëmbimit të zjarrit ku Forca e Sigurisë së Kosovës sulmohet nga një grup terrorist.

Sipas skenarit, një ushtar i FSK-së mbetet i plagosur, ndërsa dy terroristët goditen për vdekje nga armët gjermane të cilat i posedon FSK.

Reagimi i FSK-së është i koordinuar në detaje ku çdo lëvizje në terren e ushtarëve është e komanduar nga eprorët e terrenit.

Reagimin e FSK-së në rast sulmi ndaj tyre mund ta ndiqni në linkun e mëposhtëm.

 

Rreth 240 mijë armë pa leje në Kosovë

Numri i madh i armëve që mbahen pa leje vazhdon të jetë shqetësim për qytetarët dhe vetë institucionet e sigurisë. Sipas hulumtimit të fundit që ka bërë nga Ministria e Punëve të Brendshme, supozohet se janë rreth 240 mijë armë pa leje në Kosovë, shkruan sot Koha Ditore.

Periskopi.com Lajme

“Ky numër është më i vogël për afro 100 mijë armë nga hulumtimi paraprak. Deri më tani nga paslufta janë lëshuar rreth 50.000 leje për armë”, thuhet në përgjigjen e Zyrës për Informim të MPB-së, dhënë gazetës të mërkurën.

Plaçkitje si në filma në tre pika të derivateve në Prishtinë brenda pak orësh

Të maskuar dhe me armë, dy persona kanë hyrë brenda objekteve, e dy të tjerë janë parë brenda veturës teksa i kanë pritur të armatosurit.

Periskopi.com Lajme

Brena pak orësh në Prishtinë, gjithçka është shndërruar si në film, raporton periskopi

Ata kanë plaçkitur tre pika të shitjes së derivateve, duke ua marrë paratë që kishin në arkë të mbledhura gjatë gjithë ditës.

Jo vetëm kaq. Ata krejt këto plaçkitje i kanë bërë më një veturë të vjedhur vetëm pak orë më parë.

Madje, burime të Periskopit bëjnë të ditur se të njëjti person pak orë para se të kryenin plaçkitjet në pikat e derivateve, kanë plaçkitur edhe një barnatore në Prishtinë.

Kjo ka ndodhur në natën mes 30 janar dhe 31 janar, e Policia e Kosovës asnjërën nga këto plaçkitje nuk i ka evidentuar te raporti 24 orësh.

Plaçkitja e parë ka ndodhur në një pikë derivatesh në dalje të Prishtinë, rrugës për në Mitrovicë, tjetra pas disa minutash te një pikë deritavesh në qendër të Prishtinës te lagja e njohur “Hani i Dilit” dhe e treta krejt pak minuta më vonë te një pikë tjetër në dalje të Prishtinës rruga për në Podujevë.

Pikat e shitjes nuk janë të së njëjtës kompani.

Pronarët e pikave të derivateve kur janë bërë plaçkitjet, nuk kanë dhënë detaje, por kanë konfirmuar për Periskopin se kjo ka ndodhur./ Periskopi

 

 

Flet babai i personit që gjuajti me armë pranë ambasadës holandeze në Prishtinë

Pasditen e djeshme Policia e Kosovës ka bastisur shtëpinë e një personi në lagjen “Velania” në Prishtinë, pas raportimit për të shtëna me armë. Ndonëse ishte sqaruar se gjuajtja kishte ardhur si pasojë e një ahengu familjar, portalet serbe kishin raportuar se rasti kishte të bënte me një sulm që disa kosovarë i kanë bërë Ambasadës së Holandës e cila gjendet në këtë lagje.

Periskopi.com Lajme

Lidhur me këtë, ka reaguar pronari i shtëpisë nga e cila personi ka gjuajtur me armë në ajër, rast të cilin e ka konfirmuar edhe Policia e Kosovës.

Në një prononcim për “Indeksonline”, Burhan Pajaziti ka sqaruar rastin duke thënë se djali i tij ka bërë një veprim të pamatur, por që nuk ishte menduar se edhe një aheng familjar do të keqpërdorej deri në atë pikë sa të spekulohej për sulm ndaj ambasadës.

Paraziti ka thënë se Policia e Kosovës i ka përdorur pikërisht kamerat e Ambasadës së Holandës për të hetuar rastin.

“ Të shtënat kanë ndodhur në ajër, prej djalit tim, do të thotë arsyeja ka qenë ajo. Nuk ka pasur motiv kërcënimi apo sulm ndaj dikujt tjetër, e në veçanti ndaj Ambasadës së Holandës, nuk ka qëllime sipas spekulimeve serbe që është sulmuar ambasada. Ajo nuk është e vërtetë. E vërteta është që djali im diku rreth orës 17:00 ka shkrepur me një armë automatike në ajër e cila vërtetohet edhe nga Policia e Kosovës, në bazë të incizimeve të marra nga Ambasada e Holandës”, është shprehur ai.

Tutje, Pajaziti ka thënë se në kohën kur Kosova po përballet me situata të njëpasnjëshme, veprimi për gjuajtje me armë ka qenë krejtësisht i pamenduar. Për këtë, ai ka bërë thirrje tek të gjithë qytetarët që që as në raste festive, as në raste hidhërimi të mos i përdorin armët.

 

Ndryshe, ai ka treguar se rasti është sqaruar si në Policinë e Kosovës, ashtu edhe në Ambasadën e Holandës.

“E kemi sqaruar rastin edhe në Polici, edhe unë kam pasur takime me zyrtarë të Ambasadës së Holandës si qytetar, si banor i lagjes ju kam kërkuar falje për shqetësimin jo vetëm atyre, por gjithë qytetarëve të Kosovës dhe banorëve të lagjes. Ka qenë një veprim i pamatur, veprim i nxituar. Ndoshta në kohën me të cilën po përballet Kosova nuk është dashur të veprohet me gjëra të tilla, duke mos e menduar që do të vjen situata e tillë që dikush të mundohet ta keqpërdorë edhe një aheng familjar për qëllime tjera”, ka thënë Pajaziti për “Indeksonline”.

Kujtojmë se dje lidhur me ngjarjen kishte spekuluar portali serb “Informer”, ku kishte vendosur titullin “Kaos në Prishtinë: Njerëz të maskuar gjuajnë me armë në ambasadën Holandeze në Prishtinë”. Menjëherë pas hetimit të rastit, Policia e Kosovës kishte dalë me komunikatë se ky informacion është plotësisht dezinformues, çka më pas ka vijuar edhe me reagimin e Burhan Pajazitit, babait të djalit i cili kishte gjuajtur me armë automatike gjatë ahengut familjar.

rrahje-620x330_1485454047-3646409

Reagon Policia e Kosovës: ‘Kurir’ po dezinformon – Ambasada holandeze nuk është gjuajtur me armë

(I plotësuar) Policia e Kosovës, përmes një njoftimi, ka sqaruar opinionin lidhur me lajmin dezinformues të publikuar në portale serbe, për kinse sulm me armë në ambasadën Holandeze.

Periskopi.com Lajme

Lexoni më poshtë të plotë sqarimin e policisë:

Policia e Kosovës (PK), me qëllim të informimit të drejtë të opinionit publik lidhur me lajmin dezinformues të publikuar në disa portale serbe, ndër to në portalin serb “Informer” ku thuhet “Kaos në Prishtinë: Njerëz të maskuar gjuajnë me armë në ambasadën Holandeze” në Prishtinë, reagon fuqishëm ndaj këtij lajmi dhe sqaron me sa vijon:

Policia e Kosovës bën me dije dhe sqaron se lajmi i publikuar është një dezinformacion, nuk paraqet informacionin real dhe se nuk ka pasur asnjë gjuajtje apo të shtënë me armë zjarri në ambasadën e Holandës në Prishtinë.

Sot rreth orës 17:50 është raportuar për një gjuajtje me armë e cila dyshohej të ketë ndodhur në një shtëpi private në Velani të Prishtinës.

Policia e Kosovës me të gjitha njësitet relevante policore menjëherë kanë shkuar në atë lokacion, dhe nga verifikimet e para dyshohet se nga ballkoni i një shtëpie një person ka gjuajtur me armë në ajër, në drejtim të panjohur, por që fare nuk ka të bëjë me ambasadën në fjalë.

Vlen të potencohet se nuk është raportuar për ndonjë të lënduar.

PK ka kryer bastisje në shtëpinë e dyshuar dhe në vend ngjarje ka gjetur dy gëzhoja, përderisa është në kërkim të personit të dyshuar i cili është i njohur për policinë.

Prandaj, konsiderojmë se opinioni publik duhet të informohet drejt dhe korrekt, e jo të dezinformohet përmes informacioneve të pavërteta.

 

(E plotësuar) Edhe pse policia e Kosovës, e ka mohuar, burime nga brenda Ambasadës së Holandës në Prishtinë, bëjnë të ditur se është sulmuar objekti i kësaj ambasade.

Ky burim i ka thënë gazetametro.net, se në ato momente, në Ambasadë ka qenë edhe ambasadrja Gerrie Willems me një person tjetër, ndërsa jashtë kanë qenë rojet.

Policia e Kosovës ka demantuar një lajm të raportuar në mediat serbe, se është sulmuar ambasada holandeze në Prishtinë.

Këtë për gazetametro.net e ka thënë zëdhënësi i policisë së Kosovës, Baki Kelani. Sipas tij, ka pasur të shtëna me armë në afërsi, por jo në drejtim të ambasadës.

Lajmi fillimisht u raportua në mediat në Beograd, ku u tha se është kryer një sulm terrorist ndaj ambasadës së Holandës në Prishtinë.

Expreso.rs, raporton se dy njerëz të maskuar kanë gjuajtur me kalashnikov në lagjen ku gjendet ambasada holandeze, dhe pastaj kanë ikur nga vendi i ngjarjes.

Sipas mediave serbe që u referohen personave që kanë qenë në vend të ngjarjes nuk ka të lënduar. /gazetametro.net