Kush ishte Arbën Xhaferi?

Kryetari i nderit i Partisë Demokratike Shqiptare, Arbën Xhaferi u lind në Tetovë në vitin 1948.

Periskopi.com Uncategorized

Ai do të mbahet mend si një nga mendimtarët që lexoi drejt kalendarin në të cilën jetonte dhe atë kalendar e shënoi me veprimtarinë dhe mendimin e tij që zbërthente dhe u jepte kahë proceseve në mbarë shoqërinë shqiptare.

Pjesën më të madhe të jetës së vet Arbën Xhaferi e kaloi në Prishtinë, atje ku gjetën strehim shumë intelektualë shqiptarë nga Maqedonia gjatë sistemit socialist, njofton agjencia e lajmeve INA.

Xhaferi u kthye në Tetovë në vitet e hutesës së madhe politike që e jetonin shqiptarët në Maqedoni dhe jo vetëm ata. Pra, ai u kthye në vendlindje në vitet e kundërshtive të mëdha brenda partisë më të madhe shqiptare, Partisë për Prosperitet Demokratik, e që do përfundonin me përçarjen e saj.

Dhe nga njëri krah i kësaj partie do formohej PDSH-ja e sotme, e cila do drejtohej nga Xhaferi deri në vitin 2007, kohë në të cilën ai ishte kryetar i saj i nderit.

Me kthimin në Maqedoni, në njëfarë mënyre, shqiptarëve, Xhaferi ua ktheu nderin e munguar të mendimit politik shqiptar. Ndaj edhe shumë shpjet u bë figura më e spikatur politike, e cila nga dita në ditë do merrte edhe përmasat e mendimtarit mbarëkombëtar.

Ai ia doli të kontribuojë për faktorizimin politik të shqiptarëve të Maqedonisë, por edhe ta përcaktojë vendin e tyre si faktor i rëndësishëm për mbarë shqiptarinë.

Duke vepruar në një Maqedoni ku përballë kishte arrogancën e politikës maqedonase, e pas vetes inferioritetin e politikës shqiptare, Xhaferi duhej të ecte drejt së ardhmes si ai që duhet të vinte baraspeshë mes ëndrrave iracionale maqedonase dhe ambicieve shumë tokësore të shqiptarëve.

Pra, ngaqë duhej të vepronte lokalisht, por duke menduar mbarëkombëtarisht, ai herë herë nuk u kuptua drejt as nga bashkëkombësit e vet në Maqedoni, e aq më pak nga maqedonasit etnike, të cilët në fillimet e veprimtarisë së tij politike, mendimin e tij e përjetonin si fatkeqësi natyrore që i ka ndodhur Maqedonisë.

Arbën Xhaferi mbase ishte nga politikanët e rrallë që ia doli nga e përkohshmja, politika, të bëjë shumëçka që atë do e bëjë të përjetshëm në botën shqiptare.

E ajo që atë do e bëjë të pavdekshëm, mbase nuk janë vendimmarrjet politike, të cilat gjithsesi nuk mungojnë, por mendësia e tij, e një filozofi që gjithmonë shihte më qartë e më larg se thuajse të gjithë politikanët e tjerë shqiptarë.

Kuptohet edhe si i tillë, largpamës e me mendim të ndritur, ai nuk ka mundur ta parashikojë se do vdiste pasditen e kësaj të mërkure gushti, por gjithsesi se më qartë se cilido tjetër, i shihte rrugët e ardhmërisë ngado shkonte kjo shqiptari e copëtuar, të cilës mbase më së shumti i mungojnë njerëz vizionarë si Arbën Xhaferi.(INA)

Reklamë
Reklamë

Përurohet pjesa e parë e Autostradës “Arbër Xhaferi”

Është përuruar përfundimi i segmentit të parë të Autostradës “Arbër Xhaferi” nga kyçja e saj me autostradën “Ibrahim Rugova” deri në Babush, në gjatësi prej 20 kilometrash.

Periskopi.com Lajme

Në këtë ceremoni ishin të pranishëm presidenti i Republikës së Kosovës, Hashim Thaçi, kryeministri i Republikës së Kosovës, Isa Mustafa, kryetari i Parlamentit të Kosovës, Kadri Veseli, ministri i Infrastrukturës, Lutfi Zharku, ambasadorë dhe zëvendësambasadorë të huaj në Kosovë, ministra, zëvendësministra, kryetarë komunash dhe deputetë.

Kryeministri Mustafa falënderoi të pranishmit në këtë ceremoni duke e vlerësuar lartë inaugurimin e kësaj pjese të autostradës, si një segment shumë i rëndësishëm.

Presidenti Thaçi dhe kryeparlamentari Veseli, po ashtu, falënderuan të pranishmit për pjesëmarrje dhe uruan qytetarët e Republikës së Kosovës për këtë projekt infrastrukturor, me të cilin do të mundësohet qarkullimi më i mirë i njerëzve dhe mallrave duke kontribuar në zhvillimin ekonomik të vendit.

Ndërsa ministri Zharku u shpreh i kënaqur që këtë vit po e përmbyllim me përurimin e një projekti të madh infrastrukturor duke synuar që përmes investimeve në Infrastrukturë të arrihet zvogëlimi i shpenzimeve të transportit, rritja e sigurisë rrugore, zhvillimi i rrjetit rrugor, ulja e ngufatjeve të rrjetit rrugor dhe reduktimi i kohës së udhëtimit, që do të kenë ndikim direkt në rritjen ekonomike të vendit tonë.

“Ministria e Infrastrukturës është duke vazhduar me përgatitjet e projekteve tjera strategjike  infrastrukturore,  ku përfshihet  përfundimi i autostradës  “Ibrahim Rugova”, segmenti i mbetur  Besi  – Merdare që do të financohet nga institucionet financiare ndërkombëtare, si Banka Evropiane për Rindërtim dhe Zhvillim dhe Banka Investive Evropiane me përkrahje edhe të Komisionit Evropian. Në muajt e parë të vitit 2017 do të lidhet marrëveshja për huanë me Bankën Evropiane për Rindërtim dhe Zhvillim për ndërtimin  e rrugës së re, Kijevë – Pejë me një gjatësi prej 32 kilometrash. Poashtu, në javët e para të vitit të ri do të fillojnë procedurat e tenderimit për zgjerimin e rrugëve hyrëse/dalëse për Prizren, Ferizaj dhe Gjilan, që do të financohen me huanë prej 29 milionë eurosh nga BERZh-i.

Në kuadër të përmirësimit të rrjetit të brendshëm rrugor që përfshinë rikonstruimin dhe zgjerimin e rrugëve nacionale dhe rajonale do të vazhdohen projektet e zgjerimit të rrugëve nacionale, Prishtinë – Pejë në segmentet Arllat – Kijevë dhe Zahaq – Pejë, zgjerimi i rrugës Milloshevë – Mitrovicë përmes huamarrjes dhe financimit direkt nga buxheti i Republikës së Kosovës, si dhe zgjerimi i rrugës nacionale nga rrethrrotullimi në Besi deri në Podujevë, segmenti i parë i së cilës filloi në verën e këtij viti.

Në buxhetin e vitit 2017 është përfshirë fillimi i punimeve në segmentin e parë të autostradës, Prishtinë – Gjilan.

Objektiv i Ministrisë së Infrastrukturës është që vendi ynë të bëhet vend i paevitueshëm për trafikun Tranzit për të gjithë Evropën Juglindore”, theksoi ministri Zharku duke i falënderuar të pranishmit për prezencë në këtë ceremoni.

Segmenti i parë Autostradës “Arbër Xhaferi është projektuar sipas standardeve Trans Evropiane për autostrada, me shpejtësi kufizuese prej 120 Km/h.

Përgjatë këtij segmenti janë përfshirë dy nyje lidhëse, në Konjuh që është edhe lidhja me rrugën nacionale, Lipjan – Shtime, dhe në Babush, lidhja me rrugën nacionale Prishtinë – Hani i Elezit. Janë  të ndërtuara 8 mbikalime dhe 7 nënkalime  si dhe rrugë paralele, me qëllim të lëvizjes së papenguar të qytetarëve të zonave përreth autostradës.

Projekti  i ndërtimit të Autostradës është duke vazhduar në segmentin Babush – Ferizaj, deri në kyçjen në Bibaj, kyçjen në Doganaj dhe në disa pjesë të segmentit të fundit afër Kaçanikut.

Në bazë të planit dinamik, deri në fund të vitit 2017 pritet që këto dy nyje lidhëse të përfundojnë dhe të hapen për qarkullim, 42 Km të Autostradës.

Përfundimi i kësaj pjese do të shkurtojë në masë të madhe kohën e udhëtimit dhe do të shkarkojë rrjetin ekzistues rrugor nga ngarkesat e trafikut./ Periskopi

Reklamë
Reklamë

Presidenti Thaçi flet pë asflat: Kjo është Kosova e re që po ndërtojmë

Presidenti i Republikës së Kosovës, Hashim Thaçi, sot ka marr pjesë në ceremoninë e hapjes së nyjeve lidhëse të fshatrave Konjuh dhe Babush në Rrugën 6 “Arbën Xhaferi”.

Periskopi.com Lajme

Në përmbyllje të këtij viti, presidenti Thaçi tha se kjo është dhurata më e mirë që mund të bëjnë institucionet e Republikës së Kosovës për shtetin, por edhe për të gjithë qytetarët e vendit.

Duke e vlerësuar projektin, presidenti theksoi se ky projekt evropian dëshmon se ëndrrat po bëhen realitet.

“Kjo është Kosova jonë e re që po ndërtojmë, është projekti i Kosovës evropiane, Kosovës moderne. Ky është projekti që tregon se ëndrrat po i bëjmë realitet, idetë dhe projektet po i realizojmë”, u shpreh presidenti Thaçi.

Kjo autostradë moderne dhe e munguar historikisht, sipas presidentit Thaçi, sot po bëhet realitet falë punës dhe përkushtimit të përbashkët.

“Sot, Kosova është shndërruar në një model të infrastrukturës rrugore moderne në rajon, prandaj gjithë kjo është bërë falë punës së përbashkët, angazhimeve të përbashkëta, suksesit të përbashkët. Uroj që ta gëzojnë gjithë qytetarët e Republikës së Kosovës edhe rajoni këtë autostradë moderne të munguar historikisht te ne”, ka thënë presidenti Thaçi.

Ndërkaq, kryeparlamentari Veseli, këtë autostradë e vlerësoi si bazamentin e transformimit të madh ekonomik që do ta ketë Republika e Kosovës në fushën e zhvillimit ekonomik.

“Kjo është bazamenti i këtyre investimeve në infrastrukturë, bazamenti i vetë transformimit të madh ekonomik, që do ta ketë Republika e Kosovës në fushën e zhvillimit ekonomik. Pa këtë bazament, as s’do të mund të paramendojmë transformimet e mëdha ekonomike të cilat kanë të bëjnë jo vetëm me lëvizjen e njerëzve, por të njëjtën kohë edhe me lëvizjen e mallrave. Kjo autostradë do të bartë me miliona produkte drejt tregut të Bashkimit Evropian”, u shpreh kryeparlamentari Veseli.

Për kryeministrin Isa Mustafa, inaugurimi i kësaj pjese të rëndësishme të autostradës “Arbën Xhaferi” ishte me rëndësi themelore.

“Për mua është me rëndësi themelore që kemi arrit një punë shumë të madhe ta bëjmë këtë vit dhe vitin e kaluar, se po e inaugurojmë sot një pjesë të rëndësishme të kësaj autostrade”, theksoi kryeministri Mustafa.

Ndërsa, ky përurim i segmentit të parë të projektit më të madh infrastrukturor në vend në ditën e fundit të vitit ishte jo përmbyllje e vitit për ministrin e Infrastrukturës, por hapje për qarkullim të një të tretës së autostradës Prishtinë-Hani i Elezit.

Pjesëmarrës në këtë përurim ishin edhe ministra të tjerë të Qeverisë së Kosovës, kryetarë komunash, deputetë dhe ambasadorë të vendeve të ndryshme të akredituar në Kosovë./ Periskopi

e-01 e-03 e-04 e-05 e-08

Reklamë
Reklamë

Të gjithë krerët e vendit në hapjen e nyjeve lidhëse në dy fshatra në rrugën “Arbën Xhaferi”

Nesër më 31 dhjetor do të bëhet ceremonia e hapjes së nyjeve lidhëse Konjuh dhe Babush të autostradës" Arbën Xhaferi".

Periskopi.com Lajme

Në këtë përurim të pranishëm do të jenë edhe presidenti i Republikës së Kosovës Hashim Thaçi, kryeministri i Qeverisë së Kosovës Isa Mustafa, kryetari i Kuvendit të Kosovës Kadri Veseli, zëvendëskryeministra, ministri i Infrastrukturës Lutfi Zharku, ministra të tjerë, deputetë të Kuvendit të Kosovës, ambasadorë, kryetarë të komunave, dhe përfaqësues të shumtë të institucioneve vendore.

Ceremonia zhvillohen në orën 11:00. / Periskopi

Reklamë
Reklamë

FMN njoftohet për punimet në autostradën “Arbën Xhaferi”

Sot, ministri i Infrastrukturës, Lutfi Zharku, priti në takim një delegacion të Fondit Monetar Ndërkombëtar për Kosovë, të kryesuar nga shefi i këtij institucioni, Jacques Miniane.

Periskopi.com Lajme

Në këtë takim u bisedua për ecurinë e zhvillimit të projekteve strategjike të Ministrisë së Infrastrukturës dhe për nevojat buxhetore të domosdoshme të MI-së për realizimin e këtyre projekteve.

Në veçanti u bisedua për punimet që po zhvillohen në ndërtimin e autostradës “Arbën Xhaferi”, për mundësitë e financimit të autostradës së re Prishtinë-Gjilan, projektin e rrugës N9 Prishtinë – Pejë, projektin Gjurgjicë – Klinë, projektin Skënderaj-Drenas, rikonstruktimin e rrugës Prishtinë-Podujevë, si dhe për projekte të tjera infrastrukturore.

Po ashtu, u bisedua edhe për mundësinë e investimit në përmirësimin dhe rehabilitimin e infrastrukturës hekurudhore dhe për aviacionin civil – shërbimet ajrore të navigimit në aeroportin ndërkombëtar “Adem Jashari” në Prishtinë.​/ Periskopi

Reklamë
Reklamë

20 kilometrat e parë të “Arbën Xhaferit” lëshohen për qarkullim këtë muaj

Autostrada “Arbën Xhaferi” që lidh Kosovën me Maqedoninë mund të mos përfundojë në afatin e paraparë, sipas marrëveshjes së nënshkruar.

Periskopi.com Lajme

Qeveria dhe konsorciumi ndërtues ishin pajtuar që projekti të përfundojë i tëri në vitin 2018, mirëpo problemet me buxhet rrezikojnë shtyrjen e këtij afati. Me këtë problematikë, Qeveria është përballur thuajse gjithë vitin, raporton KTV.

Zyrtarë të “Bechtel & Enka”, thonë se kur është bërë marrëveshja, viti 2018 është propozuar nga ta, duke u bazuar në mundësitë teknike dhe menaxheriale për të kryer autostradën.

Por, kompania është e detyruar që të kryejë punime varësisht nga mundësitë e Qeverisë për t’i shlyer obligimet financiare.

Për këtë të fundit, dy palët janë ende duke diskutuar për marrëveshjen rreth ritmit të punës që duhet të bëhet dhe pagesat.

Ministria e Infrastrukturës nuk ka pranuar të japë detaje rreth kësaj çështjeje, pa u finalizuar marrëveshja.

Për vitin e ardhshëm Qeveria ka ndarë 200 milionë euro për vazhdimin e pagesës së ndërtimit të autostradës për Shkup. Ndërkohë, ekipet e angazhuara në autostradë, tashmë thuajse e kanë bërë gati për lëshim në qarkullim 20 kilometërshin e parë.

Reklamë
Reklamë