Flet Arben Gashi për renditjen e tij në listën e kandidatëve për deputetë

Periskopi.com Lajme

Ish- deputeti i Lidhjes Demokratike të Kosovës, Arben Gashi ka thënë se renditjen e tij në listën zgjedhore do ta përcaktojnë votuesit me datën 11 qershor, përcjell Gazeta Blic.Gashi në listën zgjedhore të LDK-së të publikuar sot ka numrin 61.

Ai më tej ka thënë se nuk e di se kush e ka krijuar listën e LDK-së, megjithatë, thotë se pak ka rëndësi se në cilin numër është vendosur emri i tij.

“Renditjen time e përcaktojnë votuesit e LDK-së me datën 11 qershor”, ka thënë ai.

Në anën tjetër Gazeta Blic ka tentuar të kontaktoj edhe me Adem Salihajn por ky i fundit ka mbyllur telefonin duke mos dhënë asnjë sqarim në lidhje me atë se më nuk është pjesë e listës për deputet në LDK.

Ndryshe Lidhja Demokratike e Kosovës sot ka publikuar listën me kandidatë për deputetë për në Kuvend nga koalicioni LDK-AKR-Alternativa.

Në listë shihen ndryshime të mëdha, si emra të rijnë në këtë parti, e që tani janë kandidatë për deputetë dhe deri te largimi i deputetëve të cilët më parë kanë qenë pjesë e listës së LDK-së.

Reklamë
Reklamë

Mësohet si veproi LDK-ja me Arben Gashin

Periskopi.com Lajme

Edhe Arben Gashi futet në listën zgjedhore të LDK-së!

Në momentet e fundit, LDK ka vendosur në listën zgjedhore edhe ish- deputetin Arben Gashi, i cili së bashku më Vjosa Osmanin, rrezikonin të mbetnin jashtë listës, për shkak të kundërshtimit për lidhjen e koalicionit me PDK-në.

Përkundër që kishte hezitime edhe ndaj Arben Gashit, tashmë emri i tij është pjesë e listës zgjedhore.

Ndërkohë, në listë nuk do të jenë ish- deputetët që nuk e votuan koalicionin me PDK-në, e ata janë: Shpejtim Bulliqi, Hatim Baxhaku, Adem Salihaj e Fatmir Rexhepi.

Reklamë
Reklamë

LDK fillon t’i ‘vardiset’ Vetëvendosjes

Periskopi.com Lajme

Zyrtari i Lidhjes Demokratike të Kosovës, Arben Gashi, në Info Magazine të Klan Kosovës ka thënë se subjekti të cilit i përket dhe Lëvizja Vetëvendosje duhet të shikojnë mundësinë e një koalicioni.

Ai ka deklaruar se të dy palët duhet të dalin mbi ndasitë dhe të gjejnë gjuhë të përbashkët, për një marrëveshje, në të mirë të vendit.

“Unë do t’i bëja thirrje liderëve, të LDK-së dhe VV-së, që të ulen dhe të merren vesh për një koalicion. Është në të mirën e vendit që kjo të ndodhë. Nëse ka qëllim për të ndërtuar kauzë të përbashkët, për ndryshim substancial, atëherë mund të gjendet gjuha e përbashkët për të pasur koalicion. Mendoj që një qeveri e përbashkët me VV-në do ta bënte më lehtë të menaxhueshëm tranzicionin”, tha ai.

Reklamë
Reklamë

Deputeti Arben Gashi tregon çfarë ndodhi sot në mbledhje (Foto)

Periskopi.com Lajme

Deputeti i LDK-së, Arben Gashi që njihet si një zë kundërshtar herë pas here në këtë parti, ka publikuar fotografi nga mbledhja e sotme e grupit parlamentar.

Një mbledhje kjo ku ishin edhe ambasadori amerikan Greg Delawie e edhe shefja e BE-së në Kosovë, Natalya Apostolova.

Gashi në fotografitë e publikuara shihet se ishte në këmbë teksa kanë diskutuar dhe tregon temat, raporton periskopi

“Diskutimi ne LDK për situatën politike, Macioni, Demarkacioni dhe me shume….! “, thotë ai.

Pas këtij takimi, i vetmi që foli ishte Ismet Beqiri. Ai tha se LDK nuk e votojnë mocionin dhe tha se janë unik për demarkacionin. Nuk dha detaje se çfarë kërkuan ndërkombëtarët prej tyre./ Periskopi

Reklamë
Reklamë

Gashi i pavendosur, pret se cili version i demarkacionit do të procedohet në Kuvend

Periskopi.com Lajme

Deputeti i LDK-së, Arben Gashi është ende në pritje se cili version i Demarkacionit do të procedohet nga Qeveria të hënën për në Kuvend.

Në një përgjigje për lajmi.net, ai ka thënë se në mbledhjen e Qeverisë së Kosovës ende nuk dihet se a do të ndryshojë versioni i Demarkacionit, apo cili do të procedohet.

“Nuk dihet se çfarë vjen në Kuvend. Të hënën mbahet mbledhja e Qeverisë dhe ende nuk dihet se a do të ndryshojë diçka”, ka thënë Gashi.

Ai ka lënë të kuptohet se po e pret nëse do të procedohet versioni që është propozuar nga deputetët e LDK-së.

Sipas atij propozimi marrëveshja do të miratohet, por me kusht që pas një viti ajo të rishikohet.

Opozita e ka kritikuar ashpër vendimin e  kryeministrit Mustafa, që Demarkacioni të shkojë në Kuvend para mocionit të mosbesimit.

Reklamë
Reklamë

Gashi tregon procedurat për votimin e FSK-së dhe Demarkacionit

Votimi për transformimin e FSK-së në Ushtri dhe ratifikimi i marrëveshjes për Demarkacionin e Kosovës me Malin e Zi, janë dy çështje të ndryshme të cilat nuk pritet të votohen në të njëjtën kohë. Kështu të paktën është konfirmuar nga partia e Isa Mustafës.

Periskopi.com Lajme

Deputeti i LDK-së, Arben Gashi i ka thënë “Indeksonline” se Demarkacioni është marrëveshje ndërkombëtare dhe shkon me një lexim, përkundër transformimit të FSK-së në bazë të ndryshimit të ligjit, që shkon në dy lexime.

“FSK-ja dhe Demarkacioni janë dy çështje të ndryshme që nuk kanë të bëjnë asgjë me njëra-tjetrën. Përderisa FSK-ja ,propozimin që e ka bë zoti Thaçi, është që të votohet me ligj, ndërsa demarkacioni votohet me 2/3 e votave, është ratifikim. FSK-ja shkon me dy lexime, kurse demarkacioni me një lexim për shkak se është marrëveshje ndërkombëtare”, është shprehur ai.

Tutje, Gashi ka thënë se afati ligjor për ta votuar ndryshimin e ligjit për FSK-në është një muaj, ndërsa nëse kjo kohë kalohet, atëherë çështja e FSK-së shkon automatikisht në Kuvend për votim.

Lidhur me atë se përse ndryshimi i ligjit për FSK-në ende nuk është sjellë për votim, Gashi ka thënë se është procedurë ligjore.

“Është çështje procedurale. Qeveria e ka një muaj me e dhënë rekomandimin e vet, por nëse nuk e bën këtë ajo shkon automatikisht në Kuvend dhe Qeveria nuk mund ta ndalë atë.  E ka afatin ligjor një muaj për ta dhënë përgjigjen”, ka thënë ai.

Reklamë
Reklamë

Gashi mbron LDK-në, thotë se Thaçi po gënjen

Deputeti i Kuvendit të Kosovës, Arben Gashi, në Info Magazine të Klan Kosovës ka thënë se presidenti Hashim Thaci gënjen kur thotë se LDK-ja e ka penguar formimin e ushtrisë së Kosovës vjet më parë.

Periskopi.com Lajme

Ai ka deklaruar se ka marrë pjesë në ato takime dhe në asnjë moment aty nuk është diskutuar për ushtrinë, por vetëm për vendet e rezervuara për minoritete – për të cilën sic thotë ai, Thaci ka insistuar më së shumti, njofton Klan Kosova.

“Mund të them që LDK nuk e ka penguar krijimin e ushtrisë më herët. Unë vet kam qenë në ato negociata. Në asnjë moment në takime atëbotë nuk ka qenë pikë diskutimi formimi i ushtrisë. Kanë qenë vetëm vendet e rezervuara për serbët. Insistimi i Hashim Thacit ka qenë që të vazhdohen vendet e rezervuara. Bile ai ka folur në emër të komuniteteve. Ideja e tij ka qenë që të futen në kushtetutë vendet e rezervuara edhe për një mandat”.

Gashi më tutje ka theksuar se Lidhja Demokratike e Kosovës është për bërjen e ushtrisë, edhe në konstelacione më të vështira politike se ky i sotmi.

“LDK-ja nuk është kundër ushtrisë. Ne jemi për formimin e ushtrisë. Edhe nëse në një moment vie në pyetje prishja e marrëdhënieve me ndërkombëtarët për formimin e ushtrisë, ne duhet që ta analizojmë a është e domosdoshme. Dhe nëse shohim se po prishen balancat ndërkombëtare, atëherë ajo gjë edhe mund të bëhet”.

Reklamë
Reklamë

Gashi thotë se Projektligji për Ushtrinë nuk do dërgohet në Kuvend

Deputeti i LDK-së, Arben Gashi flet për Projektligjin për Ushtrinë.

Periskopi.com Lajme

Ai thotë se është PRO votimit të tij, por nuk pret që ai të dërgohet në Kuvend pa koordinim me partnerët strategjik të Kosovës, SHBA-të dhe NATO-n.

Për Periskopi.com ai thotë se nuk është problemi më i madh që Hashim Thaçi nuk u koordinuam me Qeverinë për këtë Projektligj, por që nuk u koordinua me partnerët ndërkombëtar.

Nuk ka pranuar të komentojë deklaratat e Thaçit, i cili tha se do të dorëhiqet nëse nuk votohet Ushtria. E as për kërcënimet që ua ka bërë deputetëve që nuk e votojnë Projektligjin.

“Do e votoj Ushtrinë patjetër. Nuk do të sillet në Kuvend pa koordinimin me partnerët ndërkombëtar”, tha Gashi./ Periskopi

Reklamë
Reklamë

Gashi thotë se Kadri Veseli nuk guxon të shkojë në zgjedhje pas asaj që ndodhi në Drenas

Pas ngjarjeve të fundit në Drenas, kryetari i Partisë Demokratike të Kosovës, Kadri Veseli, nuk guxon të shkojë në zgjedhje.

Periskopi.com Lajme

Kështu ka deklaruar deputeti i LDK-së, Arben Gashi, në TV Rrokum.

“Nëse PDK në Drenas ka pasë 19 mijë vota, dhe ka ra në nëntëmijë. Pra, ka humbur 55 për qind të votave. Nëse me këtë logjikë shkohet edhe në Skenderaj, ajo humb 20 mijë vota. Pra, këto humbje të votave kanë shkuar diku, por jo në LDK. Sidoqoftë, me rëndësi është që në një zonë ku PDK në start ka pasë 50-60 mijë vota është përgjysmuar. Bëse ky shembull shtrihet ne krejt Kosovën, është jopozitiv për PDK-në”, thotë ai, duke shtuar se do të kalojë Buxheti për vitin 2017.

Reklamë
Reklamë

Gashi thotë se seanca për UÇK-në mund të konsiderohet ndërhyrje në drejtësi

Arben Gashi, deputet i LDK-së, ka thënë se seanca e nesërme për dënimet në procesin “Drenica 2” është gabim.

Periskopi.com Lajme

“Në parim mendoj se mbajtja e seancave është gabim. Janë tri elemente: 1. Dënimet 2. Drejtësia apo jo drejtësia dhe 3. Lufta e UÇK-së… Pajtohem me pikën e tretë, te i dyti nuk kam njohuri për këto çështje dhe nuk mund të paragjykoj, sikur edhe të i pari”, ka thënë Gashi, transmeton Koha.net.

Ai ka thënë se kjo do të konsiderohet nga ndërkombëtarët si ndërhyrje në drejtësi.

Ndërsa për efektin e kësaj seance, ai tha se do të jetë negative.

“Do të ketë zell për diskutim, por çka do të diskutohet. Efekti do të jetë negative për sistemin e drejtësisë në Kosovë dhe për interesin e personave të dënuar”, ka shtuar Gashi.

Reklamë
Reklamë