Avokati i Popullit nis hetimet për kërcënimet ndaj Xharrës

Periskopi.com Lajme

Komiteti për Mbrojtjen e Gazetarëve, me seli në New York, ka reaguar për kërcënimet e fundit me vdekje ndaj kryeredaktores së gazetës “Zëri”, Arbana Xharra.

Ky komitet bën thirrje që Policia e Kosovës me shpejtësi t’i hetojë rastet e tilla.

“Policia në Kosovë duhet të hetojë me kujdes dhe me shpejtësi kërcënimet me vdekje ndaj Arbana Xharrës”, ka theksuar ky komitet.

Ata përmendin se kryeredaktorja e gazetës “Zëri”, Arbana Xharra, e cila ka gjetur të vizatuara në muret e banesës së saj disa simbole që i ngjajnë kryqit me një ngjyrë që duket si gjak, ka raportuar për korrupsionin dhe islamikët radikalë.

Ky komitet është një ndër organizatat më të famshme për mbrojtjen e gazetarëve në Amerikë.

Në anën tjetër, Avokati i Popullit Hilmi Jashari, ka nisur hetimet ndaj kërcënimeve që i janë bërë kryeredaktores së gazetës “Zëri” Arbana Xharrës dhe rastet e tjera që kanë ndodhur kohëve të fundit në vend.

Në njoftim thuhet se Avokati i Popullit ka hapur hetim edhe për kërcënimet ndaj kryeredaktores së gazetës “Zëri”, Arbana Xharra.

“Gjithashtu, duke u bazuar në informatat dhe kronikat mediale, Avokati i Popullit ka hapur për hetim ‘Ex Officio’ edhe një numër rastesh të tjera, duke përfshirë kërcënimet ndaj kryeredaktores së gazetës “Zëri”, znj. Arbana Xharra, rastin e foshnjës që gjatë procesit të lindjes në Klinikën Obstetrike Gjinekologjike ka rënë në dysheme, disa raste që kanë të bëjnë me të drejtat e fëmijëve dhe mbrojtjen shëndetësore e sociale të tyre; raste që kanë të bëjnë me përgjegjësinë për mjedisin jetësor”, thuhet në këtë njoftim.

Sipas këtij njoftimi, Avokati i Popullit vlerëson jashtëzakonisht shumë punën e medieve për të vënë në qendër të vëmendjes çështje të ndjeshme dhe me interes publik.

Arbana Xharra tregon kush janë familjarët e saj dhe çfarë bëjnë (Foto)

Pas një lajmi se daja e Arbana Xharës flet për dashurinë që ka ndaj Millosheviqit, ka reaguar menjëherë gazetarja e gazetës Zëri duke thënë se dajallarët e mi janë Besim dhe Igball Kuqi ku edhe i ka nxjerrë në fotografi.

Periskopi.com Lajme

“Sokrati thotë që kur mposhtet në betejën e debatit, shpifja bëhet mjet i humbësit.

Të mposhturit, humbësit dhe të dështuarit gjejnë ngushëllim në fushata shpifëse që i ngjasojnë errësirës së kryqëzatave mesjetare.

Ju jeni humbës, jeni të mposhtur dhe këto janë shqelmimet e juaja të fundit.

Ne foto jane, Besim dhe Igball Kuqi, dy dajallarët e mi nga Juniku, për të gjithë ju shpifësit e paskrupulltë anadollako-mongolian që jeni të papërputhshëm me klimën e vendit tim, me kulturën e popullit tim.” ka shkruar Xharra.

Arbana Xharra i kthen përgjigje Vetëvendosjes

Gazetarja Arbana Xharra i është përgjigjur Vetëvendosjes, pasi që kjo e fundit po pret kërkimfaljen e saj ndaj qytetarëve të Kosovës dhe atyre të Shqipërisë.

Periskopi.com Lajme

Kjo e fundit ka një përgjigje për VV’n.

Vetëvendosje i reagon Arbana Xharrës, kanë edhe një kërkesë për të

Përgjigja e plotë:

Fletërrufetë e Vetëvendosjes nuk mund të frikësojnë gazetarët e pavarur

Lëvizja Vetëvendosje me ushtrinë e saj të Facebookut vazhdon të bëjë presion ndaj çdokujt që nuk rreshtohet pas saj. Kush nuk i bindet diktatit të saj, kryqëzohet dhe etiketohet pamëshirshëm, madje jo vetëm personalisht, por edhe familjarisht. Ngjashëm vepronte edhe regjimi i Enver Hoxhës: pasi arrestonte një kritik, pastaj ia internonte familjen. VV nuk e ka këtë fuqi, por e inspiruar nga milicët e mendimit të infiltruar nga qarqet parapolitike të Tiranës sigurisht synon të shtyp çdo mendim që nuk i përshtatet dogmave të VV-së. Kush nuk e përfaqëson njëmendësinë e kësaj partie, gjendet në shënjestër të militantëve të saj, njerëz pa etikë dhe pa nder publik.

Të tillët vijnë në Kosovë dhe luftojnë shtetin e Kosovës. “Ata që janë për shtetin e Kosovës e kanë babë Serbinë”. Kështu kishte thënë një milic i VV i ardhur nga Tirana. VV kurrë nuk është distancuar nga kjo deklaratë skandaloze dhe antishqiptare. Milici tjetër tiranas merret me shpifjet më të ulëta, duke thënë se analistët në Kosovë qenkan për falje të tokës së Kosovës. Këtë e thotë shtetasi i një vendi që ende nuk e ka të definuar kufirin me Greqinë dhe ku anijet greke vijnë ngarkohen me rërë pasi të derdhin bërllokun dhe pisllëqet në bregdetin shqiptar. Për këtë mentalitet milicësh Kosova nuk duhet të ketë hapësirë. Po të ishin këta milicë të vlefshëm, do t’i mbante shoqëria shqiptare. Historia do të tregojë se misioni i tyre në Kosovë më së paku është në interes të Kosovës. Për dallim nga ndonjë militant i VV-së që mendon se deficitet patriotike mund t’i plotësojë duke pirë kafe me ndonjë milic të frustruar, ka shumë shqiptarë të Kosovës që historia e tyre personale, familjare dhe angazhimi publik u mjaftojnë për të dëshmuar përkushtimin patriotik. Vetëvendosje as sot, as në të ardhmen nuk do të arrijë të frikësojë asnjë gazetar të pavarur. Fletërrufetë e saj VV mund t’ia dhurojë piromanëve që kanë ardhur këtu të kallin Kosovën në emër të ndërtimit të “njeriut të ri”. VV-së nuk do t’i bëjë punë as portali i saj kinse satirik, që më shumë i përngjan një zyre të Sigurimit. VV sot për sot është reduktuar në një turmë agresive me militantë që brohorasin kur një stalinist dhe enverist i hallakatur nga mendja kryen atentat politik në qendër të Prishtinës. Me çmendurinë tuaj nuk mund ta infektoni shoqërinë.

Vetëvendosje i reagon Arbana Xharrës, kanë edhe një kërkesë për të

"Po bëhen gati 24 orë që kur kryeredaktorja e gazetës “Zëri”, Arbana Xharra, i është drejtuar aktivistit nga Tirana, Arbër Zaimit, me gjuhën e urrejtjes dhe me etiketat më të rënda për një shqiptar. Pavarësisht se që prej asaj kohe ajo ka marrë kritika të shumta nga publiku, dhe shpresojmë që tashmë e ka kuptuar se cilësime të tilla nuk janë korrekte dhe as parimore, znj. Xharra ende nuk ka kërkuar falje për fyerjen ndaj z. Zaimi. Ajo e quajti z. Zaimi "milic i Sheshelit", duke përdorur një prej fjalëve më të urryera për shqiptarë, "mërrsh" – fjalë e gjuhës serbe me të cilën paramilitarët serbë u hakërryer shqiptarëve", thotë Vetëvendosje.

Periskopi.com Lajme

Po ashtu, sipas këtij subjekti, cilësimi i Shqipërisë si “kotec” shpreh diskriminim dhe është i papranueshëm për ligjërimin publik, duke tejkaluar çdo normë lirisë së fjalës.

“Ne e respektojmë lirinë e fjalës, por jemi të bindur që askush nuk mund të fyhet mbi bazën e prejardhjes vetëm për shkak se ka kritikuar, brenda çdo etike, qëndrime rreth një prej çështjeve më të diskutuara vitin e fundit në Kosovë. Arbër Zaimi ka qenë për më shumë se një vit kolumnist i rregullt në të përditshmen “Zëri”, ku znj. Xharra ka qenë dhe vazhdon të jetë kryeredaktore, gjë e cila e bën dhe më absurd konstatimin e saj se mendimet e qytetarëve nga Shqipëria nuk vlejnë për publikun në Kosovë. Derisa, në anën tjetër, vetë Xharra në vazhdimësi komenton mbi zhvillimet në Shqipëri, por edhe në Maqedoni dhe me gjerë rajonit tonë|, thuhet në komunikatën e VV-së

Bëjnë me dije se tre prej aktivistëve të Lëvizjes VETËVENDOSJE! janë deportuar nga Kosova në Republikën e Shqipërisë, pas një linçimi dhe një fushatë kundër tyre nga disa prej udhëheqësve të mediave. Dy prej tyre, Dejona Mihali dhe Boiken Abazi ende nuk mund të vijnë në Kosovë meqë, shteti i Kosovës i ka përndjekur dhe dëbuar politikisht.

“Fushata kundër tyre ka pasur vetëm një arsye: origjinën e tyre nga Republika e Shqipërisë. Kjo është shfaqje e urrejtjes, përndjekje politike, dhe mungesë e përgjegjësisë publike. Presim nga zonja Xharra që t’i kërkojë falje qytetarëve të Shqipërisë dhe Kosovës, dhe të gjithë shqiptarëve, dhe në veçanti z. Zaimi. Gjithashtu, kërkojmë prej Asociacionit të Gazetarëve të Kosovës që të distancohen dhe të mos identifikohet me këtë gjuhë dhe këtë qëndrim të njërës prej pjesëtarëve të këtij komuniteti”përfundon komunikata.

Gazetarja më e bukur në Kosovë i thurë lavde gazetares më të guximshme në Kosovë

Erëza Vela, gazetarja që merret me ekonomi po e mbron kolegen e saj të profesionit, Arbana Xharrën.

Periskopi.com Lajme

Kjo e fundit pas disa polemikave me ish-kryeministrin e Shqipërisë, Sali Berishën, ka bërë një shkrim duke iu përgjigjur atij në gjithçka për të cilën kanë diskutuar.

E Vela thotë se kjo është femra që i qon në këmbë disa shtete. Ajo thotë Xharra ka fuqi dhe autoritet.

 

Arbana Xhara e fshiu një postim për rastin e Astrit Deharit, ka një sqarim

Arbana Xhara para pak minutash postoi diçka në lidhje me raportin e autopsisë së Astrit Deharit dhe e fshiu atë pas disa minutash.

Periskopi.com Lajme

Por, tashmë ka një sqarim pse e ka bërë këtë.

Arbana Xhara

Ajo thotë se ora në videoxhirime të burgut paska qenë me të vjetrën 15:54, pra e pa ndryshuar. Ndërsa, në raporton të autopsisë shkruante se Astritin e pranuan në spital në orën 15:20.

“Ky detaj ishte shumë i dyshimtë. Këtë është dashur ta sqaroi prokuroi në raport apo në konferencë, se une s’kam mujte me pa ëndërr. Për atë e largova foton meqë ora paska qenë në rregull. Perndryshe ketu jemi me raportu drejte”, thotë kryeredaktorij e Zerit./ Periskopi

 

Si është e mundur? Astritin e nxorën nga burgu në ora 15:57, u pranua në spital në 15:20