President i kujt është Hashim Thaçi? (Video)

I zgjedhur nën tymin, gazin dhe protestat e partive opozitare në Kuvend, Hashim Thaçi e mbyll vitin e tij të parë si President me dy ngjarje kryesore që e bënë atë të kujtohet në vitin që po e lëmë pas.

Periskopi.com Lajme

Ka qenë edhe nderimi me përulje tek dy monumentet e viktimave serbe gjate luftës që e karakterizojnë Thaçin në funksionin e tij të presidentit të vendit. Dy ngjarje këto që kanë nxitur reagime të fuqishme të partive politike opozitare por edhe të publikut në përgjithësi.

Njohësit e rrethanave politike në vend thonë se Presidenti Thaçi nuk ka arritur të jetë aspak unitar dhe se nuk ka arritur të fitojë besimin e partive opozitare dhe të qytetarëve.

Analisti Donik Sallova, thotë se Thaçi edhe me zgjedhjen në krye të shtetit nuk po arrin që të dalë përtej imazhit përçarës politik.

Që presidenti i vendit nuk luan një rol unifikues e thotë edhe analisti tjetër politik, Adrian Qollaku. Ky i fundit, madje thotë se Thaçi ende nuk është mësuar me rolin e presidentit. Sipas tij, sjellja e tij ngjason me atë të kryeministrit.

Analistët: Murin në Mitrovicë, nuk e “rrënojnë” rezolutat

Analistët: Murin në Mitrovicë, nuk e “rrënojnë” rezolutatështja e ndërtimit të murit në veri të Mitrovicës, është karakterizuar me debate dhe mospajtime nga deputetët e Kuvendit të Kosovës, nëseancën e fundit.

Periskopi.com Lajme

Seanca për këtë çështje ishte thirrur nga Aleanca Për Ardhmërinë e Kosovës, ku është kërkuar të dihet nga Qeveria e Kosovës, se a kanë qenë në dijeni për ndërtimin e një muri të tillë.

Madje, kjo parti kishte përgatitur një projekt -rezolutë, në të cilën, ndër të tjera kërkohej shkarkimi i Ministres për Dialog,Edita Tahiri, ndërprerja e bisedimeve në Bruksel në mes Prishtinës dhe Beogradit zyrtar, si dhe Qeveria e Kosovës, përmes organeve të veta të ndërmarrë të gjitha masat që të rrënohet muri që është në ndërtim e sipër.

Për votimin e kësaj rezolute nuk ka pasur kuorum të mjaftueshëm.

Në anën tjetër, analistë për çështje politike, konsiderojnë se Qeveria e Kosovës është dashur që t’i qartësojë hapat e ardhshëmqë do të marrë për zgjidhjen e këtij problemi.

Analisti nga Instituti Demokratik i Kosovës, Albert Krasniqi, thotë për Radion Evropa e Lirë, se Kuvendi është i pafuqishëm për të marrë vendime apo miratuar ndonjë rezolutë për shkak të problemeve që kanë ndërmjet vete partitë në Kuvendin e Kosovës, por edhe për shkak të paqartësive që përmbajnë rezolutat.

“Një prej arsyeve që këto rezolutat e Kuvendit nuk po arrijnë ta kenë fuqinë e tyre është se shpesh herë janë të paqarta, nuk parashohin veprime konkrete. Dhe, më shumë bazohen në rrafshin politik të përfitimit të vëmendjes politike dhe të konsumimit ditor, sesa që rezolutat, të cilat janë realiste dhe parashohin veprime konkrete për t’u zbatuar”, thotë Krasniqi.

Analisti Halil Matoshi, ndërkaq, thotë se rezolutat nuk kanë ndonjë efekt në zgjidhjen e problemit të krijuar pas ndërtimit të murit. Ai shprehet se në këtë drejtim Kuvendi i Kosovës nuk ka asnjë lloji fuqie.

“Kjo me murin është një maskaradë e radhës sa për të tentuar që të shfaqen zëra patriotikë, por që nuk ka asnjë fuqi ndikimi. Kjo sepse rreth murit mund të ndikojë vetëm këmbëngulja e Brukselit zyrtar dhe Qeverisë së Kosovës, ndërkaq Kuvendi i Kosovës në këtë drejtim nuk ka asnjë lloji fuqie”, vlerëson Matoshi për Radion Evropa e Lirë, duke shtuar se dialogu mes Prishtinës dhe Beogradit nuk ka qenë transparent.

Sidoqoftë, Matoshi thotë se Kuvendi i Kosovës, asnjëherë nuk ka arritur që të pavarësohet dhe të marrë vendime kredibile, përpos vendimeve që kanë qenë të shtyra nga faktori ndërkombëtar.

Albert Krasniqi, thotë se Qeveria e Kosovës duhet të qartësojë se çfarë në fakt ka përmbajtur marrëveshja e arritur në mes Prishtinës dhe Beogradit zyrtar:

“Fuqia e Kuvendit të Kosovës është duke kërkuar qartësisht nga Qeveria se çfarë hapash konkretisht duhet të ndërmarrë. Për shembull të kërkojë nga Qeveria që të bëhet një inspektim i gjendjes atje. Duhet të tregojë se çfarë në fakt përmban ajo marrëveshje, për shkak se ka shumë paqartësi dhe shpesh herë faji hidhet sa në nivel komunal, sa në nivel qendror, Kuvend dhe kështu duke e shpërndarë nuk ka ndonjë adresëtë saktë se kush është përgjegjës për atë veprim” .

Gjatë debatit dhe mosmarrëveshjes për këtë çështje në seancën Kuvendit, kryeministri i Kosovës, Isa Mustafa, ka duke e quajtur murin joligjor, ka thënë se ky mur nuk ka lindur në bazë të projekteve në Bruksel.

Në asnjë moment në Bruksel, ka thënë ai, nuk është diskutuar për murin dhe nuk ka qenë muri pjesë e këtij projekti.

Ndryshe, me vendim të autoriteteve lokale të veriut të Mitrovicës,ditë më parë filloi ndërtimi i një muri, me një lartësi prej mbi dy metrash, duke ngjallur reagime të fuqishme dhe rritur tensionet.

Ndërtimi i murit u bë në kohën kur po kryheshin punimet për revitalizimin e urës qendrore në Mitrovicë, pas heqjes së “Parkut të Paqes”, sipas një marrëveshjeje të arritur në Bruksel, me qëllim të rikthimit të normalitetit në qytetin e ndarë të veriut të Kosovës.(REL)

Gashi thotë se Rama çfarëdo që të bënte në Serbi, nuk do ta dëmtonte Kosovën

Analisti Astrit Gashi, duke folur rreth debatit që është krijuar pas deklaratave të kryeministrit Edi Rama në Serbi, ka thënë se Rama çfarëdo që bënte në Serbi mund ta dëmtonte vetën dhe Serbinë, por jo Kosovën.

Periskopi.com Lajme

“Ka një histori që është frikësuese pasi konsiderojmë që Shqipëria nuk e njeh dinakërinë serbe ashtu siç e njohim ne”, thotë ai.

“Kjo frikë është mirë të komunikohet në Shqipëri.”, tha Gashi në Klan Kosova

“Edi Rama çfarëdo që të bënte në Serbi mund ta dëmtonte veten dhe Serbinë por jo Kosovën. Edi Rama ka thënë ato gjëra për Kosovës në Beograd që nuk janë në kundërshtim me ato që i mendojmë ne. Edi Rama nuk ka bërë asgjë të keqe në kundërshtim me dëshirat dhe vullnetin tonë. Vizitat e Edi Ramës në Beograd janë pjesë e një agjende që synon që në Serbi të ketë raporte të tilla që Serbia të oreinentohet nga Evropa”, tha Gashi

Ai tha se agjenda e Berlinit është në mbështetje të Pavarësisë së Kosovës.