E maskuar si ‘humanitare’, qendra e spiunazhit rus në Beograd po shqetëson SHBA-të

Periskopi.com Lajme

“SHBA po shqetësohet nga ndërtimi i asaj që në Beograd quhet qendër humanitare ruse në Serbi dhe për statusin potencial special për personelin e qendrës që e ka kërkuar Rusia.”

Kështu ka deklaruar Hoyt Brian Yee, zyrtar i lartë i Departamentit Shtetëror Amerikan për Evropën dhe Euroazinë, i cili nuk beson që Rusia të ketë qëndrim të mirë për të ndihmuar Ballkanin që të shkojë drejt BE-së.

Ai ka shtuar se qendra gjendet në Nish, afër kufirit me Kosovën, ku SHBA-ja ka rreth 600 ushtarë e NATO 4000 sish, nuk është shenjë e mirë.

Ambasadori i SHBA-së Kyle Scott, ka thënë se ka arsye të forta për t’u shqetësuar rreth qendrës ruse në Nish. Ai sot në Nish ka hapur samitin “Roli i NATO-s në Evropën Juglindore”.

Referendum për t’u bërë shteti i 51-të i Amerikës, mësoni si votuan qytetarët

Periskopi.com Lajme

Puerto Riko ka votuar për t’i kërkuar Kongresit që të bëhet shteti i 51-të i Amerikës.

Më shumë se 97% e votuesve thanë se preferonin përpjekjen për t’u bashkuar me SHBA-në, duke u bërë të pavarur ose duke mbetur një territor vetëqeverisës.

Me një pjesëmarrje të ulët prej 23 për qind, Puerto Riko ka votuar për t’u bashkuar me SHBA si Shteti 51 i Unionit, raporton “BBC”.

Kongresi i Aerikes tani do të duhet të vendosë nëse dëshiron të zgjerojë kufijtë e vendit dhe të pranojë ishullin e varfër të Karaibeve.

Ish-kolonia spanjolle ka mbajtur edhe më parë një e referendum për të marrë nënshtetësinë amerikane, por shumica absolute e votave nuk u mor parasysh nga kongresi.

Afër 30% e të gjithë votuesve mësohet se kanë hedhur fletëvotime të pavlefshme, një situatë që krijoi dyshime rreth legjitimitetit politik të votës.

Vendimi përfundimtar nuk është në duart e tyre, por në duart e Kongresit të Amerikës.

Senatori McCain: Vladimir Putin është kërcënim më i madh se ISIS

Periskopi.com Lajme

Senatori republikan John McCain ka deklaruar se Presidenti i Rusisë Vladimir Putin është kërcënimi më i madh për sigurinë globale, madje më i madh edhe se ISIS.

Gjatë një interviste për ABC, McCain deklaroi gjithashtu se rusët kanë tentuar që të shkatërrojnë thelbin e demokracisë duke u përpjekur që të ndërhyjnë në zgjedhjet presidenciale amerikane për të ndryshuar rezultatin.

“Unë mendoj se Putin është kërcënimi kryesor edhe më shumë se sa ISIS. ISIS mund të bëjë gjëra të tmerrshme, por rusët janë përpjekur të shkatërrojnë thelbin e demokracisë dhe të ndryshojnë rezultatin e zgjedhjeve amerikane”, u shpreh McCain.

Vdiq për të mbrojtur vajzat myslimane, flet nëna e amerikanit

Periskopi.com Lajme

Nëna e amerikanit që vdiq duke mbrojtur dy vajza të reja nga ngacmimet anti-myslimane është shprehur se ai “është dhe do të mbetet hero” edhe pas vdekjes së tij.

Taliesin Myrddin ishte një nga dy meshkujt që u therën për vdekje në një tren , të premten në Portland, Oregon.

Viktima e dytë , 53 vjeçari Ricky John Best, ishte babai i katër fëmijëve dhe një veteran ushtarak, ka bërë të ditur policia amerikane.

Një tjetër pasagjer u plagos para se sulmuesi të arrestohej.

Ai filloi të sulmonte dy vajzat duke thënë se të gjithë myslimanët duhet të vdesin.

Por 3 burra u ngritën për t’i ndihmuar raporton “BBC”

“Nuk mund t’i lëndosh, ata janë thjesht 2 vajza të vogla “, mësohet se i tha ‘heroi’ Talisein sulmuesit.

Autori do të paraqitet në gjyq të martën, i akuzuar për vrasje të rëndë, vrasje në tentativë dhe kërcënim, bëjnë të ditur autoritetet amerikane.

Kongresmeni amerikan e krahason Kosovën me Arabinë Saudite

Periskopi.com Lajme

Kongresmeni amerikan, Matt Gaetz, bashkë me një grup kongresmenësh, ishte në një turne ballkanik nga Turqia nëpër Greqi, Shqipëri, Maqedoni dhe Kosovë, kurse nga dhoma e Kongresit në Washington, ka shprehur përshtypjet e tij për këtë vizitë.

Ai flet për politikën sigurinë dhe ekonominë e rajonit, duke dalë i shqetësuar me politikat dhe ndryshimet e imponuara të Recep Tayyip Erdogan në Turqi, i cili, sipas Gaetz, është duke shtruar ndikim destruktiv në gjithë Ballkanin, sidomos në Kosovë, Maqedoni dhe Bosnjë dhe Hercegovinë.

“Jam gjithnjë e më i shqetësuar se Erdogani po ka një ndikim shumë destruktiv në Ballkan dhe përgjatë Evropës. Në Turqi, qeveria po merr masa të ashpra për ta riformuar mënyrën qeverisjes dhe se si e shohin islamin në vend, duke e bërë kështu sistemin më pak gjithëpërfshirës e më shumë autokratik”, shprehet Gatez.

“Turqia e Erdoganit duhet të siguroj Shtetet e Bashkuara (SHBA) se koncepti i një islami politik të mos imponohet në vendet si Kosova, Maqedonia dhe Bosnja”, ka thënë Gatez, për gazetametro

Kongresmeni Amerikan thotë se është pak e çuditshme se pak ditë para arritjes në Kosovë, ra qeveria në Prishtinë, por siç shprehet Gaetz, Kosova e ka një borxh ndaj komunitetit ndërkombëtar dhe popullit të vet.

“SHBA-ja vazhdon të jetë e interesuar në Kosovën, pasi shumë amerikanë kanë paguar për lirinë e Kosovës. Ne presim që nga zgjedhjet e ardhshme të sigurohet një qeveri stabile, gjykata të forta dhe të drejta si dhe fuqizim i sundimit të ligjit, të drejta të plota në pronën private dhe një shtyp të lirë”, thekson Gaetz.

Ajo çka i kishte lënë përshtypje kongresmenit Gaetz, është që Kosova siç e quan ai, është një Arabi Saudite e thëngjillit, pra një vend me shumë resurse thëngjilli dhe po pengohet të shfrytëzoj këto resurse nga lobimet e disa fondacioneve si ajo e miliarderit Soros, dhe fonde të tjera nga Evropa.

Sipas kongresmenit Gaetz, pavarësimi Energjetik i Kosovës është i rëndësishëm, sepse largohet nga influenca e energjisë ruse, dhe këtë nuk duhet ta pengoj lobimet e ndryshme.

“Pavarësimi i Kosovës në energji është i rëndësishëm, sepse tepër shumë shtete janë të varura nga energjia ruse, gjë që ka ndikim negativ në politikat e tyre. Pavarësimi Energjetik përpos kësaj është interes jetik për zhvillimin e ekonomisë, dhe një Kosovë më të sigurt”, përfundon Gaetz.

Ambasada amerikane dhe OSBE kanë një paralajmërim për subjektet politike në Kosovë

Periskopi.com Lajme

Ambasada e SHBA-ve dhe OSBE-ja, ftojnë të gjitha partitë dhe subjektet politike të Kosovës t’i ndërpresin të gjitha format e frikësimeve politike, thuhet në një deklaratë të përbashkët.

Në këtë njoftim thuhet se garuesit politik Kosovarë kanë të drejtë elementare demokratike për të zhvilluar fushatë bazuar në idealet e tyre për të ardhmen e kësaj shoqërie dhe duhen të jenë në gjendje ta ushtrojnë këtë të drejtë pa qenë të kërcënuar apo të frikësuar.

“Ftojmë të gjithë liderët politik që t’i refuzojnë dhe ti dënojnë të gjithat format e frikësimeve, kurse nga Task Forca Zgjedhore presim që në përpikëri t’i hetoj të gjitha raportet e çfarëdo përpjekjeje të marrë për ta manipuluar këtë proces demokratik”, thuhet në deklaratën e Ambasadës amerikane dhe OSBE-së.

Incident në aeroplan, alarmohet ushtria amerikane

Periskopi.com Lajme

Ushtria amerikane ka dërguar dy aeroplanë luftarakë për të përcjellë aeroplanin e udhëtarëve “American Airlines” deri në aeroportin ndërkombëtar në Honolulu.

Ngjarja ka ndodhur kur në aeroplanin e udhëtarëve ishte paraqitur një incident, në të cilin ishte përfshirë një shtetas turk, njoftuan zyrtarët.

“Aeroplanët F-22 shoqëruan aeroplanin e udhëtarëve deri në aeroplan në pajtim me procedurat e brendshme të mbrojtjes. Policia lokale është përgjigjur sapo aeroplani civil kishte aterruar”, tha zëdhënësi i komandës së forcave ajrore amerikane Dave Benam, transmeton të shtunën Reuters.

FBI, ushtria dhe kompania ajrore amerikan deri më tash nuk kanë precizuar se për çfarë lloji të incidentit bëhet fjalë, derisa mediat lokale transmetojnë se një udhëtar tentoi të hyjë me dhunë në kabinën e aeroplanit, i cili nga Los Anxhelosi po fluturonte drejt Honolulu.  Udhëtari problematik është qetësuar nga një polic që ishte jashtë detyre dhe anëtarët tjerë të ekuipazhit, ndërsa aeroplani aterroi në ora 11:35 me kohë të Havajeve, thanë zyrtarët.

Në incident nuk është lënduar askush, transmeton KosovaPress.

“Autoritetet federale po përgatitin akuzë kundër shtetasit turk Anil Uskanil (25) për pengim të ekuipazhit”, ka thënë agjenti special i FBI-së, Pol Delakort në konferencën për media në Honolulu.  I pyetur nëse Uskanil kishte tentuar të hyjë në kabinën e pilotëve, ai tha se shtetasi turk ishte duke kaluar ndërmjet ulëseve me “motive të paqarta”.

Policia në aeroportin ndërkombëtar në Los Anxhelos njoftoi se Uskanil është arrestuar, po ashtu marrë në pyetje dhe liruar disa orë pasi sigurimi në këtë aeroport e ndaloi të dalë nga dyert e terminalit.  Uskanil është arsyetuar se “ishte nisur drejt daljes së gabuar, pasi ishte në gjendje të dehur”, por policia pohon se niveli i alkoolit në gjakun e tij nuk ishte në shkallë të lartë.

Në aeroplanin “American Airlines” ishin 181 udhëtarë dhe gjashtë anëtarë të ekuipazhit.

Yee e quan Mustafën të paguximshëm

Periskopi.com Lajme

Zëvendësndihmës-sekretari Amerikan i Shtetit, Hoyt Brian Yee, në forumin rajonal për siguri “2BS” në Budvë, e ka quajtur kryeministrin Mustafa të paguximshëm.

Siç njoftojnë mediat e Podgoricës, Hoyt Yee ka thënë se shpreson që kryeministri i ri i Kosovës do të ketë më shumë guxim dhe do të miratojë Marrëveshjen për Demarkacionin me Malin e Zi.

“Për t’iu shmangur të gjitha këtyre problemeve, liderët në rajon duhet ta gjejnë guximin politik për reforma jo-popullore, por të domosdoshme, në interes të qytetarëve. Shpresoj se kryeministri i ri i Kosovës do të ketë guxim që ta miratojë Marrëveshjen për demarkacionin më Malin e Zi”, ka thënë Hoyt Yee.

Anëtarësimi i Malit të Zi në NATO, sipas Zëvendësndihmës-sekretarit Amerikan i Shtetit, Hoyt Brian Yee, ka forcuar konsistencën e politikës së dyerve të hapura, por edhe ka zbuluar vendosmërinë e Rusisë që të minojë të ardhmen euroatlantike të Ballkanit, duke filluar nga plani i rrezikshëm dhe i ulët për destabilizimin e Malit të Zi, nga mbështetja lëvizjeve në Bosnjë dhe nga përpjekjet për izolimin e Kosovës.

“Kemi qenë dëshmitarë të retorikës nxitëse dhe të politikave ndarëse, kemi parë gazin lotsjellës në Kuvendin e Kosovës, politikanë në Republika Srpska të cilët kërcënojnë me ndarje, turmën e tërbuar që pushtoi parlamentin në Shkup, opozitën në Mal të Zi, e cila po e bojkoton jetën parlamentare”, ka thënë Hoyt Yee, duke folur për rolin e Rusisë në Ballkanin Perëndimor.

Bibliotekat më të bukura të kolegjeve amerikane (FOTO)

Periskopi.com Galeria

Të gjithë ne do të dëshironim që të kishim një bibliotekë gjigante dhe të bukur njëkohësisht në qytet.

Kolegjet amerikane mbase mburren për bibliotekat e tyre, për shkak të bukurisë dhe madhështisë së tyre që kanë.

Këto biblioteka që do t’i shfaqim në këto fotot e mëposhtme u takojnë kolegjeve amerikane dhe janë madhështore me pamjen e tyre që kanë.

Këto ndërtesa përpos faktit që mbartin brenda tyre libra nga më të ndryshmet, kanë dhe një arkitekturë të veçantë dhe mjaft unike.

Presidenti koreano-jugor dhe Trump, bashkë kundër Kim Jong-un

Periskopi.com Lajme

Presidenti i ri i Koresë së Jugut, Moon Jae-In dhe homologu i tij amerikan, Donald Trump ranë dakord për një bashkëpunim më të ngushtë për dosjen bërthamore të Koresë së Veriut, njoftuan sot shërbimet e presidencës në Seul.

”Gjatë bisedës së parë telefonike ditën e emërimit të Moon, të dy krerët e shteteve ranë dakord të bashkëpunojnë ngushtësisht për të zgjidhur problemet që lidhen me sigurinë në Gadishullin Korean, përfshirë ambiciet bërthamore të Koresë së Veriut”, sqaroi presidenca në një deklaratë.

 

Mësohet kur mbahet takimi urgjent i PDK-së

Periskopi.com Lajme

Këshilli Drejtues i Partisë Demokratike të Kosovës pritet që nesër nga orët e hershme të mëngjesit të mblidhet në Selinë Qendore të partisë. 

Indeksonline mëson se arsyeja e këtij takimi është seanca për rrëzimin e Qeverisë “Mustafa”.

“Po, në ora 8:00 këshilli drejtues i partisë do të mblidhet për të diskutuar rreth mocionit të “Nisma”-s”, thotë ky burim.

Ndryshe, seanca e nesërme parlamentare pritet të mbahet ora 10:00.

Beqiri thotë se LDK është unike për Demarkacionin, a ndryshuan mendje deputetët?

Periskopi.com Lajme

Të paktën tetë deputetë të Lidhjes Demokratike të Kosovës, në deklaratat e tyre u shprehën pothuajse hapur kundër marrëveshjes aktuale të Demarkacionit me Malin e Zi.

Adem Salihaj, Shpejtim Bulliqi, Armend Zemaj, Besa Gaxherri, Vjosa Osmani, Fatmir Rexhepi, Arben Gashi dhe Anton Quni ishin disa nga emrat e deputetëve nga radhët e LDK’së që u përfolën për kundërshtimin e Demarkacionit.

Por, presioni i vazhdueshëm bëri që disa nga ta të ndërrojnë mendje, shkruan Periskopi.

Madje, shefi i Grupit Parlamentar të LDK’së, Ismet Beqiri, pas takimit me ambasadorin amerikan Greg Delawie dhe shefën e Grupit Parlamentar, Natalia Apostolova, tha se LDK si parti është unike për Demarkacionin.

Pas takimit që u mbajt në Kuvend, Isa Mustafa u pa teksa shkoi në objektin e Qeverisë, ndërsa të gjithë deputetët e LDK-së, krejt së bashku pa asnjë përjashtim shkuan në një nga kafiterit afër Kuvendit.

Asnjëri prejt tyre ende nuk është deklaruar rreth demarkacionit, ndërsa për mocionin, Beqrir tha se asnjëri nuk do e votojnë.

Pritet të deklarohen nëse janë më të vërtetë ‘unik’ siq tha Beqiri edhe për Demarkacionin./ Periskopi

Greg Delawie

Deputetët e PDK-së në Ambasadën e SHBA-së

Periskopi.com Lajme

Disa prej deputetëve të Grupit Parlamentar të PDK-së janë ftuar nga Ambasada e SHBA-së për tu konsultuar rreth çështjes së votimit për demarkacionin dhe për mocionin.

Takimi raportohet se ka filluar në orë 15:00

Koreja e Veriut arreston një tjetër qytetar amerikan

Periskopi.com Lajme

Koreja e Veriut ka arrestuar një qytetar amerikan “nën dyshimet se po kryente veprime kundër shtetit”, njofton agjencia koreanoveriore  e lajmeve.

Kim Hak-song punonte në Universitetin e Shkencave dhe Teknologjisë në Phenian dhe u arrestua me 6 maj, shtoi agjencia e lajmeve “KCNA”.

Tre qytetarë të tjerë amerikanë janë duke u mbajtur aktualisht  në Korenë e Veriut, përfshirë Kim Sang-duck, i cili, është arrestuar para disa ditësh, dhe  gjithashtu ka punuar në universitet.

Shtetet e Bashkuara kanë akuzuar në të kaluarën Korenë e Veriut se i ndalon qytetarët e saj për t’i përdorur si pengje.

 

Eksperti amerikan i sigurisë: “Shqipëria e Madhe” mund të bëhet realitet

Periskopi.com Lajme

Përzierja e Rusisë në ngjarjet e Ballkanit ka quar këtë shoqëri në buzë të greminës, po e kërcënon të gjithë Evropën Juglindore dhe është nevoja që Perëndimi të riparojë dëmin që ishte shkaktuar gjatë shpërbërjes së Jugosllavisë.

Kështu ka thënë eksperti i sigurisë dhe ish-analisti në Agjencinë e Sigurisë Kombëtare (NSA), John Schindler.

Kolumnisti i ‘Observer’ të Nju Jorkut, shkruan se NATO ka nevojë të ndihmojë në Jug-Lindje të Evropës për t’i rezistuar veprimeve agresive sikurse përpjekja e grushtshtetit në Mal të Zi disa muaj më parë si dhe për rrezikun e krizën në Maqedoni, transmeton lajmi.net.

Gjatë gjithë ish-Jugosllavisë, NATO dhe BE-ja këmbëngulën në ruajtjen e kufijve të brendshëm të regjimit të dështuar komunist edhe pse ajo përfaqësohej nga persona me përkatësi të ndryshme etnike, thotë ‘The Observer’.

Schindler beson se Josip Broz Tito ka mbajtur Jugosllavinë së bashku me një kombinim të karizmës, talentit politik dhe policisë sekrete, të cilën nuk e posedon as NATO as BE.

Ai thotë se ka ardhur koha që edhe Perëndimi të njoh dështimin e tij ndaj Evropës juglindore.

Këtë pjesë ai e përshkruan si një pseudo-shtet që kurrë nuk është shëruar nga fatkeqësia që zgjati nga viti 1992 deri më 1995, dhe shton se miliarda dollarë ndihma perëndimore janë zhdukur për shkak të korrupsionit të madh dhe krimit.

Schindler thekson se askush nuk mund në mënyrë të arsyeshme të shpjegojë pse kufijtë e Serbisë nga e kaluara komuniste mund të ndryshojnë ndërsa kufijtë e Bosnjës dhe Hercegovinës nuk munden, duke përmendur faktin e ‘Republikës Serbe’.

Kolumnisti i ‘Observer’, thotë se kroatët etnikë nga pjesa perëndimore e Bosnjës duhet të lejohen të bashkohen me Kroacion dhe kujton se shumica e tyre tashmë posedojnë pasaporta kroate.

Ai beson se pjesa tjetër e Bosnje dhe Hercegovinës duhet të lejohet të shkojë në rrugën e vet dhe të përshpejtoj anëtarësimin në NATO dhe BE.

“Perëndimi duhet të heqë dorë nga fantazia se paqja afatgjatë në Ballkan mund të arrihet duke izoluar Serbinë”, thotë kolumnisiti por thekson se Beogradi duhet të bëjë kompromis dhe të njoh Kosovën si shtet të pavarur.

Sipas tij, ‘Shqipëria e Madhe’ duhet të krijohet dhe është mirë të arrihet në kushte paqësore.

Ai beson se duhet të lejohet të ankesojë Kosovën, Shqipërinë dhe Serbisë duhet ti takojë veriu i Mitrovicës dhe Lugina e Preshevës. Ai thotë se monumentet fetare serbe në Kosovë duhet të vendosen nën mbrojtjen e OKB-së dhe të deklarohen jashtëterritorialitetit.

Ai ka thënë se humbëse do të jetë Maqedonia në këmbim të pjesës veri-perëndim të vendit e cila është e populluar kryesisht me shqiptarë.

Sulm me armë në një kampus universitar në SHBA

Periskopi.com Lajme

Mediat amerikane raportojnë për të shtëna me armë zjarri në një kampua universitar në Irving, Teksas, në Shtetet e Bashkuara të Amerikës.

Ngjarja po ndodh në Universitetin ‘North Lake College’, ndërkohë që në vendngjarje ndodhen forca të shumta policie.

Sipas raportimeve, besohet se një person ka qëlluar me armë zjarri, kurse studentët janë këshilluar të mbyllen në dhoma dhe të mos lëvizin deri në një njoftim të dytë.

Pamjet nga lufta e fundit mes SHBA’së dhe Koresë së Veriut (Foto)

Periskopi.com Lajme

Përderisa raportet mes Shteteve të Bashkuara të Amerikës dhe Koresë së Veriut vazhdojnë të tensionohen, një koleksion fotografish ofron një paralajmërim nga historia.

Imazhet e Departamentit të Mbrojtjes të SHBA-së japin një pasqyrë interesante ku shfaqen trupat amerikane që luftojnë në gadishullin Korean.

Lufta mes Koresë dhe SHBA u zhvillua në mes të qershorit 1950 dhe korrikut 1953, pasi Koreja e Veriut, e udhëhequr nga Kim Il-sung – gjyshi i kreut aktual të Penianit, Kim Jong-Un  pushtuan fqinjin e tyre Korenë e Jugut. SHBA hyri në luftë  për të mbështetur Korenë e  Jugut, ndërsa Kina mbështeti Korenë e Veriut me ndihmën e Bashkimit Sovjetik.

Nga lufta humbën jetën qindra e mijëra njerëz, duke përfshirë më shumë se dy milionë civilë dhe më shumë se 33,000 trupa amerikane.

Ivanka Trump del kundër babait të saj, thotë se SHBA duhet të pranojë refugjatët sirian

Periskopi.com Lajme

Ivanka tani thotë se SHBA-të duhet të pranojnë refugjatë sirian, por “kjo nuk do të mjaftojë” që të zgjidhet kriza humanitare atje.

Babai i saj, presidenti Donald Trump e ka bërë të qartë se ai e sheh këtë valë të madhe refugjatësh si ‘Kali i Trojës’, që mund të sjellë terroristë në Amerikë, raporton Periskopi

Dy burime nga Shtëpia e Bardhë kanë thënë se presidenti Trump nuk e ka ndryshuar mendjen e tij edhe pse vajza e tij mendon ndryshe.

Ivanka tash së fundi ishte në një vizitë në Gjermani, pas ftesës nga kancelarja gjermane, Angela Merkel./ Periskopi

Ushtria amerikane dhe e Koresë së Jugut stërvitje spektakolare pranë Koresë Veriore (Video)

Periskopi.com Lajme

Ushtarët e SHBA-ve dhe të Koresë së Jugut kanë marrë pjesë në një stërvitje të kombinuar si pjesë e stërvitjeve të përbashkëta mes tensioneve në rritje me Phenianin. Ajo vjen vetëm një ditë pasi Veriu zhvilloi stërvitjen “më të madhe ndonjëherë” të artilerisë.

Siç shkruajnë mediat e huaja, përcjell Telegrafi, më shumë se 2.000 trupa të Koresë së Jugut dhe Amerikës u përfshinë në stërvitjet e të mërkurës në Pocheon, Korenë e Jugut.

“Lojërat e luftës” u zhvilluan në Fushën e Trajnimit të Zjarrit në Seungjin, rreth 30 kilometra në jug të Zonës së Demilitarizuar (DMZ) që ndan dy koretë.

Ushtrimet, të cilat zgjatën 45 minuta, përfshinë rreth 100 njësi artilerie, 90 automjete të blinduara dhe 50 avionë, sipas Ministrisë së Mbrojtjes të Koresë së Jugut.

Pamjet nga vendi i stërvitjeve tregojnë se “gjurmët me ngjyra” në të gjithë qiellin, ndërsa avionët luftarakë shfaqin forcën e tyre, si dhe tanket e qitjes, re të mëdha të tymit dhe ushtarët që “kërcejnë” nga helikopterët. /Telegrafi/

Gjenerali amerikan: Nuk ka dyshim se Rusia po furnizon talibanët me armë

Periskopi.com Lajme

Gjenerali amerikan në Afganistan ka thënë që nuk ka dyshim që Rusia është duke ia siguruar armët talibanëve.

Në deklaratën më të fuqishme të bërë për përfshirjen e Rusisë në luftën e Afganistanit, gjenerali John Nicholson ka thënë që “nuk është për të hedhur poshtë” përfshirja e Moskës, përfshirë dhënia e armëve talibanëve.

Ai ka folur në Kabul përkrah James Mattis, Sekretari amerikan i Mbrojtjes, i cili ka thënë se Amerika duhet të konfrontojë Rusinë për veprimet e saj në Afganistan, aty ku Bashkimi Sovjetik luftoi dhe humbi një luftë të përgjakshme në vitet 1980.

Një zyrtar i paidentifikuar ushtarak amerikan tha se Rusia po furnizonte talibanët me armë automatike dhe me armë të tjera të mesme.

Armët po përdoren për të sulmuar forcat afgane të sigurisë në provincat jugore të Helmandit, Kandaharit dhe Uruzgan, tregojnë raportet e inteligjencës./ arbresh.info