Imazhe nga Aleppo që po tronditin botën (Foto)

 ‘USA TODAY’ ka publikuar një përmbledhje të fotove të cilat janë shkrepur në momente të ndryshme dhe për njerëz të ndryshëm, duke përcjell fare qartë momentet e vështira që është duke përjetuar Aleppo.

Periskopi.com Galeria

 

Fëmijë të plagosur, të vetmuar dhe që shfrytëzohen nga rebelët për punë të rënda. Njerëz që jetojnë nën rrënoja dhe që e kanë humbur shpresën. Këto foto sjellin panoramën e plotë të gjendjes trishtuese në lagjet e Aleppos.

60 të vdekur nga shpërthimi i një autobombe para një gjykate në Siri

Të paktën 60 persona u vranë dhe mbi 50 u plagosën në sulmin e sotëm me autobombë në ndërtesën e gjykatës lokale në qytezën Azaz, 30 kilometra në veri të Aleppos.

Periskopi.com Lajme

Zyrtari i Mbrojtjes Civile, Iyad Sejh Razuk më herët  tha se në Azaz, i cili është nën kontrollin e forcave të opozitës, në afërsi të ndërtesës së gjykatës lokale ka shpërthyer një automjet.

Razuki shtoi se shpërthimi ka shkaktuar dëme të mëdha në ndërtesat e banimit në afërsi.

Ende nuk është e ditur se kush qëndron pas sulmit.

28 vjeçari nga Skenderaj që jeton në kushte më të vështira se sa në Alepo (Foto)

Azizi, 28-vjeçar, nëse jo njëjtë atëherë jeton edhe më keq se shumë sirianë në qytetin e shkatërruar dhe të rrethuar të Aleppos në Siri.

Periskopi.com Lajme

Meqë nuk gëzon të drejtën as në ndihma sociale, ai nuk ka bukë për t’u ngopur, nuk ka shtrojë e as mbulojë. Azizi thotë se nuk është Kosovë, sepse shteti nuk bëri asgjë për të

Kënga e tij ndihet edhe më larg se në Prekaz, aty ku komandanti legjendar i UÇK-së ndryshoi historinë e popullit shqiptar të Kosovës.

Secilën fjalë të këngës ai e përfundon me një “hej” të gjatë e kumbuese, që ta ther shpirtin. Kur ia jep këngës nëpër rrugët e Skenderajt, ai nuk e sheh askënd, edhe po ta përshëndesësh ai nuk përgjigjet, vetëm ecën dhe këndon.

Ai del nga strofulli i tij në një hapësirë të gjerë përbrenda palestrës në ndërtim të sporteve në qytetin e Skenderajt vetëm kur ka uri, shkon nga një furrë në tjetrën, nga një qebaptore në një tjetër apo nga një gjellëtore në tjetrën nëse dikush do të bëjë “rahmet” t’ia japë një copë buke.

E aty ku strehohet ai është shumë më keq sesa një kasolle e një qeni që ka të zotin e pasur. Të paktën, qeni i të pasurit ushqehet me kohë, besa i qesin edhe mish, ushqimin e ka sikurse të zotët e shtëpisë, ndërsa ai ndodh që të mos ketë bukë për të ngrënë edhe me 2-3 ditë./zeri.info

alepp-696x928

Ronaldo mesazh për fëmijët në Siri: Unë jam me ju (Video)

Ylli i futbollit të ditëve të sotme, fitues i 4 herë i “Topi i Artë”, Cristiano Ronado në llogarinë e tij në Twitter u ka dedikuar një video-mesazh fëmijëve që po vuajnë nga luftimet në Siri.

Periskopi.com Lajme

“Kjo është për fëmijët e Sirisë, ne e dimë që ju po vuani shumë. Unë jam një lojtar shumë i famshëm, por ju jeni heronjtë e vërtetë. Mos humbisni shpresën, bota është me ju. Ne shqetësohemi për ju. Unë jam me ju”.

Siria prej vitit 2012 është e përfshirë nga lufta civile mes regjimit dhe rebelëve, por edhe kundër zonave të pushtuara nga anëtarët e ISIS.

Numri i viktimave gjatë luftimeve në Siri gjatë kësaj periudhe janë me mijëra, ku nuk bëjnë përjashtim as fëmijët.

 

Pas shumë kohësh, më në fund vijë qaste gëzimi nga Alepo

Periskopi.com Video
Aleppo / ARKIV

Rreth 4 mijë fëmijë të bllokuar në Aleppo, në rrezik për jetë

Rreth 4 000 fëmijë kanë mbetur të bllokuar në Alepon Lindor dhe rrezikojnë të vdesin, vë alarmin “Unicef Italia”.

Periskopi.com Lajme

“Jam në atë që mbetet nga qyteti, shumë janë jetim dhe pa familje, kanë nevojë për ndihmë të menjëhershme ose rrezikojnë të vdesin”, deklaron Andrea Iacomini, zëdhënës i “Unicef Italia”.

“Ndërkohë që evakuimi vazhdon, informacione të pakonfirmuara flasin për fëmijë dhe civilë të vdekur në disa autobusë për shkak të mbingarkimit”, ka shtuar ai, përcjell Atsh.

“Një fakt i tmerrshëm. Duhet të jemi vigjilentë që raste të tilla, nëse konfirmohen, të mos ripërsëriten. Do të ishin paradoksal dhe jonjerëzor”, theksoi zëdhënësi i Unicef Italia.

Aleppo / ARKIV

Assadi merr kontrollin e plotë ndaj Aleppos

Është bërë evakuimi i kryengritësve të fundit nga qyteti Aleppo në Siri.

Periskopi.com Lajme

Ushtria e Sirisë përmes një deklarate thotë se “po kthehet siguria dhe stabiliteti në Aleppo, pasi është çliruar nga terrorizmi dhe terroristët”, transmeton Telegrafi

Komiteti Ndërkombëtar i Kryqit të Kuq më parë përmes një postimi në Twitter ka thënë se bora e madhe dhe era ka ngadalësuar ekipin e saj mbështetës në evakuim, por ato nuk janë ndalur.

Kryqi i Kuq thotë se mbi 4,000 luftëtarë janë dërguar në zonat rurale gjatë natës.

Mbi 30 mijë civilë dhe kryengritës kanë lënë enklavat në Lindje të Aleppos, që nga java e kaluar, thonë nga OKB.

Xhamia më e vjetër në Ballkan u ndërtua në Kosovë nga një familje emigrantësh nga Aleppo

Kontaktet e para me islamin në Ballkan u zhvilluan me ardhjen e turqve, gjatë shekujve 14 dhe 15, kur u krijua shoqata e parë për rëndësinë e Islamit dhe në Ballkan, por edhe shumë më herët.

Periskopi.com Lajme

Historiani boshnjak Muhammad Hadzhijahiq thekson se në afërsi të Mostarit janë gjetur monedha nga periudha e kalifit Mervani II (745-750), që janë paratë e para që kanë arritur në  Bosnje përmes tregtarëve arabë, të cilët tregtonin në masë të madhe në Mesdhe, dhe në atë kohë, Dubrovniku ka qenë një qendër e rëndësishme e tregtisë.

Banorët e Dubrovnikut ishin tregtarë të aftë, megjithatë, osmanët i gjetën përgjatë lumit Drina në qytetet mesjetare si Srebrenica, Zvorniku dhe Tuzla e sotme.

Kështu, është e mundur, për shkak të rrugëve tregtare në Dubrovnik, në fshatin Mlike të Kosovës në vitin 1289, njëqind vjet para Betejës së Kosovës, kolonët dhe mjeshtrit nga qyteti sirian i Aleppos, ndërtuan xhaminë më të vjetër në Ballkan – xhaminë Haji Husein. Në një pllakë guri dhe tabela të shtypura në gjuhën arabe, thuhet se xhamia është ndërtuar në vitin1289 dhe rinovuar në vitin 1822, nga familja Ahmed al-Aga, transmeton KosovaPost.

Sipas informatave historike, familja e al-Aga ishte në periudhën e viteve 1095 në kërkim të një jete më të mirë përfundoi në Kosovë, por duke pasur parasysh ishte një familje e madhe, herë pas here u  vendosën në pjesën jugore të Kosovës, dhe pasi u  përshtaten me mjedisin e ri  vendosën të qëndronin më gjatë, dhe në vitin 1289 ata ndërtuan një xhami.

Siç flasin legjendat kombëtare dhe dokumentet besohet se emigrantët ishin kryesisht nga provinca dhe qyteti i Aleppos, pasardhësit e tyre sot ende e mbajnë emrin e familjes Halepovci (Aljabakovci) dhe ka ende në Mlike, Krushevë, Dragash dhe Restelicë. Gjithashtu, pasardhësit e tyre mund të gjenden dhe në Prizren,si farkëtarët dhe mjeshtrit. Mund të gjenden edhe  në pjesë të tjera të Kosovës dhe Maqedonisë.

Si konfirmim i kësaj teze është dokumenti që muslimanët e këtij vendi të marrë nga Damasku në vitin 1995  të Ministrisë së vakufeve të Republikës Arabe të Sirisë, e cila në përkthim thuhet si vijon:

Ne Muftinia e Qarkut të Halepit, nga Republika Arabe e Sirisë, konfirmojmë se familja e al-Agës është e lashtë, anëtarët e së cilës kanë emigruar në vitin 1095, ndërsa emigrimi i tyre ka vazhduar deri në vitin 1291, ku ndërtuan xhaminë në fshatin e tyre në Mlike, me qëllim të kryerjes së riteve fetare. Mbi këtë bazë, kjo xhami është në të vërtetë pronë e këtyre familjeve, respektivisht familjeve të muslimanëve arabë të zhvendosur dhe nuk janë nga ndërtimet osmane. Ne vërtetojmë pronën e tyre dhe kërkojmë nga autoritetet që t’u ndihmojnë në këtë.”

Xhamia gjatë historisë së trazuar të Kosovës është djegur dy herë, por vendasit e kanë ruajtur me kujdes pllakën e gurit me mbishkrimin arab, duke e fshehur atë në nënkulm (papafingo) të shtëpive dhe vende të tjera të fshehta; duke ruajtur kështu edhe faktin se xhamia e parë në Ballkan është ndërtuar nga emigrantët selxhuk nga Halepi, njëqind vjet para betejës së Fushë – Kosovës.

Evakuimet nga Aleppo përfundojnë nesër

Ministri i Jashtëm i Turqisë, Mevlüt Çavuşoğlu, ka deklaruar sot se 37.500 civilë janë evakuuar nga lindja e Aleppos dhe se evakuimet synohet të përfundojnë nesër.

Periskopi.com Lajme

Këtë deklaratë Çavuşoğlu e ka bërë në llogarinë e tij zyrtare në Twitter. Ai ka nënvizuar se nga evakuimet të cilat kanë nisur më 15 dhjetor deri më tani janë nxjerrë nga lindja e Aleppos 37.500 civilë, raporton AA.

“Deri nesër synojmë që të përfundojnë të gjitha evakuimet”, është shprehur Çavuşoğlu.

Nga ana tjetër ditën e djeshme nisën evakuimet edhe nga rajonet Fua dhe Kefreja të cilat janë nën kontrollin e Hizbullahut.

Sipas marrëveshjes evakuimet nga lindja e Aleppos do të kryen në të njëjtën kohë me ato nga rajoni Fua dhe Kefreja. Marrëveshja mes palëve është garantuar nga Turqia dhe Rusia.

Të rinjtë e Vushtrrisë solidarizohen me Aleppon

Lufta e tmerrshme në Siri e posaçërisht pamjet e fëmijëve të vrarë në rrugët e qytetit të Aleppos si dhe shtëpitë e shkatërruara dhe refugjatët sirianë kanë shokuar mbarë botën.

Periskopi.com Lajme

Me një pankartë “Save Aleppo (Shpëtojeni Aleppon)”, sonte një grup të rinjësh vushtrrias në Bulevardin “Adem Jashari” në qytetin e Vushtrrisë janë solidarizuar me viktimat e pafajshme në qytetin Aleppo të Sirisë, vushtrriapress

Solidarizime të tilla u mbajtën edhe në qytetet e tjera të Kosovës.

Foto: Pamje sonte më 17.12.2016 në Vushtrri. Foto: B.Ibrahimi

Merkel: E kam zemrën e thyer, Irani dhe Rusia do përgjigjen për Alepon

Liderja e shtetit që ka strehuar numrin më të madh të refugjatëve sirianë, ka reaguar ashpër për masakrën që Irani dhe Rusia kanë shkaktuar mbi civilët e Aleppos lindor.

Periskopi.com Lajme

Angela Merkel ka bërë përgjegjës kryesor Iranin dhe Rusinë për vrasjen e civilëve dhe tha se këto krime duhet të ndëshkohen, shkruan “Die Zeit”.

“Diskutimi rreth ngjarjeve të fundit në Aleppo është tejet trishtues. Është për t’u turpëruar që në shekullin e 21 ndodhin ngjarje të tilla, që të thyejnë zemrën. Fatkeqësi të tilla s’mund ti zgjidhim vetem politikisht, siç do vepronim me gjithë dëshirë,” tha ajo.

Merkel paralajmeroi se do përdorë gjithë mjetet diplomatike për t’u ardhur në ndihmë civilëve.

Evakuimet e para nga lagjet rebele të Alepos kanë filluar dje, me një autokolonë të përbërë nga ambulanca dhe autobusë me 951 persona në bord, mes të cilëve 200 rebelë dhe 108 të plagosur, sipas një burimi ushtarak në vend.

Në Bruksel, ku u mbajt një samit evropian, ishte presidenti francez, François Hollande ai qe nënvizoi se ishte urgjente evakuimi i shpejtë i popullsisë civile që nuk mund të durojë më bombardimet dhe masakrat.

Publikohet videoja kur Obama bënte shaka me idenë që Trump të bëhet president

Obama: Gjaku i të pafajshmëve në duart e Assad’it

Presidenti amerikan Barack Obama, në adresimin e fundit ka posti presidencial, ka thënë se Bashar Al-Aassad, kryetari i Sirisë është përgjegjës për luftën brutale në Aleppo dhe pjesët e tjera të vendit.

Periskopi.com Lajme

Ai ka bashkë me regjimin sirian, e ka fajësuar edhe Moskën e Tehranin për situatën e civilëve në Aleppo.

“Kemi parë një luftë të tmerrshme, shtetrrethim dhe civilë që vdesin urie”, ka thënë Obama.

“Përgjegjësia për këtë brutalitet qëndron në një vend të vetëm: në regjimin e Assad’it dhe te aleatët e tij Rusinë dhe Iranin. Gjaku i të pafajshmëve qëndron në duart e tyre”, ka thënë ai, raporton Klan Kosova.

Gjurmët e Gjeneralit Xhevad prapa krimeve të luftës në Aleppo

Ndërkaq, në krye të grupeve që kanë sulmuar me armë të rënda dhe fluturake pa pilot pa zgjedhur civilë apo luftëtarë, ka dalur të jetë një komandant iranian, Gjeneral Xhevad

Periskopi.com Lajme

Rol të madh ne mospengimin e masakrës ndaj civilëve që po vazhdon me muaj në rajonin e Aleppit lindor në Siri dhe sabotimin e armëpushimit ka pasur komanduesi i terroristëve të huaj, gjenerali iranian Sejid Xhevad, raporton Anadolu Agency (AA).

Boshtin kurrizor të sulmeve të regjimit në lindje të Aleppos e përbëjnë terroristët e huaj pro-regjimit të cilët janë pozicionuar në këtë vend afërsisht para tri viteve.

Afërsisht shtatë mijë terrorist të Hizbullahut nga Libani dhe Iraku, Brigadës Fatimijun nga Afganistani, Brigadës Bakir dhe Brigadës së Lëvizjes Nuxheba nga Iraku, kanë ushtruar dhunë të madhe ndaj vendasve në Aleppo.

Ndërkaq, në krye të grupeve që kanë sulmuar me armë të rënda dhe fluturake pa pilot pa zgjedhur civilë apo luftëtarë, ka dalur të jetë një komandant iranian, Gjeneral Xhevad.

Veçanërisht, në muajt e fundit ku krimet e luftës në Halep vazhdimisht kanë qenë temë diskutimi në opinionin ndërkombëtar, figura qendrore e sulmeve ishte Gjeneral Xhevad.

Grupet nën urdhrin e Xhevad kanë qenë shkaktar i rritjes së vdekjeve duke e penguar evakuimin e qindra mijëra civilëve dhe familjeve të luftëtarëve të bllokuar në sipërfaqe të ngushtë në Aleppo.

Qëllimi për “asgjësimin kolektiv të të rrethuarve” ka hasur në reagimi në opinionin botëror. Prej shumë shteteve dhe organizatave ndërkombëtare, në mesin e të cilave edhe OKB, erdhi alarmi se “po vazhdojnë të kryhen krime lufte”.

Grupet terroriste pro-regjimit, më 13 dhjetor pranuan armëpushimin dhe planin e evakuimit nën presionin e Rusisë, ndërsa më pas filluan ta sabotojnë. Marrëveshja e arritur sërish dy ditë më parë, u prish nga ana e grupeve nën komandën e Xhevad.

Guximi i terroristëve të huaj shkoi deri në vrasjen e katër personave duke hapur zjarr ndaj civilëve që filluan të evakuohen. Pasi u bë e qartë se autokolona do të dilte nga rrethimi, terroristët sektarianë sulmuan lagjen Rashidin ku autokolona do të kalonte pas 20 minutave.

Akti i fundit i Xhevad-it për goditjen e tentativave të Turqisë dhe Rusisë ishte pengmarrja e 800 personave në autokolonën e gjashtë të evakuimit.

Gjenerali iranian ka vendosur në tryezën e pazarllëqeve edhe Fua-n dhe Kefreja-n që janë të rrethuara nga opozitarët, por që ndihmohen nga regjimi. Shqetësimet janë mbi atë se gjenerali do të vazhdojë me sabotimet e tij dhe të shpërfillë jetën dhe sigurinë e dhjetëra mijëra civilëve.

18 zona nën rrethimin e regjimit

Dy qytezat me popullsi totale shiite prej gjithsej 15 mijë banorësh, kontrollohen nga militantët e Hizbullahut dhe Gardianëve të Revolucionit Iranian. Duke qenë se qytezat janë të rrethuara nga opozitarët, regjimi dërgon intensivisht ndihma nga ajri. Në këtë mënyrë plotësohen nevojat e civilëve.

Ndërkaq, opozitarët të cilët tërheqin vëmendjen për ndihmat e mëdha nga ajri drejt qytezave në fjalë, tregojnë se gjendja humanitare nuk mund të krahasohet me atë të Aleppos. Opozitarët theksojnë se nën rrethim të regjimit ndodhen edhe 18 zona dhe se forcat e regjimit mund të tentojnë masakra në 18 vendbanime nëse pranohen kërkesat për Fua-n dhe Kefreja-n.

Pacolli: Do t’i dal në ndihmë civilëve në Aleppo

Kryetari i AKR-së dhe milioneri Behgjet Pacolli ka deklaruar se do t’i ndihmojë civilëve në Aleppo.

Periskopi.com Lajme

Ai këtë e ka bërë nëpërmjet një postimi në Facebook.

“Nuk po mund të qëndroj indiferent ndaj gjendjes aktuale në Siri. Pamjet e fundit nga Aleppo janë sinonim i dobësisë njerëzore, ato tregojnë se egoja e njeriut për pushtet nuk njeh limite.

Pushteti po ushqehet me gjakun e njomë të fëmijëve të pafajshëm, që në gjendje normale do të ishin e ardhmja e vendit.

Popullata civile në atë vend ka mbetur pa shpresë dhe pritjen e vetme që ka është momenti se kur do të vdesin. Kjo është e pafalshme, e papërsëritshme dhe e tmerrshme!

Këto ditë jam angazhuar maksimalisht që nepërmjet fondacionit tim t’i dal në ndihmë popullatës civile në Aleppo. Është më e pakta që mund të bëj në këto rrethana të vështira.

Populli ynë që ka përjetuar historikisht tragjedi dhe ka qenë viktimë e krimeve ndaj njerëzimit i përjeton shumë rëndë ato pamje. Plagët tona janë ende të hapura”, ka shkruar Pacolli.

John Kerry e krahason Aleppon me Srebrenicën

Sekretari amerikan i Shtetit, John Kerry tha sot se qeveria e Presidentit sirian, Bashar al-Assad, ka kryer masakër në Aleppo, që mund të bëhet një Srebrenicë e re.

Periskopi.com Lajme

Ndërsa i dërguari i OKB-së për Sirinë, paralajmëroi se qyteti sirian Idlib, ku u strehuan rebelët dhe familjet e tyre, mund të bëhet një Aleppo re.

Alepo është duke përjetuar ditët më të vështira të saj, forcat qeveritare po kryejnë vrasje masive pa dallim moshe e gjinie të civilëve dhe rebelëve, plagosje, ndërsa sipas shumë dëshmitarëve, janë kryer edhe përdhunime ndaj femrave siriane.

Fajtorët kryesorë të kësaj katastrofe humanitar dhe tragjedie njerëzore që po ndodh në Aleppo janë regjimi sirian i Bashar  Al Assadit dhe atij rus, Vladimir Putin.

Heronj të luftës apo aktorë, kush qëndron prapa “Helmetave të Bardha” në Siri (Foto/Video)

Ata përbëhen nga bukëpjekësit, bankierët, ndërtuesit, shoferët, nxënësit, mësuesit...

Periskopi.com Lajme

U formua në vitin 2013… “Helmetat e Bardhë” janë parë duke u përgjigjur atëherë kur bombat binin mbi territoret rebele në Siri.

Ata shpëtuan më shumë se 73,530 njerëz … të paktën kështu pretendojnë ata.

“Helmetat e Bardha”, emri zyrtar i mbrojtjeve civile në Siri, u bashkuan përmes prizmit të asaj që u publikua në mediat e huaja, kryesisht nga Perëndimi, shkruan lajmi.net.

Ata u panë në video duke shpëtuar fëmijë nga rrënojat, ku njëri prej punës vullnetar ishte edhe djali i mbuluar më pluhur dhe gjak tek sa qëndronte në ambulancë, imazh i cili tronditi gjithë botën.

Megjithatë, shumë shpejt mediat ruse filluan të punojnë për “ekspozimin e Helmetave të Bardha”, të cilën Bashar al- Assad e quajti “propagandë perëndimore”.

Një lloj i ri i “luftës” ka çuar që helmetat këtë vit të jenë kandidat për Çmimin Nobel të Paqes.

Por çfarë do të jenë ata në sy të popullit, nëse ata do shihen si heronj apo aktorë, varet nga mënyra se si kanë dëgjuar për ta si në Perëndim apo Lindje. Në fund të fundit, situata në Siri është asisoj që nuk dihet kujt t’i besohet.

Sipas versionit zyrtar, “Helmetat e Bardha” kanë më shumë se 2.850 vullnetarë të cilët punojnë në tetë provinca (Aleppo, Idlib, Hama, Homs, Damask, Damask, Dara dhe Latakia), misioni i tyre është shpëtimi i njerëzve. Zyrtarisht paraqitet si organizatë jo-qeveritare e cila është plotësisht e pavarur dhe nuk bashkëpunojnë me qeveritë e tjera.

Në anën tjetër, Assadi dhe zyrtarët rusë akuzojnë “Helmetat e Bardha” se kanë lidhje me grupet militante. Si dëshmi e pretendim është fakti që helmetat janë duke vepruar vetëm në territoret rebele.

Gjithashtu, këtë dyshim e kanë thënë edhe mediat britanike,  si “provë” ata kanë thënë se kjo organizatë është e lidhur në fakt me Al Nusran, grupin terrorist që është një degë e Al Kaidës.

Një pjesa tjetër thonë se organizata vullnetare është krijuar si “krijimi i NATO-s, CIA-s dhe MI6”.

Në faqen zyrtare të “Helmetave të Bardha” thuhet se ata janë atje për të ndihmuar njerëzit në nevojë, “pavarësisht fesë apo politikës”.

Udhëheqësit e “Helmetave të Bardha” thonë se ata të gjithë janë anëtarë civilë dhe nuk përdorin armë. Megjithatë, në rrjetet sociale mund të gjenden një seri të fotografive, në të cilat anëtarët e organizatës paraqiten me trupat e ushtarëve të vrarë dhe armë në duar…

Megjithatë, mediat ruse janë ato që vazhdimisht publikojnë regjistrime duke u munduar ta luhasin besimin e vërtetësisë se “Helmetave të Bardha”. Në këtë video-incizim shumë qartë shihen  dy vullnetarë të “Helmetave të Bardha”, që qëndrojnë pas, siç shihet, e nxjerrin burrin e plagosur nga gërmadhat.

Megjithatë, ata janë “ngrirë”, por pas një minutë apo dy, arrijnë që të “plagosurin” ta nxjerrin në mënyrë të sigurt. Në rrjetet sociale u shfaq dhe fotografitë nga të shtënat dhe po kështu vullnetarë inskenojnë me njeriun me pluhur.

Organizata kërkoi falje për këtë incident, një zëdhënës tha se ishte një “gjykim i keq” dhe se qëllimi ishte për të përdorur me hashtag për t’i treguar botës së jashtme për atë që po ndodh në Siri.

Një luftë propagandistike, është duke u zhvilluar mes Perëndimit dhe Lindjes, konkretisht mes CNN dhe USA dhe Russia Today.

Mirëpo, në rrjetet sociale shpeshherë janë shpërndarë fotografi që janë parë se janë shpëtuar njerëz, mirëpo kjo është bërë me fotografi apo video të njëjta disa herë. Kjo ka ngjallë dyshime nëse më të vërtetë ky grup punon realisht.

Mirëpo, regjimi sirian dhe Rusia këmbëngulin se “Helmetat e Bardha” janë grup i formuar nga Perëndimi.

 

Por, se kush janë në të vërtetë “Helmetat e Bardha”, ndoshta do të zbulohet kur të përfundojë gjithë ai ferr që momentalisht po ndodh në Aleppo.

auto_cx3tpinw8aa0qna-907x10241481837188 auto_cuvfqhhw8aeechi1481837186 auto_csqsolewwaap7vv1481837184

Pamje ekskluzive me dron nga evakuimi i banorëve të Aleppos (Video)

Dy kolona me autobusë kanë evakuuar mijëra civilë nga ana e Aleppos që është nën kontrollin e rebelëve.

Periskopi.com Lajme

Ministria ruse e Mbrojtjes njoftoi se evakuimi është bërë nën kontrollin e operativë rusë, transmeton lajmi.net.

Evakuimi i civilëve është pjesë e armëpushimit për të lejuar rebelët të largohen nga enklava e fundit e mbetur në qytet.

 

 

Këshilli i Sigurimit mblidhet për Aleppon

Nesër Këshilli i Sigurimit do të mblidhet për të diskutuar për gjendjen në Aleppo.

Periskopi.com Lajme

Këshilli i Sigurimit i OKB-së urgjente do të mblidhet të premten me kërkesë të Francës, për të diskutuar situatën humanitare në qytetin sirian të Aleppo, njoftuan sot diplomatë perëndimorë.

Alepo është duke përjetuar ditët më të vështira të saj, forcat qeveritare po kryejnë vrasje masive pa dallim moshe e gjinie të civilëve dhe rebelëve, plagosje, ndërsa sipas shumë dëshmitarëve, janë kryer edhe përdhunime ndaj femrave siriane.

Fajtorët kryesorë të kësaj katastrofe humanitar dhe tragjedie njerëzore që po ndodhë në Aleppo janë regjimi sirian i Bashar Al Assadit dhe atij rus, Vladimir Putinit.

Mijëra civilë evakuohen nga Aleppo

Gati 1 mijë civilë dhe 26 persona të plagosur janë evakuuar përmes autobusëve dhe ambulancave nga një enklavë e rrethuar nga rebelët në qytetin sirian të Aleppos.

Periskopi.com Lajme

Komiteti Ndërkombëtar i Kryqit të Kuq (KNKK), thotë se pret që ky numër të dyfishohet deri në fund të ditës, shkruan BBC, transmeton lajmi.net.

Forcat qeveritare, të mbështetura nga aleatët rusë, morën pothuajse të gjitha pjesët e mbajtura nga Aleppo të mbetur gjatë  kësaj jave pas një beteje katërvjeçare.

Ajo përfaqëson një fitore të madhe për presidentin Bashar al-Asad. Ai përshëndeti “çlirimin” e Aleppo dhe tha se historia është duke u bërë.

Samiti i Liderëve të BE-së, thirrje për mbrojtjen e civilëve në Aleppo

Presidenti francez Francois Hollande bëri thirrje për armëpushim në Aleppo për evakuimin e civilëve dhe të plagosurve

Periskopi.com Lajme

Liderët e shteteve evropiane janë mbledhur për të diskutuar zbatimin e marrëveshjes BE-Turqi, sigurinë, Marrëveshjen e Partneritetit BE-Ukrainë, si dhe çështje në lidhje me Rusinë, Sirinë dhe Brexitin, raporton AA.

Në samitin e liderëve që mbahet në ndërtesën e Këshillit Evropian fillimisht do të bisedohet në lidhje me migrimin. Në këtë drejtim, temë diskutimi do të jetë marrëveshje mes BE-së dhe Turqisë e arritur më 18 mars.

Sipas draftit, në konkluzionin në lidhje me këtë çështje do të theksohet se “Këshilli Evropian ripërtërin detyrimin ndaj marrëveshjes BE-Turqi dhe nënvizon rëndësinë e zbatimit të të gjitha pikave pa dallim.”

 

Ndërkaq, në samit nuk do të diskutohet në lidhje me negociatat për anëtarësimin e Turqisë. Po ashtu, nuk do të përmendet edhe rekomandimi i Parlamentit Evropian për “pezullimin e negociatave për anëtarësimin e Turqisë”.

Në lidhje me migrimin në veçanti do të diskutohet për bashkëpunimin me shtetet e Afrikës. Për parandalimin e valës së migrimit pritet miratimi i ndihmës prej 610 milionë eurosh për Nigerin dhe hapja e rrugës për arritjen e marrëveshjeve të ngjashme me Etiopinë, Malin, Nigerinë dhe Senegalin.

Sa u përket marrëdhënieve të jashtme, temë diskutimi do të jetë Marrëveshja e Partneritetit BE-Ukrainë, Rusia dhe Siria. Liderët do të përpiqen ta bindin Holandën për futjen në fuqi të marrëveshjes për Ukrainën.

Çështja e Rusisë posaçërisht do të futet në diskutim në kuadër të Ukrainës. BE, e cila vazhdon të zbatojë sanksione ndaj Rusisë për shkak të aneksimit të Krimesë, problemeve në Donbas në lindje të vendit dhe zbatimit të Marrëveshjes së Minskut, nuk do të marrë vendim për sanksione për sulmet ruse në Siri.

Do të dënohen Siria dhe Rusia

Pritet që liderët të shfaqin reagimet e tyre për Sirinë. Sipas draftit, në konkluzion do të theksohet se “Këshilli Evropian dënon ashpër sulmet e vazhdueshme në Aleppo nga regjimi i Sirisë dhe aleatët e tij, veçanërisht Rusia, dhe shënjestrimin e qëllimtë të civilëve dhe spitaleve.” Në konkluzion po ashtu do të bëhet thirrje për evakuimin e civilëve dhe largimin e bllokadës. “Ata që shkelin ligjet ndërkombëtare me krime të mundshme lufte do të japin llogari”, do të thuhet në konkluzion.

Situata në Aleppo

Si rrjedhojë e zhvillimeve të fundit, çështja e Sirisë do të jetë pikë e rëndësishme diskutimi në Samit. Duke folur në hyrje të ndërtesës së Këshillit Evropian, presidenti francez Francois Hollande bëri thirrje për armëpushim në Aleppo për evakuimin e civilëve dhe të plagosurve.

Duke folur për sigurinë e civilëve Hollande tha se “Kusht i kësaj është të arrihet armëpushim. Ajo që Këshilli Evropian duhet të kërkojë është armëpushimi, evakuimi i të gjithë civilëve dhe më në fund dialogu politik. Evropa duhet të mundësojë që t’i dëgjohet zëri.”

I pyetur se a do të arrijë BE marrëveshje për çështjen e Sirisë, Hollande tha se “Nëse 28 shtete nuk mund të arrijnë marrëveshje për një problem dhe nuk mund ta dënojnë një masakër, atëherë pse kemi union prej 28 shteteve.”

“Populli i Aleppos nuk ka nevojë për fjalë dhembshurie”

Para samitit, kryetari i Këshillit Evropian Donald Tusk u takua me kryetarin e bashkisë së Halepit pranë qeverisë së përkohshme të Sirisë, Brita Hagi Hassan. Në deklaratën pas takimit, Tusk theksoi se nuk ka gjë për të shtuar ndaj gjërave që janë thënë dhe janë shkruar deri më tani për tragjedinë që po përjetohet në Aleppo.

“Jam i sigurt se populli i Aleppos nuk ka nevojë për fjalë dhembshurie. E vetmja gjë për të cilën sot ka nevojë është një mbrojtje e vërtetë efikase dhe ndihmë për civilët”, theksoi Tusk.

“50 mijë persona presin vdekjen në Aleppin lindor”

Hassan, nga ana tjetër, tha se “50 mijë persona presin vdekjen në Aleppin lindor. Presim qëndrim të fortë nga BE-ja për shpëtimin e civilëve. Kërkoj që kjo të bëhet larg vlerësimeve politike. Gjëja e vetme që duam është armëpushimi.”

“Janë plotësisht të papranueshme gjërat që u bëhen civilëve në Siri”

Ndërkohë, Përfaqësuesja e Lartë e BE-së për Marrëdhënie të Jashtme dhe Politika të Sigurisë, Federica Mogherini, theksoi se vazhdojnë të punojnë për mbrojtjen e civilëve në Aleppin lindor. “Për mbrojtjen e civilëve në Siri është e nevojshme që Rusia dhe Irani t’i plotësojnë detyrimet e tyre. Për ne janë plotësisht të papranueshme gjërat që u bëhen civilëve në Siri. Prioritet i yni është mbrojtja e civilëve”, tha Mogherini.

Duke theksuar se për gjendjen në Siri përgjegjës direkt janë regjimi dhe aleatët e tij Rusia dhe Irani, Mogherini tha se e ndjekin nga afër gjendjen e civilëve në rajonet e bllokuara në Siri, me në krye Aleppon.

Temë tjetër që do të diskutohet në samit do të jetë edhe largimi i Britanisë nga BE-ja (Brexit). Liderët do të vlerësojnë procesin në periudhën para kryeministres Theresa May dhe hapat që do të hidhen tutje.

Po ashtu, lideri i Qipros Greke Nikos Anastasiadis do t’i informojë krerët e shteteve dhe qeverive të BE-së për zhvillimet e fundit në lidhje me çështjen e Qipros.