Mësohet çfarë ndodhi në konferencën Vuçiq-Rama në Sarajevë, e cila u ndërpre

Konferenca për shtyp e kryeministrave të gjashtë vendeve të Ballkanit Perëndimor nuk ka shkuar si duhet. Në fakt, ajo është ndërprerë, për shkak të disa mosmarrëveshjeve mes Aleksandar Vuçiqit të Serbisë dhe Edi Ramës së Shqipërisë.

Periskopi.com Lajme

Klan Kosova ka mësuar prapaskenat e asaj që ndodhi në Sarajevë:

Sipas agjendës se publikuar nga qeveria e BH, në fund të takimit të sotëm gjashtë liderët e Ballkanit Perëndimor do të prononcoheshin me radhë në një konferencë për shtyp, së bashku me Komisionerin Johaness Hahn.

Por për çudinë e të gjithë gazetarëve të shumtë, konferenca është ndërprerë kur pas kryeministrit të Bosnjës, si i zoti i shtëpise, dhe komisionerit Hahn, i ka ardhur radha kryeministri Vuçiq. Sapo është thirrur nga moderataroja për te marrë fjalën, serbi ka bërë me shenjë nga Edi Rama.

Ky gjest ka lënë të kuptohet se Vuçiq i ka hapur rrugën Ramës për të folur. Ky i fundit, siç merr vesh Klan Kosova, nuk ka reaguar dhe pas kësaj, kryeministri serb është kthyer nga salla dhe ka thënë se mjafton me kaq dhe se nuk ka kuptim te flasin të gjithë. Pastaj ai ka lëvizur nga podiumi dhe kështu kanë bërë edhe mysafirët e tjerë duke shkaktuar acarimin e gazetarëve që prisnin prej më shumë se një ore.

Më pas gazetarë të pranishëm që kanë arritur të kapin diçka nga  një shkembim fjalësh në anglisht mes kryeministrit serb e atij shqiptar, në korridorin që çonte për në sallën e konferencës së shtypit, kanë treguar se Vuçiq, ka thënë me zë të lartë, se ishte përgatitur të denonconte arrestimin e një militanti të partisë së tij në Kosovë. Ky i fundit, sipas shefit të qeverisë serbe, ishte arrestuar sepse kishte në makinë posterët e kampanjës elektorale të partisë së kryministrit serb.

Kryeministri Rama mësohet t’i jetë kthyer Vuçiqit me përgjigjen: “Duhet ta dish, se nëse ti e thua këtë në konferencë unë do të them: ‘Ta kam thënë qe po s’e njohe Kosovën probleme do kesh’! Dhe do t’i sqaroj unë gazetarët qe nuk është e vërtetë që në Kosovë e kanë arrestuar njeriun tënd, por kane sekuestruar posterët e tu, domethënë kanë arrestuar fotografinë tënde”!

Muhabeti rreth “arrestimit të fotografisë” është pritur me të qeshura nga të pranishmit, ndërsa krejt në fund kryeministri Vuçiq ka preferuar ta lë me kaq dhe të evitojë replikën e radhes së kolegut të tij shqiptar.

Nisma reagon pas darkës së mbrëmshme të Mustafës me Vuçiq, ka disa pyetje për të

Darka e mbrëmshme në mes të kryeministrit të Kosovës Isa Mustafa dhe atij të Serbinë në Sarajevë Aleksanbder Vuçiq është një veprim i pakuptimtë, dhe vë në pikëpyetje gatishmërinë e shefit të qeverisë për të mbrojtur interesat e vendit. Kështu ka vlerësuar  anëtari i kryesisë së Nisma për Kosovën Bajram Hasani.

Periskopi.com Lajme

 

Hasani në një postim të tijin në Facebook, ka deklaruar se pas provokimeve të fundit nuk mund të pritet që në këtë formë të ulen tensionet.

Ai ka theksuar se Serbia nuk po i ndalë provokimet e as nuk po i ndal presionet, e po ashtu nuk donë as normalizim të raporteve.

“Përkundër shumë viteve dialog, nuk u arrit që Serbia të ndalë provokimet karshi shtetit tonë. E si mund të ulen tensionet kështu? Serbia nuk dëshiron normalizim të raporteve dhe as që po i ndalë  presionet dhe provokimet.  Vetëm këtë vit u ndeshëm me shumë provokime, secili më i rëndë se tjetri: ndalimi i Ramush Haradinaj me kërkesë të Serbisë, i ashtuquajturi ‘treni rus’, muri në Mitrovicë dhe së fundmi edhe pengesa më e madhe për krijimin e Ushtrisë së Kosovës”, ka thënë Hasani.

Hasani i ka kujtuar Mustafës  që para se të ulet në një tavolinë me Vuçiqin të kujtoj plagën e hapur të shumë familjeve kosovare të cilët ende nuk dinë asgjë për më të dashurit e tyre. Ai madje i ka thënë Mustafës se po të ketë pak guxim dhe dinjitet do të pyeste pasardhësin e Millosheviqit për dëshmitë që kanë dal kohëve të fundit lidhur me atë se nga eshtrat e shqiptarëve është shtruar asfalt.

Më tutje Hasani ka theksuar se Kosova ani pse ka të gjitha argumentet në anën e vet duke u përfaqësuar nga njerëz qyqar siç i ka quajtur ai, nuk dinë t’i shfrytëzoj ato.

“Pra, Serbia po  krijon argumente kurse Kosova nuk i shfrytëzon mijëra argumente qe i ka sepse përfaqësohet nga njerëz qyqar që nuk dinë të mbrojnë interesat e shtetit të vet.  Jam i bindur se ti nuk do ta ngritësh asnjë prej këtyre temave, se jeni të tillë”, ka thënë Hasani.

Hasani mes tjerash ka shtruar edhe disa pyetje për kryeministrin, duke përmendur këtu lirimin e Ramush Haradinajt dhe heqjen e fletë-arresteve nga shteti serb për kosovarët.

Më poshtë gjeni të plotë postimin e Hasanit:

Sot  në Bosnjë-Hercegovinë do të  mbahet samiti i Kryeministrave të Ballkanit Perëndimor. Ndërkohë, mbrëmë kryeministrat e këtyre vendeve darkuan së bashku. Mbrëmë nëpër medie pamë një fotografi nga darka e tyre jozyrtare në një nga restorantet e Sarajevës. Kryeministri i Kosovës në darkë me atë të Serbisë, Aleksandër Vuçiç.

Natyrisht se edhe Kosova duhet të jetë pjesë e këtyre samiteve, por pas zhvillimeve të fundit nuk mund ta kuptojë Isa Mustafën që del në një darkë me Vuçiçin.

Duke e ditur se çfarë kryeministri kemi druaj se ai është në gjendje të mbrojë interesat e vendit tonë.

Përkundër shumë viteve dialog, nuk u arrit që Serbia të ndalë provokimet karshi shtetit tonë. E si mund të ulen tensionet kështu? Serbia nuk dëshiron normalizim të raporteve dhe as që po i ndalë  presionet dhe provokimet.  Vetëm këtë vit u ndeshëm me shumë provokime, secili më i rëndë se tjetri: ndalimi i Ramush Haradinaj me kërkesë të Serbisë, i ashtuquajturi ‘treni rus’, muri në Mitrovicë dhe së fundmi edhe pengesa më e madhe për krijimin e Ushtrisë së Kosovës.

Mos harro edhe plagën tjetër të shumë familjeve të Kosovës, që ende nuk dinë ku i kanë eshtrat e më të dashurve të tyre. Nëse ke pak guxim dhe dinjitet pyete pasardhësin e Millosheviqit edhe për disa dëshmi që kanë dalë ditëve të fundit se prej eshtrave të shqiptareve është shtruar  asfalt.

Pra, Serbia po  krijon argumente kurse Kosova nuk i shfrytëzon mijëra argumente qe i ka sepse përfaqësohet nga njerëz qyqar që nuk dinë të mbrojnë interesat e shtetit të vet.  Jam i bindur se ti nuk do ta ngritësh asnjë prej këtyre temave, se jeni të tillë.

Dhe pas gjithë këtyre zhvillimeve natyrshëm lindin shumë pyetje.

A është normale që kryeministri i Kosovës kaq lirshëm të ulet dhe të darkojë me Vuciqin i cili me tërë arsenalin po e lufton Kosovën.

Meqë darkuat, a ja bërë me dije Vuciqit se Serbia duhet t’i tërheq fletarrestet për ish- ushtarët e UCK-së? A e pyetet se si donë ta shtrijë paqen në Ballkan duke përgatitur akuza e dosje për ish luftëtarët e UCK-së?  Apo ratë dakord që të vazhdoni të punoni që edhe më tej Ramush Haradinaj të mbahet peng apo ekstradohet në Serbi?

Kryeministër, Vuçiçi dje është tallur me ty duke dhënë deklarata se do të tregojë për ushtrinë e Kosovës.

Si ndjehesh ti në atë tavolinë në darkë me njeriun që po e pengon krijimin e Ushtrisë së Kosovës?

Kryeministër a ke dëgjuar ti se Kuvendi i Kosovës ka miratuar një rezolutë për pezullimin e bisedimeve me Serbinë?

Kryeministër ne nuk jemi kundër pjesëmarrjes së Kosovës në samite ndërkombëtare por a është koha e duhur të darkosh me Vuçiçin?

Vuçiq thotë se Serbia nuk është “Rusi e vogël” dhe se nuk kanë plane ushtarake

Kryeministri serb Aleksander Vuçiq ka pasur një përgjigje për presidentin e Kosovës Hashim Thaçi, pasi ky i fundit ka thënë se Serbia synon aneksimin e veriut të shtetit të Kosovës.

Periskopi.com Lajme

Vuçiq në një intervistë dhënë për “La Republika: ka thënë se Serbia nuk është “Rusia e vogël: dhe se shteti serb e konsideron Kosovën si pjesë të vendit.

“Ne e konsiderojmë të gjithë Kosovën pjesë të Serbisë, sipas Kushtetutës sonë. Ne nuk synojmë ndnjë pjesë të territorit dhe nuk kemi plane ushtarake siç kanë ata në Prishtinë. Ne ballafaqohemi me një hipokrizi të tmerrshme; nuk mund të konsiderohet një tren si tank apo forca të blinduara të veçanta. Ne dërguam një tren, jo njësi ushtarake. Ne nuk jemi një “Rusi e vogël” dhe kemi plane ushtarake”, tha ai, raporton Shekulli

 

Mustafa – Vuçiq, javën tjetër në Bruksel

Shefja e politikës së jashtme të Bashkimit Evropian, Federica Mogherini, i ka ftuar përfaqësuesit e Prishtinës dhe Beogradit në një takim të nivelit të lartë – në kuadër të bisedimeve për normalizimin e marrëdhënieve ndërmjet të dyja palëve – më 24 janar në Bruksel.

Periskopi.com Lajme

Në një njoftim të zyrës së Mogherinit thuhet se “zhvillimet e ditëve të fundit kanë shtruar nevojën e një përkushtimi dhe angazhimi të shtuar nga të dyja palët në bisedime. Përparimi në normalizimin e marrëdhënieve ndërmjet Kosovës dhe Serbisë mbetet i një rëndësie të madhe për të dyja palët, për Bashkimin Evropian deh Ballkanin perëndimorë në tërësi”.

 

 

Tensioni Serbi-Kosovë, ndërhyn Merkel, pritet takim Thaçi-Vuçiq

Kryeministri i Serbisë, Aleksandar Vuçiç, ka bërë të ditur se, pas një bisede telefonike sot me kancelaren gjermane Angela Merkel, kanë rënë dakord që javën e ardhme të zhvillojnë një takim me palën kosovare, me ndërmjetësimin e Brukselit.

Periskopi.com Lajme

“Nuk ka asnjë problem. Kemi rënë dakord që të përpiqemi të ndalojmë çdo lloj tensioni, edhe pse mund të jetë e vështirë”, u ka thënë Vuçiç gazetarëve në Davos të Zvicrës, ku gjendet aktualisht./ Shqiptarja

Vuçiq: Me Kosovën kemi më shumë marrëveshje gojore se me shkrim

Kryeministri i Serbisë Aleksandar Vuçiq ka thënë se shumica e asaj që është arritur në dialogun ndërmjet Beogradit e Prishtinë nuk është bërë me formë të shkruar por vetëm në formë gojore.

Periskopi.com Lajme

“Dhe tani ja që po thonë se nuk keni marrëveshje të shkruar… E po nuk kemi marrëveshje të shkruar, por ajo është pjesë e asaj për të cilën jemi marrë vesh gojarisht”, ka thënë Vuçiq duke reaguar ndaj deklaratës në Bruksel “se Marrëveshja e Brukselit e vitit 2013 në të cilën thirret Serbia, thotë se autoritete e Kosovës nuk duhet të kërkojnë leje nga KFOR-i në veri të Kosovës”, shkruan Koha

Në bisedë me gazetarët sot në Davos, siç njofton b92, Vuçiq ka thënë se në dialogun Beograd-Prishtinë, vetëm dy marrëveshje janë në formë të shkruar, përkatësisht se vetëm dy herë është nënshkruar diçka ndërsa të gjitha të tjerat kanë mbetur si “marrëveshje të arritura gojore”.

“Edhe ajo që është arritur për Mitrovicë, për urën, e kemi arritur vetëm në formën gojore. Edhe ajo për Telekomin, deri në finale, do të thosha të parafimit, e gjitha është vetëm gojore” ka thënë Vuçiq.

“Kemi pasur disa kontakte të drejtpërdrejta me shqiptarët në Kosovë dhe besoj se të gjitha problemet do t’i zgjidhim në paqësore e racionale, në mësyrë të arsyeshme”, ka përfunduar Vuçiq.

Vuçiq: Nëse treni do të arrinte në Mitrovicë do të kishte të vdekur nga të gjitha anët

Kryeministri serb, Aleksandar Vucic, pas provokimit të tensionimit të situatës në veri të Kosovës, me nisjen e trenit me simbole nacionaliste nga Beogradi për në Mitrovicë, tani po mundohet të marrë rolin e politikanit që evitoi gjakderdhjen.

Periskopi.com Lajme

Ndërsa për homologun e tij kosovar, Isa Mustafa dhe presidentin Hashim Thaçi, po thotë se ndalën një tren me udhëtarë përmes tytave të pushkëve të gjata.

Këto deklarata ai i ka bërë në një intervistë në TV Pink, ku ka folur për zhvillimet e së shtunës me trenin rus që tentoi të hynte në Kosovë, përcjell gazetametro.net.

Ai ka thënë se veprimi i djeshëm i institucioneve të Prishtinës ishte në kundërshtim me marrëveshjet e Brukselit.

“Ndalimi i trenit është për në kundërshtim me marrëveshjet në Bruksel dhe pajtimin e NATO’së në Kosovë. Hashim Thaci dhe Isa Mustafa e ndalën trenin me tyta të gjata pushke, dhe jo me lejen apo pajtimin e Bashkimit Europian”.

“Për çdo lëvizje të armatosur të njësive shqiptare në Veri, duhet të merret pajtimi i NATO’së dhe serbëve lokal. Dhe kjo nuk ka ndodhur”.

Vucic ka thënë se ai ka dhënë urdhër që treni të mos hyjë në Kosovë, dhe e gjithë kjo sipas tij, që të mos shkaktohej gjakderdhje.

“Jemi detyruar që ta ndalim trenin që të mos shkaktojmë gjakderdhje. Nuk e di pse dikujt i pengojnë tri ngjyrat serbe dhe ikonat tona. Treni ishte dekoruar me to, po kjo mua me duket normale”, ka thënë Vucic.

Sërish Vuçiqi: Shqiptarë ka shumë dhe janë të fuqishëm, por Haradinajn e dua në Serbi!

Kryeministri i Serbisë, Aleksandar Vuçiq, me rastin e protestës së shqiptarëve në Nju Jork dhe gjithandej Evropës për shkak të arrestimit të Ramush Haradinajt, ka thënë se “nuk i shkon mendja që t’i mbrojë ata që kanë kryer krime të rënda”.

Periskopi.com Lajme

“Do të thosha se në të gjitha vendet e Evropës dhe botës, shqiptarë nga shtete të ndryshme, Maqedonia, Shqipëria apo nga pjesa e territorit tonë të Kosovës, por edhe nga Mali i Zi, ka shumë. Në SHBA, në Zvicër, Gjermani, Angli dhe çdokund janë mirë të organizuar”, ka thënë Vuçiq, transmeton lajmi.net.

Ai për televizionin publik serbe ka thënë po ashtu se “shqiptarët janë shumë mirë të lidhur me njëri-tjetrin, edhe të shkaktojnë probleme reale dhe bezdi në vendet pritëse”.

Vuçiq ka thënë se kjo ngre edhe çështje tjera, për të gjitha ato vende që janë të ekspozuara me ato armiqësi: “A ka hyrë dikush në thelbin e cështjes? Lëreni këto muhabete se a është dicka kundër shqiptarëve apo kundër kujtdo tjetër. A i keni thënë vetës –  a mos ndoshta ne mbrojmë kriminelë lufte?”

“Dhe kjo është pyetja ime për ata që tentojnë të më dërgojnë mesazhe apo të me telefonojnë, duke me sqaruar mua se Serbia nuk është sjellë ashtu apo kështu dhe se nuk është dashur që Serbia të kërkojë ekstradimin e Haradinajt”, ka thënë kryeministri serb.

“Dëshiroj edhe të pyes se a e vendos dikush gishtin në kokë. Unë jo. Nuk me shkon në mendje që cilindo kriminel lufte ta mbrojë, sikur nuk kam bërë me ata që kishin emra dhe mbiemra tonë, e që kishin kryer krime”, ka thënë ai.

Vuçiq e quan “përrallë për fëmijë” Unionin e Komunave Shqiptare

Lojë për fëmijë të vegjël dhe përrallë joserioze e ka quajtur kryeministri i Serbisë, Aleksandar Vuçiq, Unionin (mediat e Beogradit e fusin këtë në thonjëza – sqarim i redaksisë) e Komunave Shqiptare, që u formua të hënën, në Ditën e Flamurit Shqiptar, midis Tiranës, Prishtinës, Tetovës, Ulqinit e Preshevës, e citon agjencia serbe e lajmeve Mondo, transmeton Koha.net.

Periskopi.com Lajme

 

“Çfarë komunash shqiptare, këto janë lojëra për fëmijë të vegjël, u shkon mendja se janë shumë të rrezikshëm… Kjo është përrallë për votuesit e tyre. Dhe çfarë bën kjo farë Omnia? Stampon flamuj dhe lapsa kimikë” shprehet kryeministri serb Vuçiq, duke iu përgjigjur pyetjes së gazetarëve në konferencën e përbashkët me liderin e Demokratisë së Re greke, Kiriakos Micotakis.

“… Kur s’keni çfarë t’i ofroni popullit, rritje ekonomike dhe reforma serioze, atëherë tregojmë përralla fëmijësh… Ndërsa unë ju pyes, çfarë ka ndryshuar dje dhe sot në Preshevë? Mos e kanë shkëputur një pjesë të Serbisë? Nuk do të thosha. Dhe del le të argëtohen fëmijët, nëse e kanë më lehtë… Nuk jam mërzitur shum”, ka shtuar Vuçiq.

Por, sipas tij, në aspektin psikologjik kjo pjesërisht mund të jetë e rrezikshme, sepse disa njerëzve mund t’u duket se kanë bërë diçka të madhe, e në anën tjetër kjo gjithsesi nuk u kontribuon marrëdhënieve më të mira në Ballkanin Perëndimor.

‘Serbia nuk do t’i dërgonte pa arsye tanket tek Ibri’

Kryeministri serb Aleksandar Vuçiq ka thënë se serbët në Kosovë nuk do të sulmoheshin pa ndonjë arsye dhe se Beogradi nduk do t’i dërgonte pa ndonjë arsye tanket te lumi Ibër, transmeton Koha.net.

Periskopi.com Lajme

Kryeministri i Serbisë ka thënë se serbët dhe shqiptarët e Kosovës po bisedojnë edhe pse nuk kanë vlera e ide të njëjta, por disa gjëra janë arritur ashtu që Beogradi së paku e di se serbët në Kosovë nuk dot sulmohen pa arsye e Prishtina e di se Beogradi nuk do t’i dërgonte tanket tek Ibri pa ndonjë arsye, njofton tanjug.

“Kemi bërë diçka me urën në Ibër, por askush s’e ka parë sepse të gjithë janë nervozë që unë s’e kuptoj pse. Pse njerëzit nga Hamburgu janë më shumë se serbët në Mitrovicën veriore dhe shqiptarët në Mitrovicën jugore”.

Daçiq flet për rrezikun e Vuçiqit, përmend dorëheqjen

Nënkryetari i Parë i qeverisë së Serbisë, njëherësh ministër i Jashtëm, Ivica Daçiq, në një prononcim të tij ka folur për zbulimin e armëve në afërsi të shtëpisë familjare të kryeministrit të Serbisë, Aleksandar Vuçiq, duke thënë se siguria e kryeministrit ka qenë e kërcënuar dhe nga këto arsye ky rast do të duhet të trajtohet më një seriozitet të madh.

Periskopi.com Lajme

I pyetur nëse vallë ka informacione se kryeministri planifkon të dorëhiqet nga posti i shefit të Byrosë për koordinim të forcave të sigurisë, Daçiq tha se “armët e zbuluara paraqesin çështje shumë të rëndësishme dhe serioze për të cilat nuk ka kompetenca të flasë”.

Serbia mes presionit evropian dhe atij rus

Serbia nuk do ta ndryshojë politikën e saj asnjëherë, pavarësisht kërkesave dhe mesazheve që vijnë nga Brukseli apo Moska, ka thënë kryeministri serb Aleksandar Vuçiq.

Periskopi.com Lajme

“Serbia është në rrugën drejt Europës, dhe kjo është detyra dhe qëllimi strategjik i Serbisë. Serbia nuk do t’i vërë sanksione Rusisë edhe pikë”, ka thënë Vuçiq në një intervistë par agjencinë serbe të lajmeve Tanjug, pasi që Brukseli i ka kërkuar Beogradit që të ndryshojë politikë karshi Moskës.

Ndërsa, në të njëjtën kohë, Moska e ka paralajmëruar Serbinë, se anëtarësimi në Bashkimin Evropian, mund të rezultojë në humbjen e lidhjeve ekonomike me Rusinë.

“Sa më shumë që e përmirësojmë ekonominë tonë, aq më e mirë do të jetë pozita jonë”, ka thënë Vuçiq, duke shtuar se Serbia ndodhet në një situatë të vështirë për shkak se ka presion nga të gjitha anët, mirëpo ka thënë se Serbia është e gatshme që ta përballojë

Vuçiq ka thënë se Serbisë asnjëherë s’do t’i duhet të zgjedhë në mes Rusisë dhe BE-së.

Aleksander Vuçiq ‘qan hallet’ territoriale me Edi Ramën

Periskopi.com Video

Nervozohet Vuçiq, bërtet në konferencë kur e pyesin për “Trepçën”

Periskopi.com Video

E pranon Vuçiq: Serbia e pafuqishme për Trepçën, jemi të vegjël!

Kryeministri i Serbisë, Aleksandar Vuçiq ka thënë se sa i përket Trepçës bëhet fjalë për standard të dyfishtë dhe nuk mendon se shqiptarët të gjithë këtë e kanë bërë të vetëm.

Periskopi.com Lajme

Sipas tij, Serbia njëkohësisht shtron pyetje pse askush nga BE-ja nuk reagon për gjuhën e ashpër të Kroacisë, e kësaj here gazetarët e kanë pyetur se pse askush nga partnerët e Serbisë në Bruksel nuk ka reaguar për vendimin e Kosovës lidhur me Trepçën.

“Nuk reagojnë pasi që ne jemi partner i vogël. Dyshoj se do të reagojnë, e as që e kam pritur se do të reagojnë. Ata do të reagonin për ndonjë gazetar të ndonjë shtëpie mediale që financon BE-ja, Rokfeller, Rotshild… Për këtë do të reagonin, por për Trepçën jo. A janë këto standarde të dyfishta? Po, e kam parë këtë, e kam thënë, por çfarë të bëjë, a ta shkatërrojë të ardhmen e Serbisë? Jo, nuk do ta bëjë”, ka treguar pafuqi ai.

“Sikur të isha idiot do të mendoja se këtë e kanë bërë vetëm shqiptarët. Dikush i ka lejuar të bëjnë këtë. Dëgjoni, ai që mendon se jam shumë budalla, gabon, kështu e shoh”, ka thënë tutje ai.

Tutje ai ka thënë se Serbia nuk do të kërkojë mbledhje të Këshillit të Sigurimit të Kombeve të Bashkuara, në të cilën do të diskutohej për Ligjin për Trepçën, që është miratuar në Kuvendin e Kosovës.

“Nuk e kam pranuar këshillën e Zyrës për Kosovën që të shkojmë në Këshillin e Sigurimit të Kombeve të Bashkuara”, tha Vuçiq, dhe ka shtuar se ai “nuk është kryeministër i cirkut dhe se nuk ka dëshirë që të gjithëve tu shpjegoj se është serb i madh”, raporton agjencia Beta, transmeton lajmi.net

Më tutje, në konferencën e sotme për gazetarë në Beograd, ai e ka shtruar pyetjen se “cili do të ishte rezultati në Këshillin e Sigurimit” dhe tha se në këtë pyetje, Marko Gjuriq, shef i zyrës së qeverisë së Serbisë për Kosovën, që e kishte paraqitur këtë propozim, nuk ka pasur përgjigje.