Vetura e kryetarit të Istogut shtyp këmbësorin

Kryetari Haki Rugova tha se ka qenë në veturë në momentin e aksidentit.

Periskopi.com Lajme

Vetura e kryetarit të Komunës së Istogut, Haki Rugova, “Passat Phaeton”, është përfshirë në një aksident, i cili është mbajtur larg vëmendjes së mediave.

Për aksidentin, i cili ka ndodhur mëngjesin e 19 shkurtit 2017, Policia e Kosovës nuk ka dhënë shumë detaje përpos raportit 24 orësh, ku shkruhet se në këtë aksident këmbësori ka marrë lëndime të rënda dhe është dërguar në QKUK.

KALLXO.com merr vesh se i përfshirë në aksident ishte shoferi i kryetarit të Komunës, i cili po voziste makinën zyrtare.

Vet kryetari Haki Rugova e ka pranuar këtë incident.

“Është e vërtetë. Unë kam qenë në makinë. Shoferi tash është në punë dhe unë jam në punë”, ka thënë Rugova.

Ai ka shtuar se i vjen keq për këmbësorin e lënduar, i cili po trajtohet në QKUK.

Në përgjigjen e saj, Policia e Kosovës nuk ka dhënë detaje për faktin se makina që e shkaktoi aksidentin ishte zyrtare dhe vozitej nga shoferi i kryetarit Rugova.

Katër vjet më parë, një këmbësor është goditur edhe nga vetura zyrtare e kryetarit të Komunës së Klinës, Sokol Bashota.

Viktima e këtij aksidenti, një 80-vjeçar, për shkak të lëndimeve ishte dërguar nga QKUK.

Para një viti ia vranë babanë, dje gjet vdekjen edhe vet

Periskopi.com Video

Ngasësi i veturës që la të vdekur një vajzë nuk është arrestuar

Zëdhënësja e Policisë së Kosovës, Flora Ahmeti, ka konfirmuar vdekjen e vajzës së në aksidentin e ndodhur në magjistralen Prishtinë-Fushë Kosovë.

Periskopi.com Lajme

Ajo ka deklaruar se e ndjera është 20-vjeçare, ndërsa ngasësi nuk është arrestuar.

“Aksidenti ka ndodhur rreth orës 17:45 në rrugën Prishtinë-Fushë Kosovë, ku është përfshirë një veturë edhe një këmbësor. Këmbësori është femër rreth moshës 20 vjeçare dhe e njëjta ka ndërruar jetë në vendin e ngjarjes. Ngasësi i automjetit nuk është arrestuar”, deklaroi për Gazeta Shneta, Ahmeti.

Ndryshe, vetura që shkaktoi aksidentin është një Fiat, ngjyrë bardhë – fotografia më poshtë.

aksident treni / Foto: Kushtrim Ternava

S’ka sinjalizim, të vdekur dhe aksidente vazhdimisht në hekurudhat e Kosovës (Foto)

Një veturë është përplasur me trenin që udhëton nga Prishtina për në Pejë.

Periskopi.com Lajme

Aksidenti ka ndodhur të premten gjatë ditës në dalje të Prishtinës.

Kohëve të fundit përgjatë hekurudhave të Kosovës kanë ndodhur disa aksidente dhe ka pasur disa persona të vdekur si pasojë e tyre.

Udhëtarët dhe ngasësit e veturave bëjnë të ditur se mungon sinjalizimi e udhëheqësit e hekurudhave nuk kanë marrë përgjegjësi asnjëherë.

Fotografi Kushtrim Tërnava sjell përmes fotografive aksidentin e të premtes, ku fatmirësisht askush nuk ka humbur jetën./ Periskopi

 

 

Aksidentohet me makinë Kryeministrja e Polonisë

Kryeministrja polake Beata Szydlo është dërguar në spital pasi u plagos në një aksident automobilistik, njofton zëdhënësi i qeverisë polake.

Periskopi.com Lajme

Mediat e huaja raportojnë se aksidenti ndodhi në afërsi të qytetit Krakov.

Sipas informacioneve, Kryeministrja nuk ndodhet në gjendje të rëndë dhe po bën kontrollet rutinë mjekësore.

Aksident i rëndë në magjistralen Prishtinë-Ferizaj (Foto)

Aksident i rëndë ka ndodhur në magjistralen Prishtinë-Ferizaj sonte rreth orës 19.

Periskopi.com Lajme

Dy vetura janë aksidentuar rëndë, por lëndime kanë marrë edhe ngasësit dhe pasagjerët.

Nuk raportohet që ndonjë është në gjendje të rëndë./ Periskopi

16216107_1200225663366515_1303929637_n 16216216_1200225530033195_331465781_n 16176902_1200225283366553_658574391_n

Tre persona të lënduar nga një aksident trafiku në Pejë

Një aksident trafiku ka ndodhur në mes dy veturave në Pejë.

Periskopi.com Lajme

 

Përveç dëmeve materiale lëndime trupore kanë pësuar  tre pasagjerë të cilët  janë dërguar për trajtim mjekësor, thuhet në raportin 24 orësh të policisë.

 

Vdes 22 vjeçari në aksident trafiku

Një aksident me pasojë vdekjen e një personi ka ndodhur në orët e para të mëngjesit në Divjakë të Shqipërisë.

Periskopi.com Lajme

 

Aksidenti ndodhi në aksin Divjakë-Këmishtaj, në fshatin Mërtish, njofton Top Channel.

Sipas burimeve nga policia lokale, mësohet se automjeti me që drejtohej nga 22-vjeçari, Jovan Rredhi, është përplasur me dy shtylla ndriçimi dhe më pas me një mur të një banese.

Përplasja ka qenë fatale për të riun, i cili ka humbur jetën në vend.

Sipas policisë, shpejtësia e madhe ka qenë shkak i aksidentit.

Policia mbërriti menjëherë në vendin e ngjarjes dhe po punon për dokumentimin e plotë të shkaqeve të këtij aksidenti.

22 të lënduar nga aksidentet në Nish, mes tyre edhe shqiptarë

Periskopi.com Video

Aksident i rëndë në Ferizaj (Foto)

Një person ka marr lëndime si pasojë e një aksidenti që ka ndodhur para disa çastesh në Ferizaj.

Periskopi.com Lajme

Periskopi.com raporton se aksidenti ka ndodhur në rrugën e “Varoshit” në Ferizaj.

Mësohet se Xhipi ka rrëshqitur dhe ka goditur veturën tjetër./ Periskopi

15750300_1181431078579307_1942710585_n 15781910_1181431025245979_564319581_n 15749799_1181430955245986_322210718_n 15731485_1181429951912753_761765068_n

Aksident me fatalitet në magjistralen Mitrovicë – Skenderaj

Një person ka vdekur në vend në një aksident që ka ndodhur në magjistralen Mitrovicë – Skenderaj.

Periskopi.com Lajme

Në aksidentin që ka ndodhur në fshatin Broboniq janë lënduar edhe tre persona tjerë, të cilët janë jashtë rrezikut për jetë dhe kanë marrë trajtimet mjekësore.

Aksidenti ka ndodhur si pasojë e përplasjes së dy veturave.

Aksident në Lipjan: Një i vdekur e dy të lënduar

Një person ka ndërruar jetë dhe dy të tjerë janë lënduar si pasojë e një aksidenti që ka ndodhur në fshatin Bujanë të Lipjanit.

Periskopi.com Lajme

Këtë për Klan Kosovën e ka konfirmuar zëdhënësja e Policisë për rajonin e Prishtinës, Flora Ahmeti.

Ahmeti ka treguar se aksidenti ka ndodhur në orën 17:00  ku janë përfshirë dy vetura dhe një traktor.

Ajo poashtu ka thënë se dy personat e tjerë që janë lënduar në këtë aksident janë duke marrë trajtimin e duhur mjekësor.

Po kalonte “zebrën” me fëmijën e vogël, lëndohet rëndë kosovari në Zvicër

Aksidenti ka ndodhur në orën 18 e 15 ndërkohë që viktima ishte duke shëtitur me një karrocë për fëmijë, dhe sapo ishte duke e kaluar shiritin e këmbësorëve

Periskopi.com Lajme

Shoferja 40 vjeçare zvicerane ka goditur mbrëmjen e të hënës në afërsi të stacionit hekurudhor në Turgi, Kantoni Aargau një këmbësor kosovar i cili po kalonte në shiritin për këmbësorë (zebra). Me këtë rast kosovari 62 vjeçar ka pësuar lëndim të rëndë në kokë dhe ai është bartur urgjentisht me autoambulancë për në spital, njofton policia e Kantonit të Aargaut.

Aksidenti ka ndodhur në orën 18 e 15 ndërkohë që viktima ishte duke shëtitur me një karrocë për fëmijë, dhe sapo ishte duke e kaluar shiritin e këmbësorëve. Foshnja që ndodhej në karrocë, për fat nuk ka pësuar fare, përcjell albinfo.ch njoftimin e policisë.

Prokuroria kompetente ka iniciuar hetime për të ndriçuar rrjedhën e saktë të ngjarjes. Janë marrë po ashtu edhe mostrat e gjakut dhe të urinës të pjesëmarrësve në aksident. Policia e Kantoniot të Aargaut ndërkohë i ka marrë patentshoferin vozitëses që ka shkaktuar aksidentin.

Po kalonte “zebrën” me fëmijën e vogël, lëndohet rëndë kosovari

 

40 makina përfshihen në aksident në Michigan, tre persona të vdekur

Të paktën 40 makina janë përfshirë në një aksident zinxhiror në Fowlerville të Michigan-it.

Periskopi.com Lajme

Sipas raportimeve si pasojë e përplasjes së makinave, tre persona kanë humbur jetën, njofton Klan Kosova.

Bëhet e ditur që ekipet e urgjencës janë ende duke punuar për të ndihmuar njerëzit të cilët kanë mbetur të bllokuar brenda makinave si pasojë e aksidentit zinxhiror, raporton Fox, njofton Klan Kosova.

Shkalla e të lënduarve ende nuk është bërë e ditur në këtë kohë.

Për më shumë detaje qëndroni me klankosova.tv, lajmi pritet të përditësohet.

Vëllai i Hashim Thaçit bëri aksident, theu këmbën dhe dorën

Dy net më parë, në natën mes së martën dhe mërkurës, vëllai i presidentit të Kosovës, Hashim Thaçi, ka bërë aksident.

Periskopi.com Lajme

Periskopi mëson se ai është vetaksidentuar dhe edhe të enjten ka qenë në Klinikën Intensive, ngase kishte shumë lëndime madje edhe thyerje.

Policia të nesërmen e ka konfirmuar lajmin e aksidentit, duke thënë se në Llapnasellë, në orën 23:20, një një mashkull, shqiptar përderisa ishte duke lëvizur me veturën me targa lokale, pëson aksident trafiku. Sipas policisë, i njëjti merr lëndime trupore dhe është dërguar për tretman mjekësor në QKUK-Prishtinë.

Ndërsa sipas burimeve të Periskopit, ai ka goditur rrethin e sapo ndërtuar në Llapnasellë, dhe në tentim për të shpëtuar, është përplasur në anësoret e djathta të asaj rruge.

Vetura ishte dëmtuar shumë, ndërsa Thaçi kishte marrë lëndime të rënda.

Ai edhe të enjten ka qëndruar në Klinikën Intensive në QKUK, ngase sipas burimeve brenda këtij institucioni, ai ka thyer këmbën e edhe njërën dorë, përveç lëndimeve të tjera./ Periskopi

Aksident trafiku në magjistralen Prishtinë-Fushë Kosovë, ka të lënduar (Foto)

 Para një orë ka ndodhur një aksident trafiku në magjistralen Prishtinë-Fushë Kosovë

Periskopi.com Lajme

Lajmi.net ka siguruar disa fotografi të vendit të ngjarjes, ndërkohë është mësuar se ka edhe të lënduar.

15416838_1462659250418523_900798915_n

15417773_1462658590418589_1870691081_o

 

Deçanasi shkel me veturë 52 vjeçarin, ikë nga vendi i ngjarjes por arrestohet

Një aksident komunikacioni ka ndodhur dje rreth orës 02:30 në magjistralen Gjakovë- Pejë në fshatin Osek Hylë, me ç’rast ka humbur jetën një person i moshës 52 vjeçar.

Periskopi.com Lajme

Lajmin e ka konfirmuar policia e Gjakovës përmes një njoftimi për media.

“Me datën 02. 12. 2016 në ora 02;30 minuta kemi pranuar një telefonatë se buzë rrugës rajonale Gjakovë – Pejë në fshatin Osek Hylë gjendet një person i shtrirë në tokë.
Patrullat policore menjëherë kanë dal në vend ngjarje dhe kanë gjetur një person të shtrirë skaj rrugës ku nga mjeku kujdestar është konstatuar si kishte vdekur. I vdekuri ishte: A. H. G lindur me 05. 03. 1964 nga komuna e Gjakovës”, thuhet në njoftim.

Në vendin e ngjarjes kanë dal të gjitha njësitë përkatëse policore, dhe menjëherë është dyshuar se kemi te bëjmë me aksident trafiku dhe viktima ishte në cilësinë e këmbësorit i cili është goditur nga një automjet udhëtaresh i cili pas goditjes kishte ikur nga vendi i ngjarjes.

“Hetuesit e trafikut rajonal të DRP Gjakovë pas një pune operativo hetimore kanë arrit që të identifikojnë dhe arrestojnë të dyshuarin: L. M. M lindur me 22, 06. 1992 mashkull – Kosovar / shqiptar nga komuna e Deçanit. Njëkohësisht është sekuestruar edhe automjeti i dyshuar tipit Ë Bora me të cilin është shkaktuar aksidenti. Me urdhër të Prokurorit të Shtetit i dyshuari mbahet në ndalim policor, ndërsa viktima është dërguar në Institutin e Mjekësisë Ligjore për autopsi”, thuhet më tej në njoftim./Telegrafi/

Familja kërkon ta lënë të vdesë, polici “jep shenja jete”! (Foto)

Vetëm pak ditë më parë, mediat ndërkombëtare risollën në vëmendje rastin e policit 43 – vjeçar nga Britania, i cili ndodhet në gjendje vegjetative prej më shumë se një viti, për shkak të një aksidenti të rëndë, që e ka lënë më dëmtime të rënda në tru.

Periskopi.com Lajme

Arsyeja ishte fakti se tashmë do të jetë gjykata ajo që do të vendosë për t’i hequr Paul Briggs aparaturat që e mbajnë ngjallë, pas kërkesës së familjes së tij për ta lënë që të vdesë.

p2

Por një specialist mbi të folurën dhe komunikimin i tha trupit gjykues se kishte ende mundësi që ai të dalë nga gjendja në të cilën ndodhet.

Mary Ankers tha se kishte përdorur një lloj aparati për t’i bërë pyetje, të cilat sipas saj ish – veterani i luftës i është përgjigjur. Ajo tha se 43 – vjeçari ishte përgjigjur me “po” kur u pyet nëse ishte duke vuajtur.

Ekspertja i tha gjykatës së në 47 seanca nga 64, ai kishte mundur që t’i përgjigjej komandave të stafit të paktën 1 herë, gjë të cilën ajo e konsideroi si përmirësim të gjendjes së tij.

Megjithatë, nga ana tjetër, një neurologe që e ka ndjekur çështjen e Briggs, tha se është nëse ai do të dilte nga gjendja në të cilën ndodhet, ka shumë probabilitet që të vuaj nga probleme të rënda konjitive dhe se ai aktualisht ishte në dhimbje të tmerrshme.

Briggs pësoi rrjedhje gjaku në tru, 5 fraktura në shtyllë kurrizore, dëmtime në organet e brendshme dhe disa dëmtime të tjera të rënda në aksidentin e ndodhur në Korrik të 2015–ës.

43 – vjeçari ndodhet në këtë gjendje prej 16 muajsh dhe bashkëshortja e tij prej kohësh tashmë kërkon që ta lënë të vdesë, sepse sipas saj, ai jeton pa arsye dhe të mbajturit atë gjallë në këtë mënyrë është torturë. /tvklan.al

Presidenti Thaçi ngushëllon familjen Dvorani nga Tersteniku i Drenasit

Presidenti i Republikës së Kosovës, Hashim Thaçi, i ka dërguar një telegram ngushëllimi familjes Dvorani nga Fshati Terstenik i Drenasit.

Periskopi.com Lajme

Përmes këtij telegrami, presidenti ia ka shprehur ngushëllimet më të sinqerta familjes Dvorani, e cila humbi dy djemtë e saj, Muhametin, 8 vjeç, dhe Mendimin, 5 vjeç, në një aksident trafiku në Novi Sad.

“Lajmi për vdekjen e dy fëmijëve tuaj më ka pikëlluar jo vetëm mua, por mbarë shoqërinë. Ne bashkëndjejmë me dhembjen tuaj në këto momente kaq të rënda”, thuhet në telegram të presidentit drejtuar familjes  Dvorani.

Muhameti, 8 vjeç, dhe Mendimi, 5 vjeç, humbën jetën derisa bashkë me familje ishin duke ardhur për vizitë në Kosovë nga Austria. / Periskopi

Aksidentohet aktorja Shota Baraliu (Foto)

Aktorja kosovare Shota Baraliu, ka pësuar një aksident trafiku.

Periskopi.com Limonada

Kështu ka bërë të ditur vet aktorja përmes rrjeteve sociale.

Duket se Baraliu nuk është në rrezik për jetën, pasi që ka postuar një fotografi ku ka shfaqur veturën e saj të dëmtuar, me përshkrimin: Faleminderit zot që ma shpëtove jetën.

sota