Ibrahim Rexhepi

Ibrahim Rexhepi lëvdata për Behgjet Pacollin tash që hyri në partinë e tij

I sapoaderuari në Aleancën Kosova e Re, Ibrahim Rexhepi ka treguar arsyet se përse iu bashkua partisë së Behgjet Pacollit.

Periskopi.com Lajme

Ai këtë e ka bërë përmes një statusi në profilin e tij në Facebook.

Shënimi i plotë i Rexhepit:

Nëse din, bëje !

Në ditën e parë të shkurtit 2017 bëhen plot 40 vjet prej kur jam në gazetari. Dyzet vjet prej kur jam marrë me zhvillimet vetëm në rrafshin ekonomik. Kam raportuar gati nga secila ndërmarrje e vendit, kam kritikuar e më shpesh kam dhënë vërejtje, kritika e sugjerime. Këtë relacion e kam mbajtur edhe me të gjitha qeveritë e Kosovës.

Tani ka ardhur momenti kur më është dashur t’i them vetes: Nëse vërtetë din, atëherë bëje ! Bëje për të mirën e vendit dhe të popullit.

Kam vlerësuar se vendi më i përshtatshëm ta bëjë atë që e dijë është Aleanca Kosova e Re dhe programi i saj që bazohet në zhvillimin ekonomik e punësim.

Besoj se kjo mund të arrihet me vullnetin dhe angazhimet që kam, si edhe me përkrahjen e presidentit të AKR-së, z. Behgjet Pacolli.

zgjedhjet_lokale

Fushata parazgjedhore për kryetar të Drenasit nuk pritet të përcillet me tensione

Njohësi i proceseve zgjedhore, Blerim Burjani, ka thënë për gazetën “Epoka e re” se PDK-ja është favorite absolute përballë të tjerave për faktin se buron nga rajoni i Drenicës.

Periskopi.com Lajme

“Pres që fushata parazgjedhore do të kalojë pa tensione. Meqë PDK-ja e ka origjinën nga ky regjion, është favorite absolute përballë të tjerave, të cilat i kanë gjasat më të vogla. Po ashtu, të gjitha gjërat janë rregulluar në taborin e PDK-së që të mos ketë përçarje. Pra, PDK-ja është mobilizuar shumë edhe për shkak të dorëheqjes së ish-kryetarit të mëhershëm, dhe përkrahja po vjen edhe nga Hashim Thaçi e Kadri Veseli, me ç’rast dy fabrika të reja priten të funksionalizohen si rezultat i dërgimit të investitorëve atje”, ka deklaruar Burjani, duke shtuar se PDK-ja është duke bërë përpjekje maksimale për të mos i ikur nga duart Drenasi.

Në këtë kontekst, ai ka thënë se nuk pret të ketë balotazh.

Edhe Albert Krasniqi nga “Demokracia në Veprim” ka thënë për gazetën “Epoka e re” se nuk pritet të ketë fushatë të “nxehtë” për mbledhjen e votave në Drenas.

oda5-730x487

Fushata nis para kohe

Drejtuesit e partive të koalicionit qeverisës kanë nisur para kohe fushatën zgjedhore, duke përuruar çdo ditë fabrika e shkolla të reja. Analistët politikë thonë se udhëheqësit e shtetit në vend që të fokusohen në zgjidhjen e çështjeve të rëndësishme për qytetarët, po merren me çështje sekondare, shkruan sot, gazeta Zeri.

Periskopi.com Lajme

Kryeparlamentari Kadri Veseli po përuron fabrika e shkolla në Drenas, ndërsa zëvendëskryeministri nga radhët e LDK-së, Ramiz Kelmendi, po zhvillon takime me biznesmenë në qytete të ndryshme të vendit.

Edhe paraardhësi i Kelmendit në Qeveri, ish-zëvendëskryeministri Behgjet Pacolli, i cili njëherësh është president i partisë Aleanca Kosova e Re (AKR), ditë më parë ka vendosur gurthemelin e dy fabrikave në Drenas.

Përfaqësues të opozitës dhe analistë politikë thonë se dy partitë e koalicionit qeverisës, si dhe drejtues të disa partive jashtëparlamentare, tashmë kanë nisur fushatën, ende pa u caktuar data e zgjedhjeve të parakohshme në vend.

PDK-ja vlerëson se veprimet e Veselit nuk kanë të bëjnë fare me një gjë të tillë. Megjithëkëtë, përfaqësues të këtij subjekti thonë se janë të gatshëm kurdoherë që të shkojnë në zgjedhje. Ndërkohë, deputetë nga LDK-ja, vlerësojnë se përurimi i fabrikave dhe përdorimi i këtyre vizitave për qëllime politike, nuk ndodh vetëm në Kosovë.

Behgjet Pacolli

Partia e kërpudhave afër zgjedhjeve ia mësynë edhe Drenasit (Video)

Krajkova e Komunës së Drenasit, shumë shpejt do të bëhet me fabrikë.

Periskopi.com Lajme

Kjo pasi Kryetari  i Aleancës Kosova e Re, Behgjet Pacolli, së bashku me kandidatin e kësaj partie për kryetar të Drenasit Elmi Thaqin, kanë vendosur gurthemelin e fabrikës për prodhimin e kërpudhave në fshatin Krajkovë.

Pacolli, i cili ka investuar në ndërtimin e tyre, ka thënë se fabrika për përpunimin e kërpudhave si dhe pika për grumbullimin dhe paketimin e frutave të malit, do të funksionalizohen brenda gjashtë muajsh, ndërsa në to do të punësohen rreth 320 qytetarë.

 

pacoli-limaj-haradinaj

Koalicioni AAK-NISMA-AKR i pashmangshëm

Koalicioni AAK-NISMA-AKR është i mundshëm dhe shumë i nevojshëm. Kështu po vlerëson anëtari i Kryesisë se AAK-së, Riza Smaka.

Periskopi.com Lajme

Profesori universitar në Tribuna Channel tha se në parim AAK nuk ka vija të kuqe për asnjë subjekt duke shtuar se koalicionit parazgjedhor AAK-NISMA mund t’i bashkohet edhe AKR.

E sa i përket reformës zgjedhore, Smaka tha e ajo mund të bëhet pa pjesëmarrjen e opozitës. Duke shtuar se këtë iniciative do të duhej ta ndërmerrte kryeministri Mustafa e jo presidenti Thaçi.

Sa i përket koalicionit PDK-LDK, ai tha se këto parti i ka bashkuar interesi individual i krerëve të këtyre partive.

LDK, sipas tij, bën gjithçka për ta fryrë buxhetin.

“Fushata zgjedhore, vetëm sa ka filluar. Qeveria e Mustafës po synon qe në mënyre artificiale të rrisë buxhetin vetëm për tu paraqitur para qytetarëve si qeveri e suksesshme”, ka thënë profesor Smaka.

Pse po takohen Haradinaj, Limaj dhe Pacolli?

Të pasigurt dhe të pafuqishëm nëse të vetëm do të garojnë në zgjedhjet e përgjithshme, liderët e AAK’s, AKR’s dhe NISMA’s, po mbajnë takime intensive.

Periskopi Lajme

Kryetari i AAK’së, Ramush Haradinaj, Kryetari i NISMA’s, Fatmir Limaj, si dhe biznesmeni dhe shefi i AKR’s, Behgjet Pacolli, ditëve të fundit janë parë në takime dhe darka të shpeshta.

Burime të Periskopi’t mësojnë se takimet po mbahen me qëllim gjetjen e një mundësie që këto tri parti politike, AAK, NISMA, dhe AKR të ndërtojnë së bashku një koalicion parazgjedhor.

Treshja po synon përgatitjet për zgjedhjet e përgjithshme për të cilat po flitet, edhe pse  një datë apo muaj i mbajtës së tyre ende është vetëm në rrafshin e spekulimeve.

Bisedimet e para po tregohen konstruktive dhe shpresëdhënëse, thonë burime të Periskopi’t.

Takimet janë parë të jenë mbajtur në dhomën e duhanit të Hotelit Swiss Diamond.

Mes mjegullës nga tymi i cigareve, dhe halli që i ka bërë bashkë, burrat që drejtojnë këto tri parti po përpiqen të gjejnë një derë shpëtimi për të dalë nga mjegulla dhe ankthi që sjellin zgjedhjet e përgjithshme.

Që të tria, AAK, AKR dhe NISMA, ndihen të pasigurta dhe të pafuqishme nëse të vetme do të garojnë në zgjedhjet eventuale të përgjithshme. Të vetme në garë, asnjëra prej tyre nuk pritet të shënojë ndonjë rezultat që do t’u përmirësonte renditjen e tyre në top listën e partive politike në Kosovë.

Përkundrazi.

AAK tashmë është dëshmuar se ka një elektorat statik, që as nuk e rriti, por as nuk e zvogëloi këtë parti. Me këtë elektorat të besës dhe kanunit, humnera në mes dëshirave të  Haradinajt, dhe numrave kryeneçë të votuesve, kurrë nuk u ngushtua.

Me një partneritet a koalicion parazgjedhor me financierin Behgjet Pacolli dhe politikanin e shkathët të mbijetesave, Fatmir Limaj, obsesioni i Haradinajt për t’iu afruar postit të Kryeministrit bëhet më me shumë gjasa.

Çfarë do të përfitojë nga kjo NISMA e Fatmir Limaj? Asgjë, përpos një kalim pragu për të qenë pjesë e Kuvendit dhe lojërave politike.

Sidoqoftë, nuk është pak për NISMA’n. Brenda këtij subjekti tashmë edhe vet janë bindur se kalimi i 5 për qindëshit mbetet vetëm një kujtim i këndshëm – por i papërsëritshëm –  nga zgjedhjet e vitit 2014. Prandaj, për NISMEN dhe Limajn, më shumë se kurrë më parë vlen udhëzuesi i emergjencave “të shpëtohet çfarëdo që mund të shpëtohet”.

Megjithëse me një fuqi të madhe financiare, por tejet i papërfillshëm në politikë, lidhja e një marrëveshjeje mes Pacollit, Haradinajt dhe Limajt, do ta nxirrte AKR’n nga estradizimi dhe rajoni i Gollakut. Rikthimi i saj në Kuvend do të shprushte ambiciet e Pacollit dhe AKR’s për vazhdimin të atyre 35 ditëve të Presidencës. Nuk pritet që AKR të ketë tjetër projekt, përveç se ‘Baci Presidentë’.

Krijimi eventual i këtij koalicioni parazgjedhor do të mund të ndryshonte shumëçka në projeksionet para dhe pas zgjedhore.

Me dobësimin e madh të LDK’së, me një PDK të plagosur e të pasigurt se do ta ruajë vendin e partisë së parë, synimi i treshes Haradinaj, Limaj dhe Pacolli, mbetët dobësimi i fuqisë dhe lënia jashtë loje e partisë më të madhe opozitare, Lëvizjes Vetëvendosje.

Një koalicion pas zgjedhor PDK+AAK+AKR+NISMA, do të ishte klubi i të njëjtëve. Klubi ku dikur përkisnin të gjithë, por tradhtitë, intrigat, e mashtrimet i kishin bërë pikë e pesë.

Ndoshta, zori i madh do t’i bëjë sërish së bashku.

Muhamet Mustafa

Mustafa i kundërpërgjigjet Pacollit, thotë se nuk e ka penguar kurrë Ligjin për Trepçën

Behgjet Pacolli, kryetar i AKR-së, sot në një debat me qytetarë të Mitrovicës ka folur për Ligjin e Trepçës, ku ka thënë se ligji i propozuar nga AKR-ja ka qenë më i mirë, por është ndaluar nga Muhamet Mustafa.

Periskopi.com Uncategorized

Ky i fundit ka reaguar menjëherë dike thënë se e vërteta qëndron ndryshe dhe se Pacolli, të cilit i referohet me iniciale, po i shmanget fakteve.

“Nuk kam penguar asnjëherë ndonjë Ligj të propozuar nga BP në procedurë parlamentare. E vërteta është se diku ne pranverë të vitit 2013 , me iniciativë të Grupit Parlamentar të LDK , pas një debati tërëditor për Trepçën është aprovuar një Rezolutë e cila ka obliguar qeverinë që mbrenda tre muaj të procedojë një Ligj për Trepçën . për statusin dhe organizimin e saj. Me një vonësë prej më shumë se një viti Qeveria , ku ka qenë ai Zëvendës Kryeminister, ka sjellë një Ligj me 4 nene dhe atë jo për Trepçën , por për ndryshim të Ligjit për ndërmarrjet publike, ku Trepça nuk përmendet fare. Ai Ligj , ka ardhë pra tepër vonë , pak para shpalljes se zgjedhjeve parlamentare 2014”, ka thënë ndër të tjera Mustafa, duke treguar se ai ligj ka kaluar leximin e parë, por jo edhe të dyti pasi është shpërndarë Kuvendi.

Mustafa tregon edhe detaje tjera në reagimin e tij të mëposhtëm, duke shtuar se ai nuk ka qenë deputet i AKR-së, por ka qenë pjesë e Koalicionit për Kosovë të Re, nga radhët e E15 që ishin në koalicion me AKR-në dhe me disa subjekte tjera.

Reagimi i plotë i Muhamet Mustafës, sot deputet i LDK-së:

BP PERSERI SHMANGET NGA FAKTET

Nuk kam penguar asnjëherë ndonjë Ligj të propozuar nga BP në procedurë parlamentare. E vërteta është se diku ne pranverë të vitit 2013 , me iniciativë të Grupit Parlamentar të LDK , pas një debati tërëditor për Trepçën është aprovuar një Rezolutë e cila ka obliguar qeverinë që mbrenda tre muaj të procedojë një Ligj për Trepçën . për statusin dhe organizimin e saj. Me një vonësë prej më shumë se një viti Qeveria , ku ka qenë ai Zëvendës Kryeminister, ka sjellë një Ligj me 4 nene dhe atë jo për Trepçën , por për ndryshim të Ligjit për ndërmarrjet publike, ku Trepça nuk përmendet fare. Ai Ligj , ka ardhë pra tepër vonë , pak para shpalljes se zgjedhjeve parlamentare 2014. Ndonëse ka pasur vërejtje se aty Trepça nuk rregullohet si duhet, duke qenë se mundësonte që ndërmarrjet shoqërore ( pra edhe Trepça) të nxirren nga administrimi i AKP , ligj është përkrahë në parim dhe ka kaluar leximin e parë, por në kohen kur u dashtë të kalohet në lexim të dytë është shpërndarë Kuvendi dhe ka mbetur i paaprovuar. Në fillim të mandatit Qeveria e re, edhe ne presion te Kohës , ka ndryshuar ligjin që kishte venë afate që mund ta dërgonin Trepçën ne likuidim, dhe menjëherë ka proceduar Ligjin për ndryshim dhe plotësim të Ligjit për ndërmarrjet publike. Ku ka hapur mundësitë që ndërmarrjet shoqërore , ose pjesë të tyre, mund të nxirren nga administrimi i AKP ( deri këtu pak a shumë ngjashëm me atë që kishte propozuar BP), por për dallim prej tij gjithashtu ka obliguar me Ligj Qeverinë që për Trepçën të nxirret Ligji i veçantë. Dhe kjo pikërisht ka ndodhë, Synimi ka qenë që ky Ligj të vie më shpejtë , por megjithatë Ligji ka dhënë përgjigjet e duhura para një situate kritike. Sa për cilësinë e këtij Ligji të aprovuar dhe atij të utur në procedurë nga BP, nuk po them asgjë, kuriozet mund ta gjejnë atë draft Ligj ( është në arkivin e Kuvendit) dhe ta krahasojnë me këtë të aprovuarin. U ndala pak më shumë në këto detaje sepse opinioni duhet te informohet saktë e pa mjegull. Kjo që po thotë BP dhe kjo që po deklaroj unë në këtë sqarim mund të verifikohen nga evidenca e Kuvendit e cila është publike , e besoj se edhe stenogramet janë publike.

Edhe pjesa tjetër e deklaratës së BP nuk është e vërtetë. Unë nuk kam qenë deputet i AKR. Me E15 , së bashku me disa subjekte tjera me AKR kemi qenë pjesë e “Koalicionit për Kosovë të Re (KKR)” deri në tetor 2012. Pra diçka më shumë se një vit e gjysmë. Por kur Koalicioni qeveritar , ku ishte edhe KKR u shmang nga programi që e kishim dakorduar, veçmas në çështjet e privatizimit dhe rolit të Kuvendit me sjelljet në të ne, në E15 kemi vendos që të dalim nga ai Koalicion. Nuk di pse ai e quan këtë “ilegale” , kur ne kemi pas një marrëveshje për parimet dhe politikat , nga e cila mund të shihet se AKR nuk i është përmbajtur. Ne fund mund te them se BP është një ish President dhe një ish Zëvendës Kryeministër që është preokupuar me çështjen e Trepçës, por gjatë gjithë mandatit të tij , me shumë se tri vite nuk ka arritur të bëjë më shumë se një draft Ligj me 4 nene ( fatin e të cilit e sqarova) dhe një prezantim në Poëer ponit. Po nuk mund të mohohet se ka bërë shumë zhurmë dhe PR por rezultate i munguan. Unë nuk i kam bërë asnjë pengesë as atëherë as më vonë. Nuk di se pse në mënyrë jokorrekte po i kthehet kësaj teme , fatkeqësisht shpesh edhe në nivel të një spekulimi. Ai duhet të analizojë më mirë arsyet e mos suksesit të tij në qeverisjen e kaluar lidhur me këtë çështje

Ibrahim Rexhepi

AKR-ja në aksion, merr edhe Ibrahim Rexhepin

Njohësi i çështjeve ekonomike, Ibrahim Rexhepi ka vendosur të merret me politik.

Periskopi.com Lajme

Periskopi mëson se ai nga muaji ia ardhshëm do të jetë pjesë e AKR-së.

Rexhepi që është gazetarë shumëvjeçar, sipas burimeve të Periskopit do të jetë këshilltar i Behgjet Pacollit.

I kontaktuar në telefon disa herë, kontakti me të ishte i pamundur për ta pyetur për këtë çështje.

Rexhepi është edhe drejtor i Qendrës për Hulumtime Strategjike dhe Sociale – STRAS.

Përveç, Rexhepit ditëve të fundit janë deklaruar se këtij subjekti do i bashkohen edhe këngëtari Labinot Tahiri dhe aktori Sevdai Radogoshi./ Periskopi

Labinot Tahiri gjen shpirtin binjak, ai del të jetë Behgjet Pacolli

Tahiri tashmë i është bashkuar AKR-së. Thotë se do bëhet kryetar i Ferizajt./ Periskopi

Periskopi.com Video

Labinot Tahiri i bashkohet AKR-së

Tahiri beson se do bëhet kryetar i Ferizajt. / Periskopi

Periskopi.com Video

Pacolli vendos vijat e kuqe: Kurrë koalicion me PDK-në dhe LDK-në

Ish-presidenti Behgjet Pacolli, këtë pozitë dhe atë që e kishte marrë për pak kohë në krye të shtetit i ka cilësuar si sakrificë. Të tillë e ka cilësuar edhe koalicionin me PDK-në.

Periskopi.com Lajme

“Unë kam sakrifikuar vetën dhe familjen time kur kam pranuar që të hyjë në koalicion me PDK-në e Hashim Thaçit. Qëllimi nuk ka qenë që t’i mundësohet qeverisja PDK-së, por ka qenë që mos t’i ndodhë një bllokadë politike Kosovës. Një shtet që s’i kishte as 4 vjet jetë një bllokadë do të ishte marri e madhe”, ka thënë Pacolli, në Interaktiv të KTV-së.

Ai ka mohuar se është kandidat i PDK-së për kryetar të Prishtinës.

E kur ka folur për koalicionet e mundshme paszgjedhore, ka thënë se nuk do të bëjë kurrë koalicion me këtë parti, LDK-në e as Nismën për Kosovën.

“Përdorimi i termit ‘vija të kuqe’ është pak banale. Për mua nuk ka vija të kuqe. Por e them si premtim dhe zotim para qytetarëve se nuk do të bëjë asnjëherë koalicion me PDK-në. Asnjëherë me LDK-në e cila po ashtu na ka mashtruar”, ka thënë Pacolli, përcjell Koha.net.

“Isa Mustafa si kryetar i LDK-së e ka mashtruar AKR-në dhe sa të jetë ai në krye të AKR-së nuk mund të jetë partner i AKR-së. PDK-ja e udhëhequr nga Kadri Veseli e Hashim Thaçi nuk mundet me qenë partner të AKR-së. Nuk mundet të jetë as Nisma e Fatmir Limajt e as partitë e tjera që kanë udhëhequr deri tash në Kosovë”, tha ai.