PDK e humbi bastionin më të fuqishëm, ia mori Vetëvendosja

Periskopi.com Lajme

Vushtrriu njihet si bastion i PDK-së.

Komuna të cilën e udhëhoqi dhe u mundu të bëjë investime rrugore, nuk ndikoi që të qytetarët të ia japin sërish besimin.

Kësaj radhe Vetëvendosje prin në këtë komunë.

Gara është e ngushtë, por janë në pyetje ende edhe rreth 2 mijë vota.

Deri më tani në këtë komunë janë numëruar 92% e votave.

Besohet se është kandidatja Aida Dërguti ajo që përveç të tjerëve ka sjellë vota në këtë subjekt, kur dihet se vjen nga kjo komunë./ Periskopi

Nga Mitrovica, Aida Dërguti tregon se ku janë ushtarët e vërtetë të UÇK-së, që i kishte kolegë

Periskopi.com Lajme

Aida Dërguti ka thënë në tubimin zgjedhor të Vetëvendosje-s në Mitrovicë se nuk do të ketë drejtësi në Kosovë derisa nuk bashkohet Mitrovica.

Ajo ka kujtuar dëbimin e 11,000 shqiptarëve nga Mitrovica në vitin 2000, vrasjet e kryera në atë vit, si dhe vrasjet e Selver Haradinajt dhe Enver Zymberit, me ç’rast tha se pa zbardhjen e këtyre rasteve s’mund të ketë drejtësi.

“Me ardhjen në pushtet, Lëvizja Vetëvendosje do të themelojë Komisionin Parlamentar për zbardhjen e të gjitha vrasjeve që kanë ndodhur pas luftës dhe të gjithë ata që janë të përfshirë në këto vrasje do të vendosen para drejtësisë”, tha kandidatja për deputete, Aida Dërguti.

“Ju të gjithë e dini, koalicioni Veseli-Haradinaj-Limaj është bashkimi për të instaluar në Kosovë diktaturën e krimit”, ka thënë para mitrovicasve Dërguti, duke shtuar se kjo diktaturë që ata synojnë të instalojnë, do ta fuqizonte krimin, do të vazhdonte marrëveshjet e dëmshme me Serbinë dhe do të vazhdonte ta thellonte ndarjen e Mitrovicës.

Tutje, Dërguti tha se ushtarët e mirë të UÇK-së janë të gjithë sot me Lëvizjen Vetëvendosje dhe se diktatura e krimit po tutet nga fundi që po i vjen. Mu për këtë ajo tha, se Ramush Haradinaj e Kadri Veseli as nuk guxojnë të dalin në debat me Albin Kurtin e Visar Ymerin.

Ajo shtoi se Lëvizja Vetëvendosje, është përgatitur dhe e bashkuar me qytetarët për ta mbrojtur votën si kurrë më parë, pot kërkoi nga qytetarët që të dalin të votojnë patjetër.

“Vetëm kështu vuloset fitorja e Lëvizjes Vetëvendosje. Më 11 qershor, me numrin 35, populli do ta rrëzojë përtokë planin për instalimin e diktaturës së krimit. Më 11 qershor, me Lëvizjen Vetëvendosje, në Kosovë do të nisë festa e demokracisë!”, ishte premtimi i Dërgutit në Mitrovicë./ Periskopi

Aida Dërguti shpjegon se si Edita Tahiri trilloi për letrën dërguar ITU-së

Deputetja e Vetëvendosjes, Aida Dërguti ka reaguar për letrën e saj dërguar ITU-së. Ajo thotë se Edita Tahiri dhe Agron Mustafa kanë trilluar lidhje me atë letër.

Periskopi.com Lajme

Shpjegimi i saj i plotë:

Sot paska folur për letrën drejtuar Sekretarit Gjeneral të Unionit Ndërkombëtar të Telekomunikacioneve edhe Agron Mustafa, Drejtori i PTK-së. Natyrisht, me gjuhën e njëjtë të pushtetit, pra me shpifje e trillime.

Kjo letër e dërguar me 8 shkurt 2016, pra 1 vit nga sot, është letër publike dhe përmban të gjitha shqetësimet legjitime që kemi ngritur publikisht mbi pronësinë e kodit +383, dhe mbi të gjitha kërkesën e mbi 205 mijë qytetarëve nënshkrues të peticionit më 2015 kundër kësaj marrëveshje të nënshkruar nga Isa Mustafa me Vuçiqin.

Le të na tregojnë Ministrat, zyrtarët e pushtetit, Drejtori aktual i PTK-së, Rregullatori përfshirë, qoftë dhe një komunikim të vetëm me ITU-në, si palë, pra si institucione të Kosovës, të cilën merren vesh për kodin shtetëror.

Deri tani kemi parë vetëm korrespondencën e ITU-së me Ministrin e Tregtisë, Turizmit dhe Telekomunikacionit të Serbisë, Rasim Ljajiq për çështjen e kodit +383. Në të cilën thuhet shprehimisht “geographical area of the Autonomous Province of Kosovo and Metohija”.

Pra, është e qartë kërkesa drejtuar ITU-së, e cila nuk është as ajo që trilloi Edita Tahiri, rrjedhimisht as ajo që u publikua në portalet e këtij regjimi e as ajo që e flasin veglat e pushtetit, sikurse Agron Mustafa. Por një shqetësim real që u vërtetua për të keqen e Kosovës një vit më vonë.

Unë e kam të qartë pse këta eksponentë të pushtetit i gëzohen faktit që para 10-15 viteve nuk ka pasur deputetë sikur të Lëvizjes VETËVENDOSJE! sepse kjo do të nënkuptonte që në krye të kompanive me interes shtetëror e kombëtar të mos jenë njerëz që i rrënojnë financiarisht ato.

As nuk do të kishte padi e gjoba si ajo me Z-mobile apo afera me AXOS GmbH.

E kemi thënë vazhdimisht se klani “Pronto” ka kapur çdo pore të kësaj shoqërie. Ky klan kriminal i ka mbushur institucionet me veglat e tij, e njëri nga ta është edhe Agroni. Pikërisht ky njeri i cili nuk u përgjigj para ca ditësh kur u pyet se si u bë që në kompaninë VALA u punësua në tre muajt e fundit djali i Drejtorit të Policisë së Kosovës, Shpend Maxhunit, një vegël e “Pronto”-s. Dhe pikërisht për këtë favor, Agron Mustafa gëzon mbrojtje personale gjatë 24 orëve nga Policia e Kosovës,

Prandaj, le të na sqarojë gjitha këto Agron Mustafa, i cili nuk duhet vetëm të turpërohet për veprimtarinë e tij, por duhet të japë përgjegjësi para drejtësisë. Sigurisht kur organet e drejtësisë të mos jenë të kapura nga klani “Pronto”.

16507996_1384285571629495_7554137295146561291_n

Dërguti: I thash gjykatës që nuk e ka detyrë të merret me çështje politike

Pas arrestimit në mëngjesit e sotëm, Shefja e Grupit Parlamentar të Lëvizjes Vetëvendosje, Aida Dërguti, është dërguar në gjykatë.

Periskopi.com Lajme

Pas kësaj procedure, ajo është liruar dhe tashmë gjendet në ambientet e Kuvendit të Kosovës.

Dërguti ka thënë për Insajderin se ka refuzuar të flasë në gjykatë, duke thënë se nuk është në detyrën e gjykatës që të merret me çështje politike.

“Nuk kam dhënë deklaratë sepse ju kam thënë se kjo nuk është në domenin e juve edhe s’kam pse me deklarua, sepse nuk është në domenin e një gjykate mu marrë me probleme politike. Pra kam refuzuar me fol”, ka thënë Dërguti për Insajderin.

Ajo u ndalua sot në mëngjes nga Policia e Kosovës, në bazë të një fletarrestimi të lëshuar nga Gjykata Themelore në Prishtinë.

Fletarrestimi erdhi pasi ajo disa herë kishte refuzuar ftesat e gjykatës për të marrë pjesë seancat gjyqësore.

Ndaj Dërgutit rëndon dyshimi për “Mbajtje, kontroll, apo posedim të paautorizuar të armës

Dërguti në Strasburg: Serbia nuk e ka tejkaluar të shkuarën e saj koloniale

Fjalimi i mbajtur në Strasburg nga nënkryetarja e Kuvendit të Republikës së Kosovës, deputetja e Lëvizjes Vetëvendosje, Znj. Aida Dërguti, në Komitetin për Çështje Politike dhe Demokraci në lidhje me anëtarësimin e Kosovës në Këshillin e Evropës.

Periskopi.com Lajme

Kosova është një rrëfim kolonizimi që zgjati gati një shekull, dhe i përpjekjës së vendosur të popullit të saj për çlirim nga regjimi gjenocidal i Serbisë. Shteti serb, gjatë luftës së fundit në Kosovë, vrau më shumë se 12,000 njerëz. Mbi 95% e tyre ishin civilë të pambrojtur – kryesisht fëmijë, gra dhe të moshuar. Më shumë se 3,000 janë rrëmbyer, dhe 1,600 persona janë ende të pagjetur. Ka pasur 20,000 gra dhe vajza të dhunuara. Mbi 740,000 persona janë dëbuar me forcë nga vendi, ndërsa 120,000 shtëpi janë shkatërruar nga forcat ushtarake dhe paramilitare serbe.

Pavarësisht këtyre krimeve, Serbia ka refuzuar të kërkojë falje dhe ende e pretendon Republikën e Kosovës si pjesë të territorit të Serbisë, pndërkohë që financon në mënyrë të drejtpërdrejt strukturat paralele kriminale të saj brenda Kosovës, që mbajnë nën kontroll të armatosur një të katërtën e territorit. Serbia nuk e ka tejkaluar të shkuarën e saj koloniale. Përkundrazi, ajo është duke u përpjekur për të ringjallur atë nëpërmjet taktikave të reja politike dhe ekonomike, dhe me anë të kërcënimit të vazhdueshëm të një lufte të re.

Vetëm në javët e fundit, ka pasur tri zhvillime të ndryshme të nisura nga Serbia: ndërtimi i murit ndarës në veri të Mitrovicës, arrestimi i Ramush Haradinajt, liderit të një partie politike, si rezultat i një urdhër-arresti të lëshuar nga Serbia, një udhëheqës i cili u shpall i pafajshëm dhe si rezultat u lirua nga Tribunali i Hagës, dhe në fund, përpjekja për të drejtuar trenin nga Beogradi përmes Kosovës. Treni rus megjithatë u ndalua për shkak të mesazhit që mbante nga jashtë, të shkruar në 20 gjuhë të ndryshme, duke pretenduar se “Kosova është Serbi”.

Ky mesazh ishte një kërcënim i drejtpërdrejtë për pavarësinë e Republikës së Kosovës, që është njohur nga 113 shtete, e që sipas Gjykatës Ndërkombëtare të Drejtësisë, deklarata e pavarësisë e 17 shkurtit 2008, nuk ka shkelur asnjë rregull të aplikueshëm të ligjit ndërkombëtar. Këto njohje nuk janë arritur pa kundërshtimin e drejtpërdrejtë të Serbisë, e cila ka udhëhequr një fushatë gjithnjë e më negative ndaj Kosovës dhe popullit të saj.

Reagon Osmani: Dërgutin e kërcënuat se është grua, s’jeni veteranë të mirëfilltë

Deputetja e LDK-së, Vjosa Osmani thotë se ajo që ndodhi sot në Kuvendin e Kosovës kur edhe u kërcënua deputetja Aida Dërguti, u keqpërdor pjesëmarrja në institucionin më të lartë të vendin me sjellje që nuk i kanë hije askujt.

Periskopi.com Lajme

Osmani vlerëson se Dërgutit i thanë ashtu sepse është grua, por asnjëherë nuk guxuan ta bënin me burrat.

Reagimi i saj i plotë:

Nga punimet e sotme te Kuvendit:

Kur flisnin deputetët burra dhe kundërshtonin kategorizimin e luftëtareve, askush nuk reagonte e nuk kërcënonte. Kur mori fjalën një grua deputete, filluan kërcënimet e britmat. “Ule gishtin se n’gojë ta shti atë gisht” ishin fjalët drejtuar nënkryetares së Kuvendit Aida Dërguti, nga përfaqësuesit e shoqatave të luftës. Ata keqpërdoren pjesëmarrjen në institucionin më të lartë të Republikës së Kosovës, me sjellje që nuk i bënë nder veteranëve te mirëfilltë, aq më shumë kur drejtoheshin ndaj një deputeteje grua që edhe vetë ka qenë luftëtare e UÇK-së./ Periskopi

 

Gucati ofendon dhe ia ndërpren fjalën Dërgutit

‘Dërguti as nuk është bërë milionere as nuk ka bërë pazare në dëm të ish-luftëtarëve’

Dardan Molliqaj, sekretar i përgjithshëm në Vetëvendosje thotë se atyre përfaqësuesve të veteranëve që kanë bërë pazare normalisht që ju dhemb e vërteta e një ish - ushtareje si Aida Dërguti.

Periskopi.com Lajme

Duke iu referuar rastit që ka ndodhur të premten në Kuvendin e Kosovës Molliqaj ka thënë se është me Dërgutin për arsye se ajo, sipas tij, nuk është bërë milionere, as nuk ka hequr dorë nga bashkimi kombëtar e as nuk ka bërë pazare me Isa Mustafën në dëm të ish-ushtarëve të UÇK-së.

Shkrimi i tij i plotë:

Përfaqësuesve të veteranëve, që janë bërë milionerë, që kanë hequr dorë nga bashkimi kombëtar, që e kanë pranuar “Zajednicën”, që bëjnë pazare me Isa Mustafën për t’i rritur pagat për vete e për t’ua zvogëluar ato veteranëve të varfër… sigurisht që ju dhemb e vërteta e një ish-ushtareje të UÇK-së si Aida Dërguti, që as nuk është bërë milionere, as nuk ka hequr dorë nga bashkimi kombëtar e as nuk bën pazare me Isën në dëm të ish-ushtarëve të vërtetë të UÇK-së.

Jam me ty Aida Dërguti dhe me të gjithë veteranët e veteranet e UÇK-së që nuk luftuan për përfitime dhe sot janë lënë në gjendje të rëndë nga qeveritë e njëpasnjëshme./ Periskopi

Aida Dërguti me uniformë të UÇK-së dhe kallashnikov në luftë (Foto)

Dikur mbante pushkën në duar për të mbrojtur atdheun e saj, sot me fuqinë e fjalëve mundohet të bëjë më të mirën për të ardhmen e vendit.

Periskopi.com Lajme

Aida Dërguti e cila tashmë është deputete nga radhët e Lëvizjes Vetëvendosje njëherësh edhe nënkryetarja e Kuvendit të Kosovës, është ndër të paktat femra deputete që ishte pjesëtare e Ushtrisë Çlirimtare të Kosovës.

Në një fotografi shihet Aida Dërguti veshur me uniformën e UÇK-së ku në krahë mban edhe kallashnikovin, gjë që tregon se Dërguti edhe sot e asaj dite ende e ka një shpirt luftarak.

 

aida

 Dërguti diskuton çështjen e Astrit Deharit me konsullin e Kanadasë në Zagreb

Nënkryetarja e Kuvendit të Kosovës, Aida Dërguti, ka pritur konsullin e Kanadasë në Zagreb, June Shinagawa, ndërsa takimi kishte për qëllim vënien e kontakteve mes grupeve të miqësisë në parlamentet e të dy vendeve.

Periskopi.com Lajme

 

Në takim sipas komunikatës për media nga Kuvendi i Kosovës, është  diskutuar edhe   për marrëdhëniet ndërmjet dy vendeve, për  kontributin e jashtëzakonshëm të Kanadasë në mbështetje të Kosovës përgjatë  dekadave, si dhe për bashkëpunimin e mëtejmë ndërparlamentar.

“Në takim u diskutua edhe për situatën politike dhe ekonomike në vend që nga përfundimi i zgjedhjeve të fundit,për qasjen e Lëvizjes VETËVENDOSJE! në raport me minoritetet, për dialogun ndërmjet Kosovës dhe Serbisë dhe për rastin e vdekjes së dyshimtë të Astrit Deharit”, thuhet në komunikatë

Dërguti: Shpejt mund të ketë takim liderësh, ku arrihet marrëveshja për demarkacion

Aida Dërguti, deputete e Vetëvendosjes dhe nënkryetare e Kuvendit të Kosovës, ka thënë se pret që çështja e demarkacionit të zgjidhet pas takimeve që po mbahen me opozitat.

Periskopi.com Lajme

“Gjithsesi do të duhej që kjo të përfundonte pas takimeve që po i mbajmë të udhëhequra nga Naim Rashiti”, ka thënë Dërguti, transmeton Koha.net.

Deklarata nga këto takime pothuajse ka qenë e përfunduar sipas Dërgutit, por ka ndryshuar diçka e vogël në fund që nuk kanë rënë të gjithë dakord dhe është shtyer.

“Jemi shumë afër finalizimit. Takimi i radhës mund të jetë mes liderëve dhe mund të arrihet marrëveshja”, ka përfunduar Dërguti.

Dërguti: Jemi gati të shkojmë në zgjedhje, jemi të dytët

Aida Dërguti, deputete e Vetëvendosjes dhe nënkryetare e Kuvendit të Kosovës, ka thënë se janë gati të shkojnë në zgjedhje.

Periskopi.com Lajme

“Ne jemi të gatshëm të shkojmë në zgjedhje në këtë moment. Që nga zgjedhjet e fundit është parë se vendi është futur menjëherë në krizë”, ka thënë Dërguti, transmeton Koha.net.

Deputetja Dërguti ka thënë se të gjitha sondazhet tregojnë se janë të dytët dhe se kjo do të shihet në zgjedhje.

Ajo ka folur edhe për ftesën e Thaçit për takimin e nesërm.

“Kur kjo qeveri është delegjitimuar duhet të shkojnë në zgjedhje. Reforma e mirë bëhet në fillim të mandatit, e jo kur deputetët janë në krizë”, ka thënë Dërguti, duke shtuar se kjo iniciativë ka qenë e pavend.

Dëguti ka thënë se kanë vërejtjet dhe idetë e tyre, por nuk është momenti për t’i dhënë ato.

Opozita e paftuar në samitit e NATO-s

Nënkryetarja e Kuvendit të Kosovës, Aida Dërguti, ka shfaqur mospajtimin e saj me mungesën e zërit opozitar në panelin e folësve në seminarin Rose Roth të Asamblesë së NATO-s në Prishtinë.

Periskopi.com Lajme

Për këtë çështje ajo i ka adresuar pyetje organizatorit të seminarit, duke e vënë në pah, siç e ka quajtur ajo, lënien anash të opozitës nga ky panel.

“Kur mora agjendën treditore të këtij seminari pashë që të gjithë folësit janë nga pozita dhe shoqëria civile. Por besoj që opozita përfaqëson më shumë se shoqëria civile. Ndaj dua të di pse nuk është e ftuar opozita në panelin e folësve?”

Por pyetja e Dërgutit nuk ka marrë përgjigje më të detajuar se “nuk ka diskriminim për opozitën në këtë seminar”.