Agim Veliu i dëshpëruar, ka dy fjalë për PDK-në

Periskopi.com Lajme

Nënkryetari i LDK-së, Agim Veliu, ka thënë se votimi i PDK-së për ta rrëzuar qeverinë ka ardhur për arsye se iu ka penguar puna e kryeministrit, Isa  Mustafa.

Veliu madje ka thënë se PDK-ja është tmerruar me rezultatet e suksesshme të qeverisjes së Mustafës dhe sipas tij, nuk kanë qenë të interesuar të marrin vendime të mëdha.

Kryetari i Podujevës ka theksuar se për PDK-në i kanë vlerësimet e njëjta, si ato të mëhershmet, dhe nuk kanë ndryshuar.

“Me të thënë drejtën, vlerësimet tona kanë qenë të njohura kaher, qëndrimi i LDK-së nuk ka ndryshuar asnjëherë, ne i njohim. Jemi në këtë skenë bashkërisht ka vite. është mosrespektim i marrëveshjes  që e kemi pasur, është shkelje e marrëveshjes dhe arsyet i kemi ditur në momentin kur këta kanë filluar kësi lëvizjesh, por tashmë janë krejt të qarta se këta i ka penguar puna e qeverisë, rezultatet e qeverisë për ta kanë qenë tmerruese, dhe nuk kanë qenë të interesuar t’i marrin vendimet e mëdha në të cilat po thirren”, ka thënë Veliu për lajmi.net.

Veliu ka thënë se PDK-ja nuk ka qenë e interesuar të kalohet demarkacioni, por shkuarja në zgjedhje,  problemet me Gjykatën Speciale dhe indikacionet se PDK-ja është në rënie.

“Nuk kanë qenë të interesuar as për demarkacionin ta kalojmë, as nuk kanë qenë të interesuar që në zgjedhje lokale të shkojmë me kryeministrin Mustafa, dhe po ashtu një prej arsyeve kryesore është se Gjykata Speciale, dhe raportet e tyre në mes vete dhe sigurisht indikacionet se këta janë në rënie kanë qenë arsyet kryesore që të ndërpritet ky koalicion”.

Veliu ka treguar se PDK-ja ka dal hapur kundër liberalizimit të vizave, sepse sipas tij, kalimi i demarkacionit do të sillte vizat.

“Këta definitivisht në këto 2-3 ditë e fundit është parë që kanë qenë haptas kundër liberalizimit të vizave, sepse demarkacioni sillte liberalizimin dhe këta kanë qenë kundër demarkacionit dhe nuk kanë qenë të gatshëm ta votojnë, por e kanë përdorur si pretekst për rrëzim të Qeverisë”, ka deklaruar Veliu.

Nënkryetari i LDK-së ka thënë se vetëm dy deputetë të partisë së tij kanë qenë kundër demarkacionit, ndërsa në PDK 7.

“Kanë qenë dy deputetë të LDK-së kundër demarkacionit dhe 7 të PDK-së. Ne e kemi unifikuar grupin dhe kemi dhënë garanca që pas seancës së mocionit do fusin në rend dite demarkacionin dhe këta kanë dashur me pas tjera renditje dhe zhvillime”.

Veliu thotë se është vështir të bashkëpunohet më PDK-në më, pas prishjes së marrëveshjes.

Ai ka theksuar se veprimi i PDK-së mund të jetë një cikël i rrezikshëm për Kosovën sepse do të jetë vështir të ndërtohen institucione të besueshme pas këtyre veprimeve.

“Ne ua kemi bërë me dije edhe gjatë bisedave me ta, sepse kemi pasur disa biseda me ta, ua kemi bërë me dije se nëse prishja ndodhë njëanshëm, do të jetë e vështir pas një cikli tjetër zgjedhor që të gjejmë një gjuhë të përbashkët, nuk po them vija të kuqe, por ne ua kemi bërë me dije se nëse njëanshëm prishet koalicioni do të jetë vështir të bëjmë marrëveshje me ta. Ky mund të jetë një cikel i rrezikshëm për Kosovën sepse pas një procesi të këtillë zgjedhor, do të jetë e vështir të ndërtohen institucione të besueshme”, ka thënë Veliu.

LDK deklarohet rreth paralajmërimit të Thaçit për dorëheqje

Deklaratën e Thaçit për formimin e ushtrise, nënkryetari i LDK-së, Agim Veliu ka thënë se nuk e konsiderojnë si kërcënim ndaj LDK-së, sepse nuk janë kundër transformimit të FSK-së në forcë ushtarake, por kjo sipas tij nuk duhet të bëhet me deklarata pompoze.

Periskopi.com Lajme

Veliu për Rrokum është shprehur se LDK dhe të gjithë duhen të bashkëpunojnë me SHBA-në dhe NATO’n që të formohet një ushtri që do të jetë e zoja t’i përfundojë detyrat e saj në koordinim me mekanizmat ndërkombëtare.

“LDK nuk është ulur të diskutojë këtë situatë ende, por mendoj se gjithsesi duhet të ecim bashkërisht me SHBA dhe NATO’n”, ka thënë Veliu.

Sipas Veliut, ne zgjedhjet e ardhshme, LDK do të dalë fituese.

Faji i eskavatorit, llapjanët e bëjnë ‘horë’ Agim Veliun

Kryetari i Komunës së Podujevës, Agim Veliu, gjatë ditës së djeshme, me postimin e një fotografie para eskavatorit, ngjalli reagime të shumta nga qytetarët.

Periskopi.com Lajme

 

Veliu kishte shkruar se kompania e kontraktuar “Vakal”, vazhdimisht është në terren duke bërë hapjen e rrugëve, mirëpo një turmë qytetarësh kishin demantuar deklaratën e të parit të Podujevës, shkruan Indeksonline.

Rikujtimet për bllokimin e fshatrave të Podujevës, i bëheshin vazhdimisht kryetarit bashkë me përshëndetjet nga ana e komentuesve.

Madje kishte edhe prej tyre që i bënin me dije se është e lehtë të realizohen foto para eskavatorëve, por është mirë që ata të futen në punë për të operuar.

Indeksonline sjell një përmbledhje të komenteve nga ana e banorëve të Podujevës:

“Pershendetje zotri Kryetar Agim veliu fshati llug osht i bllokuar prej bore ska dalje hiq kuosht ndima ekomunes kryetar”

“Hajde ne shajkoc kqyre qysh jena te bllokum smunesh me ardh hiq se te bllokum jena”

“Pershendetje zotëri Kryetar. Si pasoj e reshjeve te fundit te bores, edhe rruget Dyz-Lluzhan Sharban- Lluzhan. Jan te bllokuara prej tash 24 orë. Dhe ende nuk po shohim ndonje intervenim. Ku jan kto kompani te ” kontraktuara ” ose ” shtabet emergjente ” ?..! Ku?”

“Valla ndashi me dit tmerr o qfar gjendje osht qyteti i podujeves se per katune nuk diskutohet hiq qe 24 or osht kjo gjendje as ni veprim mar nuk e ka komuna as kompanija qe e ka mar tenderin per mirmbajtje te rrugve jeni ka fleni o Kryetar”

“Ne rast neevoje un kunushevc osht rruga e bllokume o kryetar “

“Nuk jan vetem dy a tri fshatra qe te hapen rruget aq shpejt ka shum fshatra po prap po e ceku duhet mu ngrit ni shtab emerfjent ne te gjitha fshatrat edhe fshati llapashtic e poshme nuk osht pastrua rruget nga bora shpresojn z kryetar qe te bani diqka”

“ O kryetar rruga deshmoret osht e bllokuar aka mundsi me naj qel rrugen”

“Kryetar rruget e fshatrave :lupqi poshtem- majac-lupq i eperm- popove jon ne gjendje te keqe per shkak te bores ,qo naj eskavator me qel rrugen”

“Qysh bre Agim Veliu NE fshatin PENUH osht bllokuar tersisht sot rreth ores 17:50 erdhen nje here veq ken edhe as hjek boren se kan veq e banen edhe ma keq veq diqka nese ban me dit nga kjo kompani qe osht duhet marre me ju ardh se Paret i marrin e se kryjn punen po a mendojn keta nje sen se ka njerz te semur ketu edhe banu pak ma serjoz me naj kompani qe punojn se shqiptari ka qeff mej marr paret pa punue edhe duhet naj kompani ma Serjoze me marr ket pun e jo ne kejt PODUJEVEN me pas nje kompani veq nje kamijon per pastrimin e bores a din sa katunet jan osht MARRE PER AT kompani qe bajn keto veprime”

Agim Veliu jeton i qetë, thotë se s’ka as zgjedhje para vitit 2018

Nënkryetari i LDK-së, Agim Veliu, ka thënë të mos ketë asnjë telash në funksionimin e koalicionit qeverisës me PDK-në në qendër.

Periskopi.com Lajme

Sipas tij, ky koalicion i ka numrat dhe se nuk do të ketë zgjedhje parlamentare para vitit 2018, shkruan sot Koha Ditore.

“Koalicioni qeverisës është stabil. Koalicioni është duke punuar, i ka numrat, Qeveria është në punë, ka bërë shumë punë të mira edhe nuk e ka asnjë telash për sa i takon funksionimit të këtij koalicioni. Për ne kjo çështje nuk është temë e diskutimit në Lidhjen Demokratike, sepse nuk është hapur asnjë diskutim në forumet e këtij subjekti politik për zgjedhjet. Zgjedhjet nacionale janë në 2018, ndërsa ato lokale janë në vitin e ardhshëm”, ka theksuar Agim Veliu, kur është pyetur nëse e kanë përkrahjen e PDK-së për miratimin e buxhetit për vitin 2017.