Lajmi i keq për punëtorët e administratës, Haradinaj ka një paralajmërim

Periskopi.com Lajme

Kandidati për Kryeministër i koalicionit PDK-AAK-NISMA, Ramush Haradinaj ka premtuar në Rahovec se kushdo që punon në administratën e Shtetit dhe nuk kryen punën siç duhet do të shkojë në shtëpi.

Ka thënë se nëse është nevoja do të zbrazet krejt administrata për të sjell njerëz adekuat për të punuar në shërbim të qytetarëve.

“Nëse është nevoja krejt e zbrazim. Nuk na duhen shefa shumë. Kush nuk kryen punë shkon te shtëpia”, ka deklaruar Haradinaj.

Këtë përgjigje, Haradinaj e ka dhënë duke folur për një problem të një bujku, i cili ka thënë se kanë probleme me administratën e Ministrisë së Bujqësisë.

Me këtë rast, Haradinaj ka folur edhe për shtesat për ata që kanë fëmijë, duke thënë se shtesa të tilla marrin qytetarët e Maqedonisë, Serbisë e Gjermanisë.

“Ka me ardh një ditë kur keni me i marrë shtesat për fëmijë”, ka premtuar Haradinaj, në Rahovec.

Kandidati për Kryeministër ka premtuar se do të largohet edhe pagesa në kufi për qytetarët që jetojnë jashtë Kosovës.

“E kemi marrë prej themelit punën”, ka thënë Haradinaj.

Administrata e Kosovës e mbingarkuar dhe e politizuar

Kosova vazhdon të jetë me administratë publike të mbingarkuar e të politizuar, pavarësisht që ky është një nga kushtet e BE-së për integrimin e Kosovës.

Periskopi.com Lajme

Megjithëkëtë, zyrtarë të institucioneve thonë se po punojnë intensivisht për një administratë publike efikase e profesionale, raporton KTV

Në takimin e radhës të Këshillit të Ministrave për Reformë në Administratën Publike është vënë në pah mos-zbatueshmëria e ligjit për Shërbimin Civil dhe Ligjit për Pagat. Ministri Mahir Yakcilar që është edhe kryesues i Këshillit ka thënë se ky është një kriter i BE-së për integrimin e Kosovës prandaj po punojnë për përmirësimin e legjislacionit primar.

Bartës të institucioneve të larta të shtetit vazhdimisht kanë premtuar depolitizim e reformim të administratës, ndërsa në adresë të tyre vazhdimisht janë përcjellë akuza se pikërisht administratën publike e kanë mbushur me militantë partiakë.