Ish nënkryetari i AAK’së, në listën e Vetëvendosjes për deputetë (Foto)

Periskopi.com Lajme

Ish nënkryetari i Aleancës për Ardhmërinë e Kosovës, Ali Lajçi e ka gjetur sonte vetën në listën për deputetë të Lëvizjes Vetëvendosje.

Lajçi, i cili është larguar nga AAK para disa dite.

Por, kjo nuk ka bërë që ai të pauzojë nga politika pasi që tashmë gjendet në listën e Partisë Lëvizja Vetëvendosje me numër rëndorë, 35.

Lëvizja Vetëvendosje është partia e vetme deri me tani që ka publikuar listën e plotë të deputetëve, me numra rendorë, që garojnë në zgjedhjet e 11 qershorit.

 

Lista e plotë e AAK-së me kandidatët për deputetë, kush u privilegjua e kush u la jashtë

Periskopi.com Lajme

Në një takim të mbajtur pasditen e së enjtes Aleanca për Ardhmërinë e Kosovës ka miratuar listën e kandidatëve për deputetë në Kuvendin e Kosovës.

Pjesë e kësaj liste janë emrat e të gjithë deputetëve të kësaj partie në legjislaturën e kaluar, por të njëjtës i janë shtuar edhe emra të rinj. Një ndër ta është edhe i sapoanëtarësuari, Halil Matoshi dhe zëdhënësi i kësaj partie, Muharrem Nitaj.

KALLXO.com ka siguruar emrat e 40 kandidatëve të AAK-së për deputetë. Në mesin e tyre është edhe ish-shefi i grupit parlamentar, Pal Lekaj, të cilit në prill të këtij viti Prokuroria Speciale i ka ngritur aktakuzë për keqpërdorim të pozitës apo autoritetit zyrtar.

Në këtë listë është edhe Elmaze Nura, e cila aderoi në këtë parti muaj me parë. Edhe Nura ishte në proces gjyqësor, por muajin e kaluar ajo u shpall e pafajshme.

Pjesë e kësaj liste është edhe kryetari aktual i Komunës së Deçanit, Rasim Selmanaj.

Në këtë listë është edhe biznesmeni Gani Dreshaj, i cili ia pagoi shpenzimet e mbrojtjes në Francë Ramush Haradinajt.

Këta janë emrat e AAK-së për deputetë:

  1. Ramush Haradinaj
  2. Ahmet Isufi – Gjilan
  3. Pal Lekaj – Gjakovë
  4. Gazmend Abrashi – Prishtinë
  5. Blerim Kuçi – Suharekë
  6. Ali Berisha – Pejë
  7. Muharrem Nitaj – Prishtinë
  8. Daut Haradinaj – Deçan
  9. Rrustem Berisha – Pejë
  10. Halil Matoshi – Prishtinë
  11. Bali Muharremi – Suharekë
  12. Lahi Brahimaj – Gjakovë
  13. Besnik Tahiri – Prishtinë
  14. Smaj Latifi – Rahovec
  15. Lulzim Kabashi – Prizren
  16. Xhavit Zariqi – Ferizaj
  17. Gani Dreshaj – Istog
  18. Rexhep Kadriu – Gjilan
  19. Fitim Selimi – Lipjan
  20. Fatmir Humolli – Podujevë
  21. Rasim Selmanaj – Deçan
  22. Anton Berisha – Pejë
  23. Zenun Elezi – Klinë
  24. Naim Sahiti – Pejë
  25. Lutfi Bilalli – Vushtrri
  26. Bekë Berisha – Istog
  27. Shkumbin Demaliaj – Deçan
  28. Enver Gashi – Obiliq
  29. Time Kadriaj – Deçan
  30. Teuta Haxhiu – Gjakovë
  31. Magbule Shkodra – Gjilan
  32. Diellza Hoti – Prishtinë
  33. Burbuqe Bakija – Gjakovë
  34. Ilirjana Gafurri – Pejë
  35. Elmaze Nura – Skenderaj
  36. Arbresha Nallbani – Pejë
  37. Valentine Bajrami – Prishtinë
  38. Zoje Lleshi – Gjakovë
  39. Gjyljeta Kuçi – Vushtrri

Këta janë kandidatët e AAK-së për deputetë të Kuvendit

Periskopi.com Lajme

Aleanca Për Ardhmërinë e Kosovës në mbledhjen e mbajtur sot ka përfunduar listat për deputet në zgjedhjet e 11 qershorit.

Indeksonline ka siguruar 12 emrat e parë që do t’i prijnë listës së partisë së Haradinajt.

I ri në këtë listë është i sapo aderuari në AAK, Halil Matoshi.

Më poshtë ju sjellim emrat e kandidatëve:

Ramush Haradinaj

Ahmeti Isufi

Pal Lekaj

Gazmend Abrashi

Blerim Kuqi

Ali Berisha

Muharrem Nitaj

Daut Haradinaj

Rrustem Berisha

Halil Matoshi

Bali Muharremi

Lahi Brahimaj

Fillojnë ‘sakrificat’ në AAK, shumë njerëz largohen nga lista për deputet

Periskopi.com Lajme

Avni Arfii nga AAK bënë të ditur se nuk do të jetë pjesë e listës në garën për deputetet të Kuvendit të Kosovës.

Arifi tregon se pas konsultimin me Ramush Haradinaj është marrë ky vendim.

Nuk duhet harruar se me koalicioni PDK-AAK-NISMA, listat mëparshme me deputetë ndryshojnë shumë, kështu që edhe përçarjet brenda partive janë më të mëdha ngase rritet numri i të pakënaqurve, raporton Periskopi

“Ndonëse e kam shpallur kandidaturën për deputet sot në konsulltim me kryetarin Haradinaj dhe kolegët tjerë nga partia vendosëm që të tërhiqem nga gara dhe të marrë përgjegjësi tjera. Falenderoj të gjithë ata që veç ma kishin premtuar përkrahjen dhe njëkohësishtë ju ftoj të gjithëve që të përkrahni kandidatët e AAK për deputet të Republikës së Kosovës”, thotë Arifi./ Periskopi

Përçarje në PDK, shkak koalicioni me AAK-NISMA

Periskopi.com Lajme

Pas marrëveshjes për koalicion parazgjedhor të PDK-së me AAK-në e NISMA-n, kanë shpërthyer paknaqësi në partinë e Kadri Veselit.

Portali “Infokusi” ka kontaktuar gjatë ditës me disa përfaqsuës të strukturave të larta të PDK-së, të cilët kanë treguar se koalicioni i kryetarit të tyre me kreun e AAK-së, Ramush Haradinaj dhe atë të NISMA-s, Fatmit Limaj po konsiderohet shumë i dëmshëm për partinë me të madhe në vend.

Ata thonë së Kadri Veseli gaboj rëndë në pazarin e marrëveshjes me Ramushin e Limajn.

“Një pjesë e madhe në PDK janë të tronditur se si Kadri Veseli pranoj t’ia jap postin e kryeministrit, Ramush Haradinajt. Përveç kësaj, nuk po arrin ta kuptojnë si është e mundur të kenë edhe 50 % në ndarjën e listave për deputetë”, ka thënë një anëtar i kryesisë së PDK-së duke kërkuar mos t’i publikohet emeri për shkak të ndikimit që mund të këtë brënda partisë.

Ai ka sqaruar edhe një detaj tjetër i cili sipas tij e bën PDK-në humbësin më të madh në gjithë këto pazare të medha që u bënë brenda pak orëve të mbrëmshme.

Ky është fakti se partia e Kadri Veselit nuk do të ketë në listën zgjedhore më shumë së 40 kandidatë për deputet.

Koalicioni me parti të vogla i zë vendin PDK-së në listën e përbashkët prej 20 vendeve, 60 të tjera janë të AAK e NISMA-s.

“Prej 120 kandidatëve sa do të jenë në liste, 60 i takojnë partnerit AAK e Nisma, 20 janë të partive të vogla dhe 40 mbesin për kandidatët e PDK-së. Ky fakt nuk mund të përbihët leht për shkak së jemi partia më e madhe në vend, nga viti 2007. Nuk jam i sigurtë se çfarë do të ndodh me gjithë këto parti, nëse do të arrin Kadri Veseli t’a menagjoj këtë situatë. Kjo do të shpërthej në momentin kur do të bëhët lista”, ka thënë për portalin Infokusi.com ky anëtar i kryesisë së PDK-së.

Edhe kjo pjesëtare e njohur e shoqërisë civile pritet të aderojë në AAK

Periskopi.com Lajme

Aktivistja e Shoqërisë Civile, Besa Luzha, e cila mbanë pozitë menaxheriale në fondacionin gjerman “Friedrich Ebert Stiftung” besohet se po kyçet në politikë.

Burime të Periskopit bëjnë të ditur se ajo është në negociata për të qenë pjesë e AAK-së.

E kontaktuar nga redaksia ajo nuk është lajmëruar.

Luzha gjithmonë kishte qëndrim të butë në raport me këtë parti.

Hiq me larg, ajo derisa Haradinaj po mbahej në Francë ajo thoshte ai po mbahet peng me akuza të ngritura nga bashkëpunëtorët e regjimit të Millosheviqit.

“Ai u morë peng (Ramush Harasdinaj) nga akuzat ngritura nga ish bashkëpunëtorët e një regjimi që kryen gjenocid ndaj popullit tonë. Prandaj, qytetarët e Kosovës dhe ata në diasporë dhe ku do, me të drejtë ndihen të revoltuar dhe protestojnë që një bashkëqytetari i tyre, një përfaqësues politik, një ish luftëtarë i lirisë, një ish gjeneral, një ish kryeministër sot mbahet peng për më shumë se dy muaj në bazë të këtyre akuzave të paqena”, deklaronte Luzha.

 

Analisti tregon kush do të jetë fitues i zgjedhjeve, thotë se nuk është as PDK as LDK

Periskopi.com Lajme

Fitues të zgjedhjeve të jashtëzakonshme në Kosovës do të jetë koalicioni AAK dhe Nisma.

Kështu vlerëson njohësi i çështjeve politike Xhemal Ahmeti, sipas tij ky koalicion ka më së shumti gjasa që të fitojë, sepse ka mjaft arsye pse qytetarët do t`ia besojnë qeverisjen këtij koalicioni.

“Këto zgjedhje sipas shumicës së njohësve do t’i fitojnë partitë si AAK dhe NISMA, e para ngase absorbon lehtë të pakënaqshmet në LDK dhe e dyta gjithë ata të krahut të luftës. Kjo nuk donë të thotë se patjetër të fitojnë me numra dhe përqindje (edhe pse nuk përjashtohet aspak) porse do ta kushtëzojnë qeverisjen e ardhshme. Prandaj më i mundshmi është një meta koalicion pas zgjedhor ndërmjet AAK-Nisma dhe LDK-së se ndonjë tjetër.

VV do të luftohet nga të huajt e determinuesit e qeverisë nuk do pranojnë me PDK-së. Pra përveç LDK-së tjetërkush nuk iu mbetet, ngase Lista Serbe nuk lejohet nga Beogradi e 6+ tradicionalisht i bashkëngjitet shumicës së ofruar nga partitë shqiptar ky është variant më i mundshmi. ” ka thënë Ahmeti për GazetaBlic.

Megjithatë Ahmeti thotë që puna e koalicioneve nuk ka edhe aq garanci.

“Thamë asgjë nuk ka garanci rreth koalicioneve, mundësia që AAK dhe Nisma t’i fitojnë zgjedhjet janë shumë të mëdha. Demokracia kosovare ka nevojë për një ndryshim e këta zotohen se mund ta sjellin. Fjala e fundit i mbetet natyrisht votuesit.”

E ne anën tjetër partitë politike akoma nuk kanë arritur ndonjë koalicion mes tyre.

Ndërsa sot është dita e fundit ku partitë politike do të zyrtarizojnë listat e tyre, dhe të bëjnë publike se a do të hyjnë të vetme apo në koalicion.Qytetarët e Kosovës do t`i drejtohen kutive të votimeve me 11 Qershor.

 

 

E mallëngjyeshme çfarë kishte shkruar Halil Matoshi para 10 vjetësh, kur kishte hyrë në politikë

Periskopi.com Lajme

Halil Matoshi iu bashku Aleancës për Ardhmërinë e Kosovës. Por, angazhimin e tij politik Matoshi nuk e ka për sefte.

Në vjeshtën e vitit 2007 në prag të zgjedhjeve, gazetari dhe publicisti Halil Matoshi i ishte bashkuar Partisë Reformiste ORA që drejtohej nga Veton Surroi.

Asokohe, para dhjetë vitesh, Matoshi kishte braktisur gazetarin dhe i kishte hyrë politikës. Në 2007 ishte redaktor i opinioneve në Gazetën Express. Kur ishte larguar nga mediumi ku punonte Matoshi iu ishte drejtuar kolegeve të tij gazetarë me një tekst shumë mallëngjyes që po braktiste gazetarin.

Por, Partia ORA, jo për fajin e Matoshit, nuk kishte arritur të kalonte pragun për të hyrë në Kuvendin e Kosovës, dhe pas përfundimit të zgjedhjeve sërish ishte kthyer në mediumin ku kishte punuar, transmeton Periskopi

Më poshtë po sjellim në tërësi shkrimin e Halil Matoshit, të botuar në Gazetën Express, më 12 shtator 2007, me të cilin i jepte lamtumiren profesionit të gazetarit dhe përshëndeste kolegët e tij, i cili mund të jetë aktual edhe sot.

“Tung Kolegë”,

Kolegë të mi të respektuar!

Miq të dashur, lexues të mi kritikë por të drejtë!

Ju drejtohem juve që më keni përkrahur dhe më keni kritikuar për shkrimet e mia, më keni dhënë zemër edhe kur më keni lavdëruar por edhe kur më keni qortuar, gjykimet e juaja kanë qenë frymëzim dhe shpërblimi im i vetëm dhe më i madhi.

Kam vendosur që ta lë gazetarinë dhe të hyjë në garë në zgjedhjet e ardhshme.

I hyj këtij testi sfidues duke flijuar profesionin tim ku ndihem më i sigurt, gazetarinë, sepse ndërgjegjja qytetare nuk më lë indiferent.

E si mund t’i lihet qyteti ku je rritur një njeriu si Ismet Beqiri pashë zotin?

Angazhohem politikisht për vendin tim, për të dhënë kontributin tim modest në avancimin e vlerave evroperëndimore dhe veriatlantike, për instalimin e demokracisë liberale në Kosovë, për t’i ndihmuar reformimit të pushtetit në Kosovë, (që pushteti të ketë fytyrë njeriu!) për krijimin e vlerave të reja dhe shmangien e degradimit të shpirtit qytetar e kombëtar, të katandisur deri në përmbytje. Kosova është ndarë në feude të njerëzve të fuqishëm që janë mbi ligjin. Kosovarëve në vend të vlerave demokratike e civile, në vend të vlerave të luftës e paqes u është dhënë skllavërimi, duke ua mbushur lagjet dikur të qeta, fshatrat dhe qytetet me shtëpi publike, pompa benzine e motele. Kosovarëve të rinj, në vend të një shkolle të konsoliduar u është dhënë rrugaçëria, duke i shndërruar në vrasës potencialë me pagesë dhe narkodilerë, kurse shtresën më vitale dhe më fis-nike të rinisë sistemi katastrofal i ka shndërruar në punëtorë krahu, në cigareshitës e kartelashitës. Nuk mund të rri tutje indiferent e ta shoh këtë mjerim! Prandaj dua të ndihmoj sadopak qe kjo fotografi e vendit tim të ndërrojë.

Do të isha njeriu më i lumtur në botë sikur Kosova të kishte një udhëheqje të mirë e të drejtë, kurse unë të merresha me gazetari, me shkrimin. Por më duhet ta pranoj, jam i zhgënjyer me këtë klasë politike, e cila, nuk pati as kurajën e duhur dhe as vullnetin për me e ndër-tu demokracinë dhe për ta vendosë ligjësinë dhe drejtësinë sociale, në këtë vend të munduar për një shekull nga Serbia e të mundur për tetë vjet nga korrupsioni dhe krimi i organizuar.

Zgjedhësve të mi potencialë nuk u premtoj asgjë më shumë se fuqinë e fjalës.

Prandaj, lexuesit e mi dhe kolegë gazetarë, ndihem i privilegjuar që kemi punuar bashkë këto 23 vjet, kemi vuajtur dhe kemi shpresuar bashkë, për një Kosovë normale!

Kolegë gazetarë, kemi qenë vërtet të guximshëm dhe kemi bërë më shumë se pushteti aktual, por edhe më shumë se secili pushtet në këtë vend, që nga “Bota e re” e “Zëri”, pastaj në “Lajm” dhe së fundi në “Express”.

Faleminderit “Express”!

Angazhimi im në politikë është vetëm një zë më shumë në mbrojtje të qytetarit në qendër, e jo të klaneve pushtetore. Qyte-tarit duhet t’i rikthehet vendi i tij, të mirat shpirtërore dhe materiale të tij, që i janë plaçkitur ose uzurpuar; që qytetari ta qev-erisë vendin e tij duke zgjedhë dhe duke u zgjedhur.

Ashiqare, Kosova ka media shumëfish më të mira se qeveris-ja dhe për këtë i faleminderoj ata burra e ato gra gazetarë, që guxuan dhe thanë: Boll ma!

Unë e lë përkohësisht gazetarinë aktive dhe do të konkurroj në zgjedhjet nacionale dhe nëse do të fitoja besimin e qytetarëve, do të isha një zë i fuqishëm Juaj, që mbështet idetë fisnike të kosovarëve për me e ba një Kosovë normale, estetike dhe me shpirt!

Për me kriju mirëqenie për qytetarin, për me kriju vlera reprezentative për këtë vend.

Me ua kthye buzëqeshjen dhe dinjitetin arsimtarëve, intelektualëve, pensionistëve, fshatarëve e punëtorëve, invalidëve të luftës e të punës dhe familjeve të tyre.

Do të luftoj deri në frymën e fundit për një Kosovë ku secili qytetar do të ndihej krenar me të, me identitetin e tij, me përkatësinë e tij, me qytetin e tij, me punën dhe profesionin e tij, me librat, familjen dhe miqtë e tij…Vota nuk jepet për një të ardhme të premtuar fiktive, të gjithë thonë “votoni për të ardhmen e lumtur të fëmijëve tuaj”, e ju, duhet të votoni për të sotmen, sepse askush s’ka të drejtë t’ua marrë atë, ose t’ua vjedhë. Ju keni të drejtë të keni një ëndërr të cilën duhet ta jetësoni sot!

Po kush jam unë dhe cila është ëndrra ime?

Në dimrin e largët 1977 kam qenë në grup ilegal.

I pata shpëtuar arrestimit mrekullisht. Kam qenë në demonstratën e vitit. Së pari herë e kam ndier ajrin e tendosur nga lotsjellësit…Sa lot janë derdhur për Kosovën e lirë e të pavarur? Përgjatë shekullit 20 nuk ka familje shqiptare që nuk ia kanë vra të gjitha Jugosllavitë dhe Serbitë së paku një djalë, ose që s’ia kanë mshelë në burgje një tjetër?

Si gazetar kam qenë në zgafellën e Trepçës në horizontin e nëntë me grevistët, më 1989.

Në demonstratat e po atij viti…Në Lupç kur u vra Ylfete Hu-molli…Kam qenë para Kuvendit më 2 korrik 1990 kur u shpall Republika! Jam arrestuar me 3 prill së bashku me Blerim Shalën dhe shtatë veprimtarë të Parlamentit Rinor; më 17 prill të atij viti kam dalë nga burgu dhe të nesërmen kam udhëtuar në Washington, në Kongres, me Ibrahim Rugovën dhe “Alternativën kosovare”. Kosova përmes Xhemë Xhemës dhe shqiptaroamerikanëve tjerë nisi të bëhej “çështje amerikane”, hyrën në luftën fisnike për Kosovën senatorë e kongresistë, që nga DioGuardi e deri te Gilman, Lantos dhe i famshmi Robert Dole, pastaj u rreshtuan Lugar, Ingel…Ndodhi mrekullia. Clinton, pastaj edhe George W.Bush i dolën krah vendit tim. Kam qenë i zgjedhur deputet në Kuvendin e parë postkomunist të Kosovës, më 1991, në atë Kuvend që nuk ia doli të mblidhet kurrë! Medreseja ku do të mblidheshim u rrethua nga policia serbe. Ne u zmbrapsem.

Të gjithë ne! Kosova po merrte kahe të zgjidhjes ushtarake. Edhe unë kam ikur në ekzil në Lubjanë më 1992. Kam shkruar për “Alternativën”. Jam kthyer shpejt në baltën e Prishtinës. Grevë urie kam bërë në “Rilindje” me Adem Demaçin, për fjalën e lirë më 1994…Jam zënë rob lufte më 21 maj 1999. Kam pas mendue se s’kam me i pa shqiptarët kurrë të buzëqeshur.

E kam ndier erën e lirisë më 21 shkurt 2000. U kam thënë gazetarëve të huaj se dua të fal por nuk do të harroj! Prandaj angazhohem për trajtimin e serbëve kosovarë si shtetas normalë të Kosovës. Kaq.

Kur Milosevici u paraqit për herë të parë para Tribunalit të Hagës, kam shkue në Reçak në odën e Sylë Halilit, që e kishte mbijetuar masakrën. “Lakun në fyt” ishte e vetmja fjalë e tij.

Robëria njëshekullore e Serbisë mbi Kosovën mori fund. Liria e Kosovës nuk është më lajm, sepse lajmi ka ndodhur më 12 qershor 1999.

Ideja e madhe shtetformuese e shumë breza kosovarësh po rrumbullakohet.

Kur vendosa të garoj në zgjedhje, maspari më dolën përpara fytyrat e dhjetëra ushtarëve të afërm e të njohur që ranë në fushëbetejë…të qindra e mijëra bijve e bijave të këtij vendi…Mu shfaq fytyra e Kosovës që na buzëqesh nga bota e përtejme dhe na thonë “bëjeni tash”! Unë dua të ndihmoj që Kosova të bëhet!

Adios kolegë! U pafshim!”   / Periskopi.com

Çfarë bëri Halil Matoshi nëpër vite dhe në sa politikanë kishte besim

Periskopi.com Lajme

Nuk është për bashkim kombëtar, madje kërkon komb kosovar dhe njihet si një gazetar që shumë vite.

Ky është Halil Matoshi që sot iu bashkua Aleancës për Ardhmërinë e Kosovës.

Ai shkoi në krahët e Ramush Haradinajt, në këtë kohë kur Qeveria e Kosovës është në detyrë dhe zgjedhjet mbahen më 11 qershor. E nëse ai do të jetë në listën zgjedhore, nënkupton se bashkëpunon edhe me Fatmir Limajn, meqë këto dy pari janë në koalicion parazgjedhor.

Pas një kohe të gjatë pushimi si pjesë e politikës, Matoshi, ka vendosur t’i bashkohet prapë politikës, raporton Periskopi

Ai që një kohë të gjatë flet si opinionist, por ky nuk është kalimi i tij i parë në politikë.

Dikur ishte në krahët Veton Surroit. Kjo ndodhi në vitin 2007  në partinë reformiste ‘ORA’ të Veton Surroit, e cila nuk kishte arritur ta kalonte pragun zgjedhor prej 5%.

E në ditën e aderimit, ai tha u kishte besuar dy njerëzve, Rugovës dhe Haradinajt.

Harroi Surroin me të cilin nisi një rrugëtim politik dikur.

“Mendoj që politika është besim. Nëse nuk ka besim, rezultatet janë të dobëta. Në jetën time, në politikë u kam besuar dy njerëzve: Ibrahim Rugovës dhe Ramush Haradinajt. Këta dy njerëz më kanë dhënë siguri. Nëse nuk ke siguri rezultatet janë të dobëta. Ne duam që qytetarëve të Kosovës t’ia kthejmë besimin. Prandaj na priftë e mbara”, ka thënë Matoshi.

Matoshi ishte edhe i burgosur politik, u arrestua gjatë bombardimeve të NATO’s dhe u lirua pas rreth një viti.

Ai mori pjesë në protestat e studentëve.

Pak netë më parë, Matoshi në televizion kishte deklaruar se e admiron Ramush Haradinajn dhe tha fjalë të mira për të./ Periskopi

 

Flet Halil Matoshi, tregon përse iu bashkua AAK-së

Flet Halil Matoshi, tregon përse iu bashkua AAK-së

Periskopi.com Lajme

Publicisti Halil Matoshi tashmë ka hyr në politik.

Ai ka zgjedhur AAK-në që të jetë pjesë e saj.

Në një konferencë ku u prezantua aderimi tij Matoshi tha se besimi që ka në Haradinajn dhe stafin e tij e ka shtyrë për të marr këtë vendim, raporton Periskopi

I pyetur nëse do të mund të qonte para idenë e tij për kombin kosovar në këtë subjekt, ai tha se idetë teorike mbesin libra, pra vetëm të tilla.

Ndërsa Haradinaj që u shpreh i nderuar që tashmë e ka në parti tha se AAK-ja është e hapur për të gjithë ata që duan të punojnë pa hile.

Ndërsa, Muharrem Nitaj në fund të konferencës tha se shpresojnë që pas Matohsin do u bashkohen edhe shumë të tjerë./ Periskopi

Zyrtare: Halil Matoshi i bashkohet AAK-së

Periskopi.com Lajme

Publicisti Halil Matoshi i bashkohet Aleancës për Ardhmërinë e Kosovës, kështu behet e ditur në një njoftim për media të partisë.

Zyrtarizmi do të bëhet gjatë një konference për media sot në ora 12:00.

Njoftimi i plotë:

Konferencë shtypi në AAK

Halil Matoshi i bashkohet AAK-së

Konferenca mbahet në Selinë Qendrore të AAK-së në ora 12:00

AAK lëshon pe, nuk e do kryeministrinë me patjetër

Periskopi.com Lajme

Ahmet Isufi nga AAK ka folur për koalicionet e mundshme që do të ndodhin pas zgjedhje në Kosovë.

Ai tha se preferojnë nj koalicion sa më të gjerë, por kur u pyet a më mirë me PDK-në apo me LDK-në tha se preferojnë t’i dërgojnë në opozitë të dyja.

Ajo që ka habitur më së shumti është se Isufi tha se AAK-ja nuk e ka me patjetër të mbajë postin e kryeministrit.

“Do të ishte mirë të vazhdonte atë 100 ditshin, por nuk është patjetër që Haradinaj të jetë kryeministër, për të mirën e vendit duam të punojmë”, tha Isufi në Klan./Periskopi

Për zgjedhjet në Kosovë nesër merret vesh që në mëngjes

Periskopi.com Lajme

Presidenti i Republikës së Kosovës, Hashim Thaçi, pas shpërndarjes së legjislaturës së pestë të Kuvendit të Republikës së Kosovës, do të mbajë nesër takim konsultativ me subjektet politike për caktimin e datës së zgjedhjeve të parakohshme për Kuvendin e Republikës së Kosovës.

Takimi do të mbahet në ora 08:45 në kabinetin e presidentit të Republikës së Kosovës.

Ndryshe, sot Kuvendi i Kosovës votoi mocionin e mosbesimit për rrëzimin e Qeverisë së Kosovës të drejtuar nga kryeministri Isa Mustafa, ndërsa shpërndarjen e Kuvendit, presidenti Thaçi e ka bërë përmes dekretit, i cili ka hyrë menjëherë në fuqi.

Për rrëzimin e Qeverisë votuan 78 deputetë, 34 ishin kundër, ndërsa tre prej tyre abstenuan.

AAK tërhiqet -Lekaj: Demarkacioni në Kuvend nuk do të kundërshtohet me dhunë

Periskopi.com Lajme

Kryetari i Grupit Parlamentar të AAK-së, Pal Lekaj, ka thënë se nuk kanë kërkesë nga Kuvendi për ta mbajtur mbledhjen e Kryesisë.

“Nuk na ka ardhur kërkesë për mbledhje të Kryesisë së Kuvendit”, ka thënë Lekaj për lajmi.net.

Kjo javë mund të jetë vendimtare për kalimin e demarkacionit, që qeveria pritet nesër në mbledhje të vendos për ta dërguar në Kryesi të Kuvendit.

Shefi i deputetëve të AAK-së në Kuvend ka thënë se do ta kundërshtojnë ratifikimin e demarkacionit me Malin e Zi në Kuvend me të gjitha format demokratike, duke përjashtuar dhunën në çdo variant.

“Sa i përket demarkacionit ne do të kundërshtojmë me të gjitha mjetet politike, duke i përjashtuar mjetet e dhunës, mirëpo të gjitha mjetet demokratike do t’i përdorim. Dhe ajo që është më kryesorja është vota kundër e Aleancës dhe opozitës dhe atyre deputetëve që kanë integritet dhe nuk kanë ndryshuar mendjen”, ka thënë Lekaj.

Ai ka thënë se kjo qeveri duhet të ik sa më parë për të mirën e qytetarëve, ndërsa ka thënë se i pari i AAK-së, Ramush Haradinaj ka edhe më shumë vullnet për ta kundërshtuar demarkacionin me të gjitha mjetet demokratike.

“Kjo qeveri sa më parë që të ik është më mirë për vendin dhe qytetarët dhe shpresoj që shumë shpejt më në fund do ta merr vendimin e merituar nga parlamenti. z.Haradinaj nuk e ka ndryshuar fare mendimin dhe as qëndrimin për demarkacionin, përveç që ka vullnet edhe më shumë ta kundërshtojë me të gjitha mjetet demokratike”.

Qeveria ende nuk ka dhënë asnjë konfirmim që do ta procedojë në Kuvend këtë javë demarkacionin, edhe pse një gjë e tillë i është kërkuar javën që shkoi nga SHBA-të të parit të Kuvendit dhe shefit të Qeverisë.

Mustafa thotë se partitë e tjera po i frikësohen rritjes së LDK-së

Periskopi.com Lajme

Kryeministri i Kosovës, Isa Mustafa, ka thënë se partitë e tjera po ia kanë frikën rritjes së Lidhjes Demokratike të Kosovës, prandaj edhe po i kërkojnë zgjedhjet e parakohshme.

Kryeministri këto deklarime i ka bërë në Deçan, ku LDK-ja pati ceremoninë e 27 vjetorit të themelimit të degës së saj në këtë komunë.

Mustafa pohoi edhe se përkundër që Deçani qeveriset nga një tjetër parti, investimet nga qendra nuk kanë munguar pasi LDK-ja është parti që mendon dhe punon vetëm për interesat e qytetarëve, transmeton Klani

“Deçani meriton të qeveriset nga LDK dhe ky është synim ynë”, tha Mustafa, duke shtuar se “kur ta kremtojmë 28 vjetorin e themelimit do ta kemi Deçanin nën përgjegjësinë dhe qeverisjen tonë”.

PDK i ‘vardiset” AAK-së

Periskopi.com Lajme

Deputeti i ‘pavarur’ sië e quan ai veten, e që ende është pjesë e Partisë Demokratike të Kosovës, Shaip Muja, i cili në vazhdimësi ka kritikuar matjen e territorit në marrëveshjen e Demarkacionit mes Kosovës dhe Malit të Zi, në emisionin Kontakt në Tribuna Channel, thotë se vetëm Ramush Haradinaj, kishte kauzë të vërtetë shpirtërore.

“Përveç një kauze të vërtetë shpirtërore që ka Haradinaj, të tjerët kanë bërë politikë. Ne jemi dy deputet unë nda PDK dhe Shpejtim Bulliqi nga LDK, kemi mbledhur fakte që ne humbin 82 kilometra katrorë”, tha Muja në Kontakt.

Muja kritikoi edhe kryeministrin Isa Mustafa, i cili sipas tij, do të duhej që këtë marrëveshje ta negocionte sërish me Malin e Zi.

AAK: Nesër vendimi përfundimtar për Haradinajn

Zëdhënësi i AAK-së, Muharrem Nitaj, në një prononcim nga Franca për KALLXO.com tha se kjo parti pret një vendim pozitiv nesër.

Periskopi.com Lajme

Nesër pritet që të merret vendimi për ish-kryeministrin e Kosovës, Ramush Haradinaj, i cili që nga 4 janari po mbahet në Francë, ku është ndaluar në bazë të një fletarresti ndërkombëtar të lëshuar nga shteti serb.

Një vendim i tillë ishte pritur të merrej në mars por ishte shtyrë për 6 prill për shkak se Serbia kishte ofruar prova të reja në synimin për ekstradimin e ish-komandantit të UÇK-së, të cilin e akuzon për krime lufte.

Zëdhënësi i Aleancës për Ardhmërinë e Kosovës, Muharrem Nitaj, në një prononcim nga Franca për KALLXO.com tha se AAK pret një vendim pozitiv nesër.

“Ajo çka presim ne është që përgjigja të jetë pozitive dhe Haradinaj të jetë i lirë në punën e tij dhe të kthehet në Kosovë”, tha Nitaj.

Ai për KALLXO.com ka sqaruar situatën e nesërme. Sipas tij nesër duhet të përfundohet e gjithë kjo procedurë.

“Seanca e nesërme është seancë përfundimtare, fjala e prokurorisë dhe palës mbrojtëse. Tash gjithçka varet nga trupi gjykues nëse do ta shpallë vendimin nesër apo do ta shpallë vendimin pas një kohe të caktuar, por ajo çka mund të them unë është që shqyrtimi I krejt lëndëve dhe materialeve përfundon nesër”, tha Nitaj,

KALLXO.com ka provuar të kontaktojë gjatë ditës edhe me avokatin e Haradinajt, Arianit Kocin, por nuk ka arritur.

Ramush Haradinaj është arrestuar më 4 janar të këtij viti nga autoritetet franceze. Me kërkesë të grupit parlamentar të AAK-së, Kuvendi i Kosovës ka shtyrë seancën që ishte paraparë të mbahej nesër për shkak të seancës së Haradinajt.

Kuvendi i Kosovës përmes një rezolute ka pezulluar bisedimet me Serbinë, deri në lirimin e plotë të Haradinajt.

Që nga dita e arrestimit e deri më sot në shumë qytete të Kosovës por edhe në Evropë janë zhvilluar protesta, ku është kërkuar lirimi i Ramush Haradinajt.

Hardinaj ishte arrestuar edhe në 2015 nga autoritet sllovene por që procedura e lirimit të tij kishte zgjatur shumë pak kohë.

Lekaj përsëritë një kërkesë të kahmotshme

Shefi i Grupit parlamentar të Aleancës për Ardhmërinë e Kosovës, Pal Lekaj ka thënë se zgjedhjet në Kosovë duhet të mbahen sa më parë.

Periskopi.com Lajme

 

Ai thekson se që nga konstituimi i Qeverisë LDK-PDK, të udhëhequr nga kryeministri Isa Mustafa ka pasur një varg problemesh e dështimesh.

Sipas Lekajt qeveria aktuale ka shkaktuar edhe skandale të shumta dhe serioze, duke iu referuar Marrëveshjes për Asociacionin dhe Marrëveshjes për Demarkacionin.

“Në  vendin tonë, për shkak të qeverisjes së keqe e dështake, me mijëra biznese veçanërisht të vogla madje edhe të mesme në vend të funksionimit janë ç’regjistruar dhe mbyllur, duke shkaktuar dhe rritur numrin edhe ashtu jashtëzakonisht të madh të papunëve! Po ashtu  edhe investimet e jashtme  janë në rënie të vijueshme!”, tha Lekaj.

Sipas shefit të Grupit parlamentar të AAK-së po bëhen dy dekada që nga çlirimi i vendit e gati dekada e parë që nga shpallja e pavarësisë dhe nuk kemi liberalizim për qytetarët e Kosovës, duke mbetur kështu vendi më i izoluar në Evropë.

Ai tha se shkaku esencial i dështimit të liberalizimit të vizave për qytetarët e Kosovës nuk është, kinse, pezullimi i ratifikimit të Marrëveshjes për Demarkacionin, por dështimet qeveritare në fusha të ndryshme, veçanërisht në: harxhimet enorme dhe të panevojshme për numrin jashtëzakonisht të madh të ministrive, bordeve e agjencive; gjendja anarkike e kaotike në sistemin e drejtësisë, në shëndetësi, arsim sikundër në  ekonomi; humbja e rasteve gjyqësore të vlerave jashtëzakonisht të larta për shkak të   veprimeve pushtetare korruptive; korrupsioni gallopant në të gjitha sferat e jetës shoqërore, ekonomike, politike, arsimore, shëndetësore; dështimi i anëtarësimit të vendit tonë në UNESCO-n;  dështimi evident i realizimit të premtimeve megalomane zgjedhore, dështimi për reformimin e sistemit zgjedhor.

AAK habit me qëndrimin e saj për të enjten në seancën e Demarkacionit

Demarkacioni prit të dërgohet në Kuvend, më 6 prill, të enjten e javës së ardhshme. Bashkë me të edhe kundërshtimi i opozitës. Vetëvendosje ka treguar veprimet për ta ndaluar, AAK-ja nuk beson se votojnë as deputetët e mazhorancës, por nuk përmendin gazin lotsjellës.

Periskopi.com Lajme

Ka dy ditë që flitet se Demarkacioni me Malin e Zi do të dërgohet në Kuvend javën e ardhshme, apo sa më shpejt të jetë e mundur. E AAK-ja nuk e ka ndryshuar qëndrimin për Demarkacionin, por duket se nuk do e kundërshtojnë me mënyrat e dikurshme.

Muharrem Nitaj nga ky subjekt tha për Periskopin se qëndrimi i AAK-së nuk ka ndryshuar, pra është konsistent.

Nitaj madje nuk beson fare që Demarkacioni kalon, ngase sipas tij, ka mospajtime prej deputetëve të shumicës.

“Nëse Qeveria ka bërë kontrabandën e kundërshtarëve të demarkacionit është çështje tjetër, është çështje tjetër, apo nëse u ka bërë shantazh” thotë Nitaj.

Vlerësin se demarkacionin duhet ta kaloj vullneti i vet deputetëve.

I pyetur nëse do të ketë gaz lotsjellës, thotë se nuk është diskutuar kjo çështje.

“Nuk ma merr mendja që do të ketë gaz lotsjellës, nuk e kemi diskutuar mundësinë e gazit lotsjellës. Është çështje e deputetëve, qëndrimi i AAK-së nuk ka ndryshuar. Demarkacioni është gabim”, thotë Nitaj./ Periskopi

Përplasen Demaliaj me Molliqajn

Shkumbin Demaliaj nga AAK në emisionin Rrokum Rroll në TV Rrokum, i ka komentuar deklaratat e sekretarit të Vetëvendosjes, Dardan Molliqaj, i cili ka thënë se AAK është satelit i PDK-së.

Periskopi.com Lajme

“Partia e Molliqajt, VV-ja, nuk ka strategji, prandaj merren me këso gjërash”, ka thanë ai, duke shtuare se kur ka qenë i ri, Molliqaj ishte pjesë e AAK-së dhe ka shërbye “për me ngjite postera”.

Molliqaj i ka quajtur shpifje këto deklarata.

“Lëre më që nuk kam qenë në struktura të tyre, por as anëtar i thjeshtë nuk kam qenë kurrë e as nuk kam votuar ndonjëherë për AAK-në”, ka shkruar Molliqaj në Facebook. “Shkumbini më mirë le të na tregon se sa libreza të veteranëve i ka shitur në rajonin e Dukagjinit dhe me çfarë çmimi?”. /Telegrafi