1480626052011216_vrasesi-i-gruas-kucove_15_4-1

Shqipëri: Vret gruan me thikë për xhelozi

Në fshatin Drizë të Kuçovës, banorëve nuk u besohet tragjedia që ka ndodhur në orët e para të ditës së enjte, në shtëpinë e familjes Luzi.

Periskopi.com Lajme

E zonja e shtëpisë, Majlinda është vrarë me thikë nga bashkëshorti, Ruzhdiu. 49-vjeçarja, nënë e 3 fëmijëve, dy vajzave dhe një djali, u gjet e pajetë nga policia në dhomën e gjumit.

Pas një telefonate që i kishte ardhur policisë, forcat e rendit mbërritën në Drizë dhe gjetën në shtëpi 57-vjeçarin. Ai ka deklaruar në momentet e para se e ka qëlluar gruan pas një grindjeje për motive xhelozie, shkruan Top Channel.

Por bashkëfshatarët thonë se çifti ishte fjalëpak, punëtor dhe se nuk kishin probleme mes tyre.

Ruzhdi Luzi e ka pritur policinë pa lëvizur në shtëpi. Ai është arrestuar dhe policia po heton për të zbardhur rrethanat e kësaj ngjarjeje tragjike, që tronditi fshatin Drizë.