fjala

Partia Fjala uron 28 Nëntorin

Me rastin e Ditës së Pavarësisë së Shqipërisë, 28 Nëntor, Partia Fjala uron të gjithë qytetarët në gjitha trevat shqiptare dhe në diasporë.

Periskopi.com Lajme

“Kjo ditë na kujton sakrificën e atyre burrave të mëdhenj, motrave dhe nënave shqiptare që luftuan dhe nuk kursyen asgjë që Shqipëria dhe Kosova të shpallin pavarësinë. Por që me 28 Nëntor për arsye të ndryshme dhe të njohura, vetëm Shqipëria arriti ta shpall pavarësinë”, thuhet në urimin e Fjalës.

Shpallja e pavarësisë, thotë Fjala, ishte një rrugëtim i vështirë dhe i udhëhequr nga burra të mëdhenj si Ismail Qemali dhe Isa Boletini.

“Shpallja e pavarësisë së Shqipërisë rezultoi me një agresion të vendeve fqinjë si Serbia dhe Mali i zi që synonin pushtimin e trevave shqiptare, por trimat shqiptar të udhëhequr nga Komandanti i tyre Isa Boletini, luftuan dhe mbrojtën nderin, gjakun dhe trojet shqiptare”, shton më tej kjo parti.

Sipas Fjalës, kjo datë 28 Nëntori, përveç shpalljes së Pavarësisë ka edhe një peshë të madhe historike ngase është ditëlindja e Komandantit Legjendar Adem Jashari i cili flijoj vetën dhe familjen e tij për lirinë dhe pavarësinë e vendit tonë.

“Jeta dhe vepra e tij është argument dhe shëmbëlltyrë për ne se si duhet të punojmë dhe veprojmë për vendin tonë”, ka shkruar Fjala në urimin e saj.