Parisi bëhet si Venecia pas vërshimeve të ujit (Foto)

Periskopi.com Galeria

Rreth 1500 persona janë evakuuar nga shtëpitë e tyre në rajonin e Parisit me autoritetet që janë në gatishmëri për rrezikun e përmbytjeve pasi niveli i ujit në lumin e Senës vazhdoi të rritej edhe të dielën.

Zyrtarët e policisë së Parisit thanë se rreth 1500 persona ishin larguar nga shtëpitë e tyre në rajonin Ile de France, që përfshin kryeqytetin francez dhe periferitë e tij.

Niveli i ujit në lumin e Senës do të mbërrijë mëngjesin e të hënës në nivele të njëjta me ato që çuan në përmbytje të mëdha në 2016-ën, duke e shndërruar një pjesë të qytetit të ngjashëm me Venecian. Uji që ka dalë nga shtrati i Senës tashmë ka mbuluar shëtitoret përgjatë lumit në Paris dhe ka detyruar nivelin e famshëm të Luvruit të mbyllë një ekspozitë të artit islamik në katin zero të tij.

“Bateaux Mouches” barkat e famshme të turistëve kanë qëndruar të lidhura për shkak të nivelit të lartë të ujit; mjellmat shiheshin të notonin atje ku normalisht ka beton dhe minjtë janë detyruar të ngjiten në rrugë.