obama-1024-6

Obama thotë se historia do të gjykojë ndikimin e madh të Fidel Castros

Shtëpia e Bardhë ka dalë me një deklaratë pas vdekjes së ish presidentit të Kubës, Fidel Castro në moshën 90 vjeçare.

Periskopi.com Lajme

Në këtë deklaratë të presidenti Obama ngushëllon popullin kuban si dhe familjen Castro, transmeton Klan Kosova.

Në këtë kohë të vdekjes së Fidel Castros, ne zgjasim dorën e miqësisë për popullin kuban. Ne e dimë se ky moment mbush me emocione kubanët – në Kubë dhe në Shtetet e Bashkuara duke kujtuar mënyra të panumërta në të cilat Fidel Castro ka ndikuar në jetët individuale, familjet, dhe kombin kuban. Historia do të regjistrojë dhe të gjykojë ndikimin e madh të kësaj figure për njerëzit dhe botën rreth tij.

Për gati gjashtë dekada, marrëdhëniet midis Shteteve të Bashkuara dhe Kubës u shënuan me mosmarrëveshje të thella politike. Gjatë presidencës sime, ne kemi punuar shumë për të vënë të kaluarën pas nesh, duke ndjekur një të ardhme në të cilën marrëdhëniet midis dy vendeve tona të përcaktohen jo nga dallimet tona, por nga shumë gjëra që ne ndajmë si fqinjë dhe miq – lidhjet e familjes, kulturën dhe njerëzimin e përbashkët. Ky angazhim përfshin kontributet e kubano- amerikanëve, të cilët kanë bërë aq shumë për vendin tonë dhe që kujdesen për të dashurit e tyre në Kubë.

Sot, ne ofrojmë ngushëllimet tona për familjen e Fidel Castros, derisa mendimet dhe lutjet tona janë me popullin kuban. Në ditët në vijim, ata do të kujtojnë të kaluarën dhe do të shohin drejt të ardhmes. Derisa ta bëjnë këtë, populli kuban duhet ta dijë se kanë një mik dhe partner në Shtetet e Bashkuara të Amerikës./