LG krijon ekranet e telefonave të Apple, Google dhe Microsoft?

Telefonat e lakueshëm mund të jenë e ardhmja e telefonave dhe iPhone-i juaj i ardhshëm mund të vijë me një ekran fleksibil. Nëse kjo është e vërtetë, iPhone nuk do të duken njejtë siç janë dukur tre vitet e fundit.

Periskopi.com Tech/Auto

Apple, Google dhe Microsoft do të mund të pajisen me ekrane të palueshme në 2018 dhe këto materiale pritet të ndërtohen nga LG Electronics.

Sipas sajtit Korean Electronic Times, prodhuesi i ekraneve LG Electronics do të furnizojë kompanitë e përmendura me ekrane të lakueshme, pas fillimit të prodhimit masiv në 2018.

Potenciali i telefonave me ekrane të palueshme është mjaft i lartë, pasi që do të mundësoj rritjen e madhësisë së ekranit pasi t’a hiqni nga xhepi.

Ekranet e zmadhuara do të jenë të përshtatshme për rritjen e tekstit, shikimin e videove me madhësi më të madhe dhe leximin e më shumë e-mailave në inbox-in tuaj.

Megjithata, ekranet e palueshme nuk janë ende pjesë e telefonave pasi që janë vështirë për t’u dizajnuar dhe kanë shpenzime të larta.