rama-ne-skai-905x395

Këto janë pikat kyçe në të cilat Edi Rama u përplas me gazetarin grek

Edi Rama zgjodhi të enjten në mbrëmje një stacion televiziv dhe gazetar grek për të folur në mënyrë të drejtëpërdrejtë lidhur me çështjet që kanë mbetur pezull ndër vite mes Shqipërisë dhe Greqisë.

Periskopi.com Lajme

Në një intervistë për televizionin “Skai”, Rama u pyet për të gjitha çështjet e nxehta, që nga ligji i luftës dhe Çamëria e deri në ditët e sotme për deklaratën e tij mbi Akropolin (lexo editorialin poshte).

Për frikën se një veto e Greqisë do të bllokonte aderimin e Shqipërisë në Bashkimin Evropian, Rama theksoi se nuk ka asnjë arsye që shteti fqinj të vendosë bllokadë. Ja pikat kyçe ku kryeministri u përplas me gazetarin grek Alexis Papahelas:

Për deklaratat se dikur në Athinë është folur shqip

Fakti që shqiptarët kanë kontribuuar për të mirën e shoqërisë greke dhe fakti që shumë njerëz në atë kohë flisnin shumë njerëz shqip, nuk e bën Athinën një qytet shqiptar. Ka të bëjë me faktin që kemi qenë kaq të lidhur. Duhet të mendojmë se sa shumë gjëra mund të bëjmë për njeri-tjetrin, dhe jo të mbytemi në ujëra të errëta të nacionalizmit dhe manipulimit mediatik.

Për shqiptarin që shpëtoi Akropolin

Do ishte një fakt historik i mirë që një shqiptar u gjet në vendin e duhur, në kohën e duhur për të bërë këto negociata në atë kohë dhe të shmangte bombardimin e Akropolit. Mund të kishte qenë grek, kinez, por ndodhi që ishte shqiptar.Nuk doja të thosha që shqiptarët shpëtuan Greqinë, doja thjesht të thosha se jetët tona kanë qenë të ndërlidhura dhe popujt tanë kanë qenë kaq të lidhur me njëri- tjetrin në periudha të ndryshme të kohës dhe ne kemi kaq shumë shembuj të mirë që mund të na mësojnë shumë për atë që kemi bërë për njëri-tjetrin.

Për Shqipërinë e madhe

Shqipëria e madhe apo Shqipëria e natyrshme, nuk janë nocione që janë prodhuar nga ne. Shqipëria natyrale është një nocion që është prodhuar nga të tjerë, të cilët janë trembur apo e kanë krijuar atë për shkak të axhendave të ndryshme, por kjo është si t’u vësh fajin grekëve sot për Megala Idea që ishte një ide e një kohe të caktuar që nuk ka të bëjë me vendet tona. Shqipëria natyrore është Shqipëria evropiane. Ne kemi një histori shumë interesante duke qenë se jemi një komb me dy shtete. Ka shqiptarë në Maqedoni, Mal të Zi.

Për Çamërinë

Ka qenë një zonë që quhet Çamëri ku shqiptarët jetonin dikur dhe për fat të keq kjo nuk është ajo çka ju themi sot fëmijëve. Njerëzit që dikur kanë jetuar aty as nuk mund të shkojnë sot për të parë ku kanë qenë shtëpitë e tyre.  Për çfarë arsyeje? Nuk kemi asnjë lloj pretendimi që të marrim territore për të marrë pjesë të Greqisë apo Serbisë, por ka ardhur koha ti kalojmë këto pengesa dhe ti lejojmë ti rishohin shtëpitë ku kanë lindur ata 80-vjeçarë gra dhe burra që u detyruan të largohen me forcë. A është e mundur që këta persona të kenë mundësi të kalojnë kufijtë e Greqisë. Çfarë ka këtu?

Për ligjin e luftës

Ne jetojmë në një paradoks të përsosur Ballkanin. Kemi një traktat miqësie dhe bashkëpunimi dhe një ligj të gjendjes së luftës në të njëjtën kohë.

Për akuzën se është antigrek

Nuk e duroj dot faktin që ka njerëz që më mendojmë atje si një person me ndjenja anti-greke. Jam i lumtur që ka persona që mendojnë se jam pro grek.

Për veton greke në BE

Nuk mendoj se kjo është e mençur dhe për tu menduar. Veto për çfarë? Eshtë e pabesueshme? Për ndërtimet pa leje në Himarë? Është veto sepse po flasim me vendosmëri, për nevojë për të zgjidhur disa çështje?