Drenas

Drenasi nën vëzhgimin e kamerave (FOTO)

Nënkryetari i Komunës së Drenasit, Arsim Haxhiu i shoqëruar nga drejtoresha e Shërbimeve Publike, Hyrije Xhemajlaj-Thaqi, drejtori i Inspektoriatit, Milaim Hajdari kanë vizituar Stacionin Policor në Drenas ku janë pritur nga Komandanti i këtij Stacioni, Driton Morina.

Periskopi.com Lajme

Qëllimi i kësaj vizite ishte inspektimi i implementimit të projektit të vendosjes së kamerave në qytetin e Drenasit. Ky projekt është realizuar në bashkëpunim të ngushtë nga Drejtoria e Shërbimeve Publike dhe Emergjencë dhe Stacionin Policor në Drenas, ku janë marrë edhe sugjerimet nga policët e Drenasit për pikat kyçe për vendosjen e kamerave të sigurisë, pasi që vëzhgimi i kamerave të sigurisë do të bëhet nga Stacioni Policor i Drenasit.

Sipas komandantit të Stacionit Policor në Drenas, Driton Morina, me vendosjen e këtyre kamerave, ky projekt do t‘i ndihmojë Policisë së Kosovës për zbulimin e veprave të ndryshme. Këtë vit është implementuar faza e parë e këtij projekti, ndërsa vitin e ardhshëm do të vazhdoj edhe faza e dytë për zgjerimin e vendosjes së kamerave në qytetin e Drenasit.

20161124112522642646