Dalin parashikimet e Baba Vangas për vitin 2018

Periskopi.com SOK

Baba Vanga është e moshuare bullgare e cila është bërë e famshme për parashikimet e saj. Ajo thuhet se ka arritur që të parashikojë sulmet terroriste të 11 Shtatorit, ngritjen e Shtetit Islamik, cunamin e vitit 2004, Brexit, etj.

Për vitin që vjen, gruaja që njihet si “Nostradami i Ballkanit” ka bërë dy parashikime të mëdha. Ajo ka parashikuar që në vitin 2018, Kina do bëhet superfuqia e botës, duke parakaluar SHBA-në. Po ashtu ajo ka parashikuar që në Venus do të zbulohet një formë e re energjie.

Një sondë hapësinore, e quajtur Parker, pritet që të lëshohet në korrik të vitit që vjen. Sonda e NASA-s do të studiojë koronën e jashtme të Diellit. Parker nuk do ulet në Venus, por do të përdorë fuqinë gravitacionale të këtij planeti për të mbërritur tek zona studimore.

Misioni do të përpiqet që të përcaktojë strukturën dhe dinamikën e fushave magnetike në burimin e erës diellore. Po ashtu sonda do të gjurmojë rrjedhën e energjisë që nxeh plasmën që rrethon Diellin.

Parashikimi i saj i dytë është që Kina do parakalojë SHBA-në si superfuqi në vitin 2018″>2018. Të dhënat e Bordit të Konferencës, publikuar dy vite më parë, thonë se në vitin 2018, kontributi i Kinës në GDP-në globale do të kalojë SHBA-në.

Baba Vanga parashikon se shumë shpejt, mjekët do kurojnë çdo sëmundje falë rritjes së klonimit. Rreth viteve 2262 dhe 2304, njerëzit do arrijnë të udhëtojnë në kohë. Në vitin 2341 e në vazhdim, një seri katastrofash do e bëjë planetin të pabanueshëm. Njerëzit do emigrojnë në një tjetër sistem diellor, por burimet e pakëta do bëjnë që të shpërthejnë luftëra. Në vitin 5079, universi nuk do ekzistojë më.

Baba Vanga vdiq në vitin 1996 në moshën 85-vjeçare.